الشاعر الكبير والراوي رشيد بن مساعد يرد على سعد بن ثلاب
 

الشاعر الفحل الجزل والراوي الكبير رشيد بن مساعد القباني في قصيدة رائعة تنم عن حب انتماء وحمية لاتستغرب منه للقبيلته (السـهـول)


فقال قصيده قويه في كل ماتحتويه
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

يقول من قامـت هواجيسـه تجــــــول****واختار مـن زيـن البيـوت سمانهـا
تِدق في صـدره كمـا دقـــــة طبــــــول****وبجزالـهـا فتحـتـنـا بيبـانـهـا
لَمن بغيت القـاف مـا دونـه قفـــــــول****وتـرى المثايـل جزلهـا سلطانـهـا
واللي مزعلني وأنـا رجـل زعـــــول****كلمـة ظريـف مـا خـذا حسبانهـا
لشفت بعض الميل ما أصبر بالميـول****لكـان يمـي مـا كتـب عنوانـهـا
أخاف قوله يسمعـه بعـض الخبــــول****نـاسٍ تحـب التايـهـه واعلانـهـا
يا سعد بن ثلاب يـا شبـل الشبـــــول****جـدك بنـاهـا وتـهـدم بنيانـهـا
الاسم ثابـت مستحيـل إنـه يـــــــزول****دام العـرب مكـة تطـوف اركانهـا
رنيه لغيرك لا تجيب اقصى الاصــول****رنيـه لنـاسٍ طــوروا عمرانـهـا
لو جيتهـم عـدوك منهـا بالمطـــــــول****وينـك ودار مـرمـس هجرانـهـا
قرون لياليها مضت واقفـت سمـول****وأخيـر لـك مـن ذكرهـا نسيانهـا
منها ترى الجـدان قربـوا الزمـــول****وشالوا على عِربٍ وسـاع أزغانهـا
وراحوا مع البيدا وسيعـات الخلـول****وخلـوا جوانـب ديرتـك وأوثانهـا
يوم زبنتهم زعب في ذيـك الحلـول****خوف مـن الظالـم علـى ميلانهـا
جت من جبال الحجز نكَّـال هـزول****ولاذت بقـوم نَسـمـت هِزلانـهـا
مع الزبين استَجنبـوا فـرس وذلـول****وخـاب الشريـف الهاشمـي ديانهـا
يتلـون بـن قَبَّـان جمـاع الشمــــول****زيـزوم قــوم تتبـعـه سلفانـهـا
مثل المزون اللي بردهـا لـه ثعـول****على ((الغويبـه)) نثـرت غدرانهـا
ما خالها شلـفٍ علـى قِـبٍّ تشـــول****وعِلـط الفتايـل شـابـكٍ خفانـهـا
وخذوا مع حرب خصامهم كسرحول****كـم روح قـرم فاختـت جثمانـهـا
في كل وادي جـددوا كـره وضـول****ليـن القرايـا عمّـقـوا سيسانـهـا
جدك نزل في الغيل مختلف الحقـول****وصرتـوا سلاطيـن البلـد عمانهـا
مع لاد بـن قبَّـان حاميـن التلـول****ربـع تقلـد فـي الحـروب أكفانهـا
يرسيبهـم غـرس شماريخـه تـدول****كبـار فروعـه وافـيـه عسبانـهـا
لا طبه المشـاي مـا يلبـس نعـول****كن البحـور تْـروج فـي حيظانهـا
ياكل جناها الضيف والجار الخجـول****مـا بنّيـت مـن دونهـا جدرانـهـا
جتهم طغاة الترك من فـوق البغـول****ترطـن مزايكهـا علـى خيلاتـهـا
يتلون باشتهم علـى غيـر محصـول****ويقول سحمـه ويـن هـي ديرانهـا
وعَدابهم كـل أبلـج قـرم صمـول****وخلوا جثايـا التـرك كـن نطلانهـا
نطلان خشب خامد عقـب المحـول****عشت بهـم سحـم الضـرا عيلانهـا [/poem]
[poem=font="Simplified Arabic,4,black,normal,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]
حنا سهول إن قامت العالـم تصـول****قوم على العـدى تسـوق أضعانهـا
كم واحد مـن حربهـم راح معلـول****تزحف على الموت الحمـر غلمانهـا
لا جا نهـار فيـه زوغـات العقـول****كـم فـارس أخلـوه مـن حجبانهـا
كم خفـرةٍ لبسـت هداميـل الهمـول****عاقـوا بعلهـا وايتمـوا ورعانـهـا [/poem]
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
وسبيـع لا طالـوا بطولتهـم نطـول****ربـع تـرد الشـره عـن حقانـهـا
يستاهلون المـدح ماضيـن الفعـول****كـم هَجمـةٍ قـد روعـوا رعيانهـا
يرعابهم يـوم المخافـة كـل شـول****ترتـع بطـراف الخطـر قطعانـهـا
وإلى اعتلوا قحص الرمك شهب الذيول****يرمـون شيـخ القـوم فـي ميدانهـا
واختامها صلوا علـى طـه الرسـول****ما غرد القمـري بخضـر أغصانهـا
شفيعنا في الآخـرة مـن كـل هـول****لا قِرّبـت الاعمـال مـن ميزانـهـا[/poem]

