البل عطايا خالق الكون للناس
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البل عطايا خالق الكون للناس= حتى كتابه للخلايق ذكرها
في كسبها من ماضي الوقت نوماس=يوم إنها بالروح يدفع مهرها
يوم العزاوي فوق صهوات الأفراس=اللي ظفر بالقوم واللي كسرها
لعيون حرشٍ حبها خالط انفاس=الله على اقلوب الخلايق ومرها
لاهبها مع طلعت الصبح نسناس=تتوق لرياضٍ تعانق زهرها
سند الرقاب مطيحة روس الأشراس=فج النحور اللي تعكرش وبرها
تحكم لها بالزين من شوفة الراس=اللي على مر الليالي شهرها
ولعة هل الغلباء ليا دقت اجراس=كم شيخ قومٍ كسْرته ماجبرها
يوم إنها بسياسة الجيد والباس=إليا بغينا ذود جبنا خبرها
حتى بدى للعدل منزل ومجلاس=عند الملوك اللي تجلى سطرها
جيت معزي زاحت الظلم وانداس=و دوافع الفتنه بسيفه بترها
واليوم تاخذلك مع الأرض مرواس=ماشفت لك نفسٍ تقادح شررها
نقوم دون الدين قاده وحراس=واللي بليا دين نفسه خسرها
[/poem]

رد: البل عطايا خالق الكون للناس
 

صح لسانك يا شاعرنا

مبدع كعادتك

ولا شك بأن الابل من انفس المال بدلالة تقييم دية المسلم بها