يــاذيب !! ( تحــت التقييم من قبل الشعراء )
 

[CENTER]بسم الله الرحمن الرحيم

السلام عليكم ورحمة الله وبركاته

الاليت الكلام يعبر مافي القلب..!

اخوأني الاعزاء في منتديات قبيلة سبيع الغلباء احب ان اشــارككم قصيــده نضمتها وانا لآادري هل انا شـاعر ام لا

فأرجوو من منكم شــاعر ان يُقيمني من جميع النواحي الوزن والفكره والمفردات


وارجو من يقيمني ان يقيمني وكأني احدى اخوانه او اصدقائه المقربين

قصيدتي بعنوان ( يـأذيب )

تفضلو عسـاها ان تجملني[/CENTER]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياذيب يالي خوتك ترفع الراس=خوة شرف ماهيب خوة تردي
ياذيب يالي بالخلا مابعد داس=اثر الردي والآش للخلق معدي
ياذيب ياذيب الخلا خالي الناس=تعوي بصوت بيح الصوت سدي
بينت من سدي على بيض قرطاس=اوصف زمانن وقف الحق ضدي
وانا ياذيب امعَرب الجد والساس=اقنب قنيبك واحمل الشين وحدي
اصبر على جور الليالي والاتعاس=صبر القروم الي حطبها يقدي
لاكن صبري ماعرفنا له اقياس=مره طويل ويقصر احيان عمدي
ياذيب انا بالي من الوقت منحاس=خلا فطيم الاش ياذيب قدي
جاوبني ياذيب الخلا عدم الاجناس=ليه الزمن خلا المعادن تصدي[/poem]


بنتـــظاركم......

رد: يــاذيب !! ( تحــت التقييم من قبل الشعراء )
 

هلا بك ومرحبا في شبكة سبيع
صح لسانك ..........

القصيدة تبدو بداية رائعة الوزن ماشي مع ان فيه ثق في التالي
وانا ياذيب امعَرب الجد والسـاس
جاوبني ياذيب الخلا عدم الاجناس

وهناك ملاحظات على بعض المعاني

اوصف زمانن وقف الحق ضدي ( هذا يعني انك ضد الحق )
صبر القروم الي حطبهـا يقـدي ( غير متناسق المعنى لأن الحطب للنار وانت تتكلم عن الصبر )


شكواك للذيب فكرة جميلة انك تشكي على مثل هذا المفترس الشجاع
دعائي لك بالتوفيق

رد: يــاذيب !! ( تحــت التقييم من قبل الشعراء )
 

[QUOTE=خالد الشماسي;290215]هلا بك ومرحبا في شبكة سبيع
صح لسانك ..........

القصيدة تبدو بداية رائعة الوزن ماشي مع ان فيه ثق في التالي
وانا ياذيب امعَرب الجد والسـاس
جاوبني ياذيب الخلا عدم الاجناس

وهناك ملاحظات على بعض المعاني

اوصف زمانن وقف الحق ضدي ( هذا يعني انك ضد الحق )
صبر القروم الي حطبهـا يقـدي ( غير متناسق المعنى لأن الحطب للنار وانت تتكلم عن الصبر )


شكواك للذيب فكرة جميلة انك تشكي على مثل هذا المفترس الشجاع
دعائي لك بالتوفيق[/QUOTE]


اشكــرك اخوي على تقييمك لي وصراحتك

اما عن القروم الي حطبها يقدي

اقصد بها الناس الي تصيبها بلاوي الزمن لاتنام وتبقى نارها مشتعله طول الليل

اما عن اوصف زمانن وقف الحق ضدي

يمكن اني لم اوفق في توصيل المعنى الصحيح للمستمع ولكن انا اقصد اني على حق لكن الزمن عاكسني وانا بينتها في الأبيات الي بعدها مثل " وانا ياذيب امعَرب الجد والسـاس " خلا فطيم الاش ياذيب قدي "

اخراً اشكرك كل الشكر اخوي خالد وتقييمك درس يفيدني

شكــراً

رد: يــاذيب !! ( تحــت التقييم من قبل الشعراء )
 

ربما اختلف مع الاستاذ خالد الشماسي في بعض ملاحظاته !