رد : الشاعر الكبير والراوي رشيد بن مساعد يرد على سعد بن ثلاب
 

هلا اخوي صقر يااخي القصيدة جميلة ورشيد بن مساعد القباني معروف

بس عندي اسئلة وانا اخوك اكتشفتها في القصيدة وهي

رنية لغير لا تجيب اقصى الاصول .
. وش معنى لا تجيب اقصى الاصول ؟؟ هل يعني ان القبابنه كانوا في رنية وطلعوا منها ؟

وقبلها قال :
الاسم ثابت مستحيل إنه يزول .
وش معنا هذا هل يعني ان اصلهم شماسات ولا ممكن يزول ولكن الان صاروا مع السهول مثل ماقال ولده مساعد نعم الاصل من الشميسات والى هذا الوقت ولكن القبابنه سهول .

وقال الشاعر نفسه :
قرون لياليها مضت واقفت سمول****وأخير لك من ذكرها نسيانهـا .
وش معنى واخير من ذكرك نسيانها ينسى من رنية مثلاً

وقبلها قال رنية لغيرك .

وش معنى هذ البيت ياصقر :

لو جيتهم عدوك منهـا بالمطول****وينـك ودار مرمـس هجرانهـا :

عدوك بالمطول : هل سبيع تضرب الضيف اذا جاهم ؟؟


وقال :

جدك نزل في الغيل مختلف الحقول****وصرتوا سلاطين البلد عمانها

هل القبابنه كانوا في مكان ثاني بعدين نزلوا في الغيل ؟؟ طيب وين كانوا؟؟

السؤال المهم : قال الشاعر :
يوم زبنتهم زعب في ذيك الحلول****خوف من الظالم على ميلانهـا

القبابنه زبنوا زعب ؟؟ اذا كانوا القبابنه وين السهول الثانين ؟؟




مشكور اخوي صقر واتمنى حظ اوفر لك .

ماحسبنـا للرخـوم وللحـقـور ومــا حسبـنـا للهثـايـل
 

الأخ وابن العم سبيعي,, السهول كلهم كانو في رنيه وقت من الأوقات وهاجرو منها وارتحلو للعرض على فترات متقطعه بعدين باعو ديارهم في العرض وبقيت في ايديهم( رويضة العرض) واميرها عبدالله بن وهق الظهيري السهلي والفيضه وخرص وتحضرو السهول الي في القويعيه وهم عوائل معروفه وهاجرت جل القبيله منها الى العارض وسدير والمحمل وبرك والعويرض والي راح للشمال هذا شي معروف وبقا فيهم من بقا >>>اخوانهم المشاعبه والشماسات الى الأن
وقبايل السهول جلها من الشماسات والمشاعبه ابناء ســـــــهــــــــــل بن أنس بن ربيعة بن كعب بن أبي بكر عبيد بن كلاب بن ربيعة بن عامر بن صعصعة بن معاوية بن بكر بن هوازن
الشماسات0(الظهران ,القبابنه,البرازات,المحلف)
المشاعبه(المحيميد,الزقاعين,الصعوب,العبيد,المحانيه,المناجله)
كلهم كانو في وقت من الاوقات في ديارهم في رنيه
وهاجرو منها وغالبية هجرات القبايل الى الشرق ماقلت كل القبايل بس الغالبيه

