منتديات سبيع الغلباء - ((( عزوة سويد أليا أقبل الخيل للخيل )))

منتديات سبيع الغلباء (https://www.sobe3.com/vb/index.php)

- - ((( عزوة سويد أليا أقبل الخيل للخيل ))) (https://www.sobe3.com/vb/showthread.php?t=11390)

((( عزوة سويد أليا أقبل الخيل للخيل )))

[[[align=center]size=5]color=000000]بسم الله الرحمن الرحيم

الاخوة الاعزاء في هذا الصرح الشامخ شبكة سبيع الغلباء أطرح بين أيديكم
هذه القصيدة التي وصلتني من الشاعر المبدع الاستاذ // محمد بن ناصر السويدي
السبيعي وهو من الشعراء المبدعين الذين لهم بصمة خاصة في قصايدهم ولاكن أنه
مقل جداً في النشر بل مبتعت عن وسائل الاعلام بشكل عام,,, أبو ناصر يقول[/color][/size][/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,7,limegreen" type=2 line=0 align=center use=ex num="0,black"]
يا مرحبا باللي لفانا طرف ليل=ليل ٍ نعدّه نايفٍ في الليالي

لفابه الغالي على القلب بالحيل=من لا بتي عندي عزيز ٍ وغالي

جاء من شروره والمعاني بتفصيل=من ديرةٍ فيها كرام السبالي

ثم مرنا في ديرة البن والهيل=مع درب نجران الطريق الموالي

يا مرحبا وإعداد ما يجري السيل=لا سال سيله من حقوق الخيالي

ويا مرحبا ترحيبةٍ توفي الكيل=لا هل المراجل كاسبين المعالي

العام ضفناكم على الفطح الحيل=لولا غلاكم ما نشد الرحالي

جينا على موعد عزيمة وتكميل=حفل ٍ يشرف طيبين الفعالي

عند المعازيب الكرام المشاكيل=اللي لهم تقدير بأول وتالي

ومقدارهم مرفوع بين الريا جيل=ينقال والنعمين لا جاء مجالي

ويا أبو سعد يا فا هم العدل والميل=رد الوفاء مطلوب في كل حالي

موعد عزيمتكم مسجله تسجيل=واجب علينا ما يبيله سؤالي

ثم بعدها للقاف معنى وتحليل=نسكن جنوب وشفنا بالشمالي

قلت الصحيح وبذكره بالتماثيل=حب الوفاء يبطي وهو ما يزالي

لكن لقينا ديرةٍ مالها أمثيل=كود الديار اللي على شف بالي

فيها الفواكه والبساتين وأنخيل=في موقع ٍ بين السهل والجبالي

وقرب الذي بيني وبينه مراسيل=على سلوم المرجله والرجالي

له عندنا مقدار حشمه وتفضيل=محبةٍ في الله هي راس مالي

وصلاة ربي عدما أنشت مخاييل=على نبي ٍّ منهجه بأعتدالي

الشاعر / محمد بن ناصر بن سيف السويدي السبيعي[/poem]

وهذا ردي على الشاعر// محمد بن ناصر بن سيف السبيعي

(( يـكـفـيـك فـعــلك ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,7,limegreen" type=2 line=0 align=center use=ex num="0,black"]
أبك البقاء يا مذلل الصعب تذليل=والقاف من هيبتك يمشي عدالي

بالغصب يمشي صح ما هي خلاخيل=أستاذ في نظم الحكم والجزالي

أستاذ ما تصعب عليك المواصيل=بالعلم والحكمة وصلت العلالي

وغصت البحر وأظهرت جزل المواويل=وجبت النوادر مثل صرف الريالي

ونهلت من عذب القراح المناهيل=وردتها بالسيف جال الزلالي

وردتها وأخذت جزل التماثيل=وأنا أشهد أنك ما جلبت الهزالي

جلبت من جزل المعاني قناديل=تشكيلةٍ تشبه لنور الهلالي

وأنا أشهد أنك بالكرم تشبه سهيل=دائم وبيتك مد هل ٍ للرجالي

دائم وبيتك مد هل ٍ للمشاكيل=شرواك يا محمد بعيد المدالي

لو كان ما تبغا شهادة وأقاويل=يكفيك فعلك يا عريب الخوالي

من ربعنا الغالين ذباحة الحيل=أهل الكرم والطيب في كل حالي

من عزوةٍ يروون حد المصاقيل=عزوة سويد أهل السيوف الطوالي

عزوة سويد أليا أقبل الخيل للخيل=خيالهم يثبت نهار القتالي

وتاريخهم مُثبت ولا فيه تظليل=وقول الحقايق ما يبي له أجدالي

غصبٍ على أصحاب القلوب المغاليل=غصبٍ عليهم من قديم الليالي

واليوم في حكم الملوك الحلاحيل=آل السعود أهل الكرم والعدالي

خيالة العوجاء نهار التهاويل=آلا د مقرن محتمين التوالي

ويا محمد الناصر حصلي مشاغيل=والوقت عيّا يا لوفي ما صفى لي

أصارع الدنيا وذقت البهاذيل=وأظن محدٍ من عنا الوقت سالي

ولا علها تصفي لنا بالمقابيل=وأنزوركم لو كان بأقصى الشمالي

أنجيك لو تسكن وراء شاطئ النيل=وأرضيك يا راع الوفاء والكمالي

أرضيك يا شباب نار المعاميل=يا مقدم الخرفان عقب الدلالي

ورد الوفاء من طبعنا له دواليل=والله يجمّل من يريد الجمالي

وتم الجواب وزبدة الهرج تقليل=وأختامها أحلى من حليب المتالي

وصلاة ربي عِد مِزن ٍ هماليل=على نبي ٍّ حارب أهل الظلالي [/poem]
الشاعر / الحميدي بن سعد السويدي السبيعي