واكيد اختلف مع الشاعر في طرحه الابيات للتقييم !!

لاني اظنها فوق ذلك بكثير حتى لو وجدت بعض الاخطاء في ترتيب الابيات مماخل بالوزن مثل

(وانا ياذيب معرب الجد ....الخ ؟
ومفروض ان تكون ياذيب انا اللي معرب الجد... الخ )

وغيره كم بيت ولكن هذا لايؤثر من وجهة نظري !


وعالعموم انا عندي طلب اذا ممكن ؟؟

هل يسمح للذيب التقليد ان يجاري الابيات نيابة عن ( الذيب ) الحقيقي ؟؟

رد: يــاذيب !! ( تحــت التقييم من قبل الشعراء )
 

ذيب الشرق

حيــاك الله وماقصرت في ردك على الموضوع

نعم يقدر اي ذيب يرد

رد: يــاذيب !! ( تحــت التقييم من قبل الشعراء )
 

اتفق مع خالد الشماسي100%

رد: يــاذيب !! ( تحــت التقييم من قبل الشعراء )
 

المجاراه بالنيابه عن (الذيب)مع الاعتذار سلفاً اذا أعتبر نوع من اللقافه ؟!



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حي المجال وحي مابين الاقواس=(الذيب)والحاضر حضوره يسّدي

ياشاكي الدنيا مع الهم لا باس= والله يعينك لاجفاك المضّدي

واللي بعد مثلك تجرّع من الكاس= جور الزمان وظالمٍ مستبّدي

والراي يبقى كل شي له قياس=حتى يبين أقصى الطريق الموّدي

ترى الدروب العوج يبغى لها ناس=اهل العزوم الصامله والتحّدي

وغوص البحر يحتاج عدة وغطاس=وحبال في وجه العواصف تشّدي

والله خلق عند البشر فكر وأحساس=نوبٍ تبي ثورة ونوبٍ تهّدي

ماتمشي الدعوى على كيف عساس=يتبع ثرى برق السحاب المعّدي

هذا ومرفقها من العذر مرواس= يستر خمال عيوبها والتعّدي

مني وانا مضمون ردي على ساس=بلسان حال(الذيب)خطٍ بيّدي[/poem] شكرا

رد: يــاذيب !! ( تحــت التقييم من قبل الشعراء )
 

افااا عليك وانا اخوكـ مافيها للقافه

وبيض الله وجهك عزالله قصيدتن جزله احسن من الأوله ههه

الله لايهينك على القصيد الطيب

رد: يــاذيب !! ( تحــت التقييم من قبل الشعراء )
 

[quote=ذيب الشرق;290289]المجاراه بالنيابه عن (الذيب)مع الاعتذار سلفاً اذا أعتبر نوع من اللقافه ؟!



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حي المجال وحي مابين الاقواس=(الذيب)والحاضر حضوره يسّدي

ياشاكي الدنيا مع الهم لا باس= والله يعينك لاجفاك المضّدي

واللي بعد مثلك تجرّع من الكاس= جور الزمان وظالمٍ مستبّدي

والراي يبقى كل شي له قياس=حتى يبين أقصى الطريق الموّدي

ترى الدروب العوج يبغى لها ناس=اهل العزوم الصامله والتحّدي

وغوص البحر يحتاج عدة وغطاس=وحبال في وجه العواصف تشّدي

والله خلق عند البشر فكر وأحساس=نوبٍ تبي ثورة ونوبٍ تهّدي

ماتمشي الدعوى على كيف عساس=يتبع ثرى برق السحاب المعّدي

هذا ومرفقها من العذر مرواس= يستر خمال عيوبها والتعّدي

مني وانا مضمون ردي على ساس=بلسان حال(الذيب)خطٍ بيّدي[/poem] شكرا[/quote]



صح لسانك يا ذيب

مجاراة ولا أجمل

دام لنا ابداعك

رد: يــاذيب !! ( تحــت التقييم من قبل الشعراء )
 

صحت السنتكم جميع


قصايد تجمل
وخاصة قصيدة ذيب الشرق متميزة تعبر عن غزارة شاعرها