بـــــرايــفت للأداره ليه تغيرون في صياغة الكلام وتعدلونه ولا حلال للكم وحرام علينا
الشاعر الكبير والراوي رشيد بن مساعدالقباني السهلي يرد على سعد بن ثلاثب والي معه من بعض ابناء القبابنه ,,وكلهم عدد الاصابع والي يبي سبيع الله معه يروووووووووح السهول مايتشرفون بهم
السهول كافين وموفين وتاريخنا مشرف وانجبو ابطال وفرسان يشهد لهم التاريخ والعربان
نبذه عن ابطال وفرسان من السهول

الفارس عرهان بن باتل (خيال البلها وراعي الاصايل)
الشيخ الفارس خزيم بن لحيان (غدير الموت)
الفارس الشجاع مهنا بن سويحل << يضرب فيه المثل ماكنك غزيت مع مهنا
الشيخ الفارس الشجاع جليدان بن برجس بن معدل (لقب بجليدان لشدته في الحروب ومجالدته الاعداء )
الشيخ الفارس صوار بن علوش بن معدل(اسمه محمد وسمي بصوار لأنه ولد في ماء صوار في المحمل وينادى بصوار)
الشيخ مناحي بن برجس بن معدل
الشيخ هادي بن رويضان
الكريم سلطان بن ذيب القباني (منادي بالعشا) <<يضرب به المثل في الكرم والجود
حسين بن صالح (ابن السودا) من القبابنه
ماجد القباني (ويسمى مويجد)
الشيخ حمود بن هادي بن جلعود
والنعمممممم في الآد قبان عيال شماس بن سهل
شايع بن محمد بن شداد من آل ثنيان من الزقاعين
حمد بن عمير (ابو محزمين) من القبابنه
ذعذاع بن ثقل (راعي الحرشا) من الزقاعين
الفارس الشجاع هجاج بن دعسان من المحيميد
الشاعر الكبير
فواز بن خنثل آل الرويضان من الزقاعين
فهيد بن دخيل (صحيب خاطره) من الظهران
الفارس عثفر بن رويضان من الزقاعين
الفارس عصمان بن عجيب من آل دمخ من الزقاعين
عبدالله بن سلطان بن ذيب من القبابنه



بعدين سبيعي انت قبيلتك ســـــبيع فيها احلاف ونعرف من هم الي حالفوكم تبون نذكرهم ولا مايحتاج
وهذا من طيب القبيله ااذا دخلت بعض القبائل العربيه فيها
ونتم تدرون وحنا ندري وش نقصد
مايحتاج
ومافيه قبيله عربيه مافيها حلف
واصل من مطير القبيله العربيه الشهيره كلها احلاف ولا نقص مطير في شي بالعكس حمر النواظر و فرسان مايشق لهم غبار
حتى سبيع الغلبا لو تبون افصلكم سبيع فخذ فخذ ومن هي القبايل الي دخلت حلف مع سبيع

