قصيده لشاعر نادر الظهور
 

[ALIGN=CENTER][COLOR=darkblue]هذه مختاره ارجو ان تحوز على رضاكم واستحسانكم

وهي قصيده للشاعر

عبدالله العليوي [/COLOR]
[SIZE=7][COLOR=coral]نهاية حـب[/COLOR][/SIZE][/ALIGN]

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
مـدري متى صـــارت جـــروحي تسـلـيـك

عـقـب الوفــــا وشـلـون غــرتـك دنـيــاك

يامــن عـلى اليــوم كـثــــرت طـــــواريك

نهـــــاية الغـــــــدار ماظـــــن تخـفـــــاك

في حـــبــك الـثــاني عــسـى الله يهـنـيـك

حـنـــا مـــع الأيـــــام نـدلــه وننـســـــاك

كنت الرجـــا واليـوم خـــاب الرجــــا فيك

ارخـصــت ماضــيـنا وغـيـــرت مبــــداك

ويـن الحـنـــان اللي مقـــــــره محــــانيك

ويـن الضميـر اللي عـن الغـــــدر ينهــاك

غـالي الدمـوع ارخصتها لك وانا ارجـيـك

ابـني لك بدمــعـي وتهــــــدم بـيـمـنـــــاك

يـكـفـيــني ماقــاســـيـت مـنــك وتـغـلـيـك

منـتـب عـلى قـلـبـي وصــــي ومــــــــلاك
[/poet]

[COLOR=darkblue][ALIGN=CENTER]الشاعر عبدالله العليوي

من سبعان القصيم من العتايقه من آل غنام

وهو شاعر معروف وسوف ابذل جهدي في محاولة نشر قصائده ان شاء الله في المنتدى ان شاء الله

ارجو ان يحوز على رضاكم ولكم جزيل شكري

وتقبلوا خالص تحيات اخوكم بن جراح[/ALIGN][/COLOR]

اخوي ابن جراح

صح لسان الشاعر عبدالله العليوي

بيض اله وجهك واله لايهينك

على نشرها لنا وشاعر مايحتاج شهاده

مشكور مره اخرى وتحياتي لك

اخوك

ابن شطيط

خوي ابن الجراح بيض الله وجهك وصح السان اشاعر عبدالله العلوي
على هاذي القصيده الرائعه جدٍ جدٍ وانت ياابن الجراح جزل ولاتجيب الا الجزل
مشكو يالغالي
حوك حمود

قصيدة وافية وجزلة ومن راس جزل
الله يبيض وجه الاخ بن جراح على نقلها لنا

بيض الله وجهك يابن جراح


وصح لسان الشاعر عبدالله العليوي


وتشكر على جهودك الملحوظه يابوعبدالله وننتظر جديد شاعرنا العليوي كما وعدت


وتقبل تحياتي

الله لا يهينك على هذي القصيدة الجزله

والامل ان تحصل على قصائد الشاعر عبدالله وتنشرها ان شاء الله

وتقبل تحياتي

اخوك السيف

ابو عبدالله

لاهنت على نقل القصيده الجزله وبيض الله وجهك والحقيقه الشاعر عبدالله العليوي من افضل الشعراء في المملكه واتمنى منك يابو عبدالله بذل المجهود عسى ان تاتينا بشي من نوادره الشعريه وخاصة العزليه . اشكرك على نقل القصيده وصح لسان الشاعر عبدالله العليوي



اخوك البدر

تسلم بن جراح على القصيده الرايعه والله لايهينك

وصح لسان شاعرهاااااااااا

تحيااااااااااااااتي لك

ابن جراح


الله لا يهينك على المجهود الرائع

والابداع المتجدد وما تضفيه على المنتدى انما ينم عن شخصيه

نادره لك كل الشكر اخي وكل الود

وبالنسبه للقصيده رائعه بما تعنيه الكلمه وصح لسان شاعرها العليوي ملاييييين

والنعم فيه وفيك وياهلا والله بعيال عمنا هل القصيم

وننتظر جديده كما وعدتنا

[COLOR=blue][ALIGN=CENTER]الاخ العزيز / ابن جراح


الشاعر عبدلله العليوي شاعر تميز وابدع


ولاهنت على الاختيار الموفق


تقبل خالص الود [/ALIGN][/COLOR]