ان لقينا شخص صاحي ما تركنا شخص صاحي(وينك يا ابوعمر)
 

السلام عليكم وحمة الله وبركاته
استلم يا ابوعمر


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من هواجيس ليا وردتها مثل المخايل=وبلها يمطر من الدمام لا وادي نساحي
ما لقينا شخص في موقع مروين السلايل=وان لقينا شخص صاحي ما تركنا شخص صاحي[/poem]

رد : ان لقينا شخص صاحي ما تركنا شخص صاحي(وينك يا ابوعمر)
 

مرحبا باللي هواجيسة لها صلب ونفايل = و مرحبا بالماطر الي سايقه راع الفلاحي
ما تشوف الناس يومنك تولع فالفتايل = شب نارك وأحترس لا يضربونك بالسلاحي

رد : ان لقينا شخص صاحي ما تركنا شخص صاحي(وينك يا ابوعمر)
 

[size=4]البقا بك لو بعير القوم يبرك في المسايل=ما نقول الا بعير القوم عقب السيل راحي
انت لو عندك بقر في المزرعه يالشيخ وايل=كان تبشر كل ليله بالهجاد وبالصباحي[/size]

رد : ان لقينا شخص صاحي ما تركنا شخص صاحي(وينك يا ابوعمر)
 

لو بعير القوم نوخ في مساريح القبايل = قطعوه أهل الغنم وأكلت لغابيبه سماحي
البقر ماهوب يسرح مع مزهية الشمايل = دوره في حوشها ولا على جال البطاحي

رد : ان لقينا شخص صاحي ما تركنا شخص صاحي(وينك يا ابوعمر)
 

[size=5]ليه لا منك فتحت الضرف ما تقرى الرسايل=مير يا راعي المنيحه ردها يم المراحي
من ركب في الطايرة بتبين له كل المسايل=احد يركب في درجه لولا واحد دايم سياحي[/size]

رد : ان لقينا شخص صاحي ما تركنا شخص صاحي(وينك يا ابوعمر)
 

الرسائل طورها بالإميل وسند فايل = كان ما تدري عن التطوير يا مال الصلاحي
كل يقدم على قَدره وله في القِدر حايل = مير خلك مع هالأولى وتشرب مالقراحي

رد : ان لقينا شخص صاحي ما تركنا شخص صاحي(وينك يا ابوعمر)
 

شاويٍ باع الغنم قبل امس قم جانا يفايل=اشهد انها يا جماعه حدرت وادي رماحي
زاد حر الشمس ثم جات الهوايل في القوايل=اتق الله يا صحيبي لا تقول القدر فاحي

رد : ان لقينا شخص صاحي ما تركنا شخص صاحي(وينك يا ابوعمر)
 

الغنم لا سرحوك ابها وحزمت الشلايل = فلا توطيها هل البل كان لك فيها رباحي
لا كلاك الحر يا ابن العود فبحث لك بدايل = لا تصال الحر كان انك تبي تسمع نصاحي

رد : ان لقينا شخص صاحي ما تركنا شخص صاحي(وينك يا ابوعمر)
 

لعنبو رجلٍ سرح فيكم وللعربان خايل=لو اعرضكم هل البل يامناحي وش تناحي
لو تعود للبنادق والفتيله والصمايل=نعرف انك من رجال الغرس خلان المساحي

رد : ان لقينا شخص صاحي ما تركنا شخص صاحي(وينك يا ابوعمر)
 

خابرين أهل الصمايل والبداوه والذبايل = وكل ناس عندهم مثلك يحبون البراحي
كم صبي قد كلاه الدود وأبطى في الملايل = من يماني مكرمين الضيف يوم الوقت شاحي