ارررررررررررركدددددو ولا تتعرضون السهول

اقرو زين هالقصـــــــــيده و افهمو وش اقصد و من هم السهول

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
وشتبي في حدودنا حنا مبردة العزوم الى تقادحـت الصمايـل
حـدنـا بالسـيـف الأمـلـح والـمـشـوك محتمـيـنـة
يادخيلة... من علاوي نجد لحدود الخليج المعترض لحدود وايل
من جنـوب يحدنـا وادي الدواسـر ليـن قحطـان المهيلـة
كان تنشد عن فعول أهـل الفعـول اللـي يـروون السلايـل
إنشـد أهـل العـرض والعـارض قبـل جـدك يجـي لـه
أبك أنا من لابةٍ تنجـي الدخيـل وكسبهـا القـب الأصايـل
السهـول اللـي فعايلهـا تهـول وكـل حمـلٍ ترتكـي لـه
أصلنا مافيه لا هنـه ولاونـه وكسابـت معاريـف ونفايـل
ماتكرم شيخ شمـل وضمنـا معـروف مـن ضمـن القبيلـة
بيرق التوحيد يشهد يوم مافيهـا محابـاة ووساطـاة وجمايـل
يوم ضرب الحدب والدخان فـي كبـد السمـا مثـل المخيلـة
منهواللي حول الضرغام عن ظهر العبية يوم عـداة الفعايـل
شرب فنجال الشجاعة مـن الطنـا ثـم إعتـزى والله وكيلـه
قال يا ربعي خبرخير حصل وانتم هل العادة ملطمة العوايـل
شمت للفنجال يومه وصلنـي بيـن الرجـال ومحتسـي لـه
إنتخى ربعه وقال الموت ياشجعان له عدة طواريـق ووسايـل
من يهاب الموت لوه في فراشـه حالـفٍ والله إن يجـي لـه
قالوا إقدم ماشعبنا الجيش ياخيال في ليل ومساريـح وقوايـل
كـود ورادة خطـر والمـوت لا منـه لفـى مافيـه حيـلـة
إعتلى ظهر الكحيلة واعتزى ثم إنتخى لحظات لين الدم سايـل
ضرب يمنى ماتصيد إلا كبـار الصيـد ماترضـى الهزيلـة
هـذي فعـول السهـول اللـي يسـوون الشنايـع الهـوايـل
مثـل إبـن لحيـان ومهنـا صناديـد السهـول ا لمستشيلـة
ماتسد الشمس بردون العباة ولا توقي عـن لواهيـب القوايـل
والرواسـي مـال أبـوك وجـدك الأول بهـا حيـل وحيلـة
وأنت وش صنفت من ضمن القبيلـة يـوم صنفـت القبايـل
قالـوا إنـك خـارج التصنيـف مايشملـك يامضيـع دليلـة
علموك بشـارةٍ قشـرى وشلـت الحمـل يالدلبـوس مايـل
قالوا الأجـواد خـل الحمـل منتـب كفـو يالضايـع تشيلـه
قالوا إنا ماكسبنا منك كودالنقص والخـذلان وكبـار الفشايـل
ويش يرجـى مـن معبسـة الوجيـه البـاردة كـود الفشيلـة
يكفي اللي جاك منا..لونبي جبنا تواصيـف وتعابيـر ومثايـل
خابرين إنـك إلا مـن كبـرت القالـه تـذرى فـي الحليلـة
كثروا الشجعان في تالِ الزمان وصارت الدنيا مرابيع وخمايل
وصارت قصار البيوت طوال والأنذال صـار لهـم فضيلـة
ماحسبنـا للرخـوم وللحـقـور ومــا حسبـنـا للهثـايـل
أنت واشباهك تحـت ماطـى النعـال ولا توهـق بالطويلـة[/poem]
8
8
8
وسلااااااامتكم
ولايكثرمن بعدي

رد : الشاعر الكبير والراوي رشيد بن مساعد يرد على سعد بن ثلاب
 

يا صقر الليل

السهول صارو قبيلة

بس انت جاين تنبش العلوم تبينا نقول كلهم احلاف

ولا فيه قبيله اسمها السهول

وهذا الراعي مؤرخ المنتدى يقول اتحداك تجيب ان الكتب قبل 500 سنة تذكر اسم السهول

لأن كلمة السهول هذي بدعة مثل بدعة صقر الليل

سميت به نفسك وصرت صقر

ولا انت تلقاك من حضران القويعية ومسوي فيها سهلي

رد : الشاعر الكبير والراوي رشيد بن مساعد يرد على سعد بن ثلاب
 

[QUOTE=مشـعاب]يا صقر الليل

السهول صارو قبيلة
بس انت جاين تنبش العلوم تبينا نقول كلهم احلاف

ولا فيه قبيله اسمها السهول

وهذا الراعي مؤرخ المنتدى يقول اتحداك تجيب ان الكتب قبل 500 سنة تذكر اسم السهول

لأن كلمة السهول هذي بدعة مثل بدعة صقر الليل

سميت به نفسك وصرت صقر

ولا انت تلقاك من حضران القويعية ومسوي فيها سهلي[/QUOTE]

