منتديات سبيع الغلباء - يامرحباماطافوا الحجاج فالبيت الحرام

[frame="7 80"]
.....ترحيب خل زايرة خلة ضحى العيد السعيد
ياللي رفعت الصوت تال الليل واوقضت النيام
.....بأبيات شعرا كنها الولو زهى بارقاب غيد
وردتها حوض المعاني مثل ميراد الحيام
.....واخذت نقوتها وجنبت الهزايل والعويد
ولفيتها بازكى شذى العنبر وباغلى نوع خام
.....وجوتها عن حامي الرمضى وعن لفح الجليد
وارسلتهالي عاصية من دون قيد ولاخطام
.....وابطيت احايلها عساي اقدر على الرد الفريد
واخذت لي مدة وانا احاول بقايدة الادام
.....واحفيت رجلي في طلبهامع مضامي كل بيد
لاكن على خبرك وضنك يالحشيم ابن الحشام
.....لحيتها لح الركايب لاتقفاهن عقيد
وانا الي مني سمعت الهرج ماعطيه اهتمام
.....خصا الي جا من هتول فالمواقف ماتفيد
اشرب شهاليل القراح العذب من در الغمام
.....واجزي عن الميراد لاعينت واطينه مديد
وعرف منهو راعي الردفين من راع السنام
.....واميز الصاحي من البطال من غير تحديد
عشت الليال الباردة والقيض وايام الصيام
.....وذقت الحياة القاسية والجوع والعيش الرغيد
ولقيت صكات السنين الجرد توهن باعضام
.....ياصاحبي صالح عسى عمرك على الدنيا مديد
خصا الي صار الهوى قد لج بك عشرين عام
.....عزالله انك عن دروبة لا تميل ولا تحيد
اقولها الخيزران الين من غصون البشام
.....وانعم من الثنتين يابو نوت عودان الهضيد
مافيه قلب مالحا جالة ولا اعياه الهيام
.....ولا فيه جفنن مانثر دمعة على فرقى وديد
الا قلوب مابها للزين ودروبة ريام
.....ماهمها الا تنسدح ترقب عمل عايد وعيد
واشوف لاما اللي تودة ماتحققها الحلام
.....الا ان ربي رادها والله يفعل مايريد
مدام براق المزون الغر قد أم انعام
.....لا ترقبة ياللي ضعونك من تحت قارة رشيد
هذي علومي ياندي الكف يامروي الحسام
.....لعلها تصلح دوا المنصاب والحل الاكيد
ولعل عينن ماتراك بعز يعميها العسام
.....باطراف يوم ياخذ اغلا احبابها باسه شديد
وختامها يفداك عي مامشى درب الكرام
.....عنده مفاتيح الكنوز ولا يمد الا الزهيد[/frame]