صقر الليل!! الكلام مردوده عليك انت واصلك الطيب يالبــومــه:017:
انا صـــــــقــر السهول وانشد ربعك من هم السهول يالمهايطي

هههههه مساكين كلكم مهايطيييين وقلوبكم سود قسم بالله ماقام معي واحد منكم ولا قعد خاصه انت يالضفعه
وسبيع احلاف كلها معروف كل قبايل عامر بن صعصعه دخلت في مسمى سبيع ناظر من هم الاحلاف من الاصل يامسكين

لايكون الراعي حمدالجاسر بس هههههههههههههههه من زين الطبايع حاط نك اول مره اشوف باحث ونسابه يدخل بسم مستعار هههههههههههههههههههههه مهايط

والسوده وش يرجعون؟؟ :oops:
انشد ربعك عن زيد وسويد ونهيد
ههههههههههههههههههههههههه
يامسكين انا قلت من الرويضة العرض مالك لوا مانيب من القويعيه ههههههههه حلوه من حضران القويعيه !!
والله من المهايط عندك مسسسسسسسكين ومريض الله يشفيك تطمن انت وخشتك بدوي مانيب حضري
رووووووووح وراك ياشــعــوه:eek6:

رد : الشاعر الكبير والراوي رشيد بن مساعد يرد على سعد بن ثلاب
 

تقول ياصقر ان الشماسات من سهل بن انس بن كلاب طيب في اي كتاب القى هذا الكلام كتاب معتبر يعني .
مصادرك وينها ؟ .
الذي اعرفه ان الشماسات هم:
بنو شماس بن عبدالله بن هزم بن رؤيبة بن هلال بن عامر صعصعة
في كتاب ابن حزم الاندلسي وكتاب جمهرة النسب للكلبي .

ثانياً متى هاجروا السهول من رنية على فترات متقطعة .

رابعاً اذاكان القبابنه والبرازات المحلف و الظهران من بنوشماس بن سهل على كلامك طيب ليش البرازات في السهول والبرازان في مطير يعالجون المغلوث فقط والقبابنه والمحلف والظهران مافيهم هذه الصفة مع انك تقول انهم من بنو شماس ؟

خامساً ياصقر وين الكتاب الي يقول ان السهول كانوا في رنية مع ان القبابنه هم الذين يقولون نحن في رنية فقط واذكر قول سعد الخبيش القباني في مشرف المنتدى عندكم قال ( هنالك امارات معروفه مثل امارة ابن قبان في الغيل وفي رنيه من قبل)

طيب الاسئلة الي ماجاوبت عليها كالتالي :

وقال الشاعر نفسه :
قرون لياليها مضت واقفت سمول****وأخير لك من ذكرها نسيانهـا .
وش معنى واخير من ذكرك نسيانها ينسى من رنية مثلاً

وقبلها قال رنية لغيرك .

وش معنى هذ البيت ياصقر :

لو جيتهم عدوك منهـا بالمطول****وينـك ودار مرمـس هجرانهـا :

عدوك بالمطول : هل سبيع تضرب الضيف اذا جاهم ؟؟


وقال :

جدك نزل في الغيل مختلف الحقول****وصرتوا سلاطين البلد عمانها

هل القبابنه كانوا في مكان ثاني بعدين نزلوا في الغيل ؟؟ طيب وين كانوا؟؟

السؤال المهم : قال الشاعر :
يوم زبنتهم زعب في ذيك الحلول****خوف من الظالم على ميلانهـا

القبابنه زبنوا زعب ؟؟ اذا كانوا القبابنه وين السهول الثانين ؟؟

رد : الشاعر الكبير والراوي رشيد بن مساعد يرد على سعد بن ثلاب
 

اخيراً
والنعم في عيال قبان بن شماس بن سهل خوالي و ابناء عمي
ولا علينا من هرج الخبول