أشرب الفنجال واكب البياله &&
 

[frame="8 80"]يا جماعه أرجو الافادة عن قائل هذه القصيدة ممن لديه العلم ..

حالفٍ ماخذ على الطرقي ريالـه

وبالثـلاث محـرم أنـه مايجيـنـي

لالقيت اللي على السكـة لحالـه

يلتفـت ويقـول ويـن المستحينـي

أوقف الموتر حيا وأبي الجمالـه

يوم ولـد الـلاش وجهـه مايلينـي

الطمع في كروة الرجلي رزالـة

خص وان جابـه مجـال الغانمينـي

والردي في حالة ماهـي بحالـه

واعوينـه مـن كـلام الطيبيـنـي

الردي لو بـان مايذكـر عمالـه

مايعـد الـلاش مقصـور اليمينـي

أركبه لعيون مـن زيـنٍ دلالـه

ماتحاكـوا فـي قفـاه الرامسينـي

مابغى غيري وانا مابغـى بدالـه

قاعـدٍ لـي بالرجـا مـدة سنينـي

الولد وان طاب قالوا :من خوالـه

وان تـردى تـر خوالـه خايبينـي

الولد وان طاب طيبه من خوالـه

بالخـوال يسـال قبـل الوالديـنـي

أشرب الفنجـال واكـب البيالـة

تابـعٍ سلمـي سـلـوم الأوليـنـي

ولاقعدنـا بالعمـل بنـا الرزالـة

ناخـذ العليـا طريـق الفايزيـنـي

قال خر الذيب من هاجوس بالـه

كلمـة يلعـب بهـا والبـال زينـي

قالهـا يومـه طرالـه ماطرالـه

من هواجيـسٍ تشيـب المرضعينـي

غرني بعض الرجال بكثر مالـه

مادرى ان الموت في حبل الوتينـي

كيف ينفعني وابا(..........) خاله

مايقوم البيـت دام السـاس طينـي

ناس وين اللي عوايـده الجمالـة

مثل ابن ظافر حمـد ليتـه يجينـي

الثنا والجـود دايـم فـي خيالـه

علمـه ظافـر سـلـوم الطيبيـنـي

جـوّد العليـا ولزمّهـا عيـالـه

وادركوا مـن علمتـه دنيـا ودينـي

واهني من باع حظه واشترى لـه

وسار في درب النبي وأخزى اللعيني

موقفـه ماكـل رجـال ينـالـه

مـن بغـى ممشـاه يقعـد مرتينـي

كم ذبح من حايل من حـر مالـه

وعادتـه لطمـة خشـوم العايلينـي


تحياتي:dr17: ..[/frame]

رد : أشرب الفنجال واكب البياله &&
 

[size=4]الله لايهينك يأخو السبيعي على هذا النقل الجيد لهذه القصيده الرائعه
ولاكن أسمح لي في بعض التعديل
1- الشطر الثاني من البيت الاول هو(والثلاثه حالف أنها ماتجيني) وليس كما قلت (بالثلاث محرم أنه مايجيني)

2- الشطر الثاني من البيت الثاني هو(يلتفت ويقول وين الطيبيني) وليس (يلتفت ويقول وين المستحيني)

وأنا مانيب حافظ القصيده كامله ولاكن حبيت أبين ما أعرف منها[/size]

رد : أشرب الفنجال واكب البياله &&
 

ابيض وجه اخوي السبيعي 123


فعلا قصيده في غاية الروعه والجزاله .اشكرك عل النقل المميز

رد : أشرب الفنجال واكب البياله &&
 

[size=4] السلام عليكم ورحمة الله وبركاته
اخوي صقر الخرمه
القصيده التي كتبها السبيعي ابياتها صحيحه ميه بالميه ومكتوبه في اكثر كتب الشعر هكذا وليس كما ادعيت .

حالفٍ ماخذ على الطرقي ريالـه

وبالثـلاث محـرم أنـه مايجيـنـي

لالقيت اللي على السكـة لحالـه

يلتفـت ويقـول ويـن المستحينـي

وهذه الأبيات صحيحه كما كتبها السبيعي[/size]

رد : أشرب الفنجال واكب البياله &&
 

وعليكم السلام ورحمت الله وبركاته يأخوي التاريخ وأنا كتبت الذي سمعت من الروله الذين يروون القصيد ومن أكثر من

راوي وربما يكون الحق مع أخوي السبيعي وإذا كان حصل أي التباس في الموضوع فأنا أسف

وأرجو من الأخوان إذا كان أحد منهم يجيد حفظ القصيده أن يكتبها

وتقبل تحياتي

رد : أشرب الفنجال واكب البياله &&
 

السبيعي الله لا يهينك على نقل القصيده
لاكن فيه قصيده معلرضه للشاعر الكبير المرحوم بأذن الله تعالى /دبيان بن عساف
اللي يقول فيها
الولد وان طاب طيبه من عمامه=والخوال مع العمام مساعديني
يليت تجيبها كا ن عرفتها انت او احد الاخوان الاعضاء

رد : أشرب الفنجال واكب البياله &&
 

التاريخ ياهلا ومرحبا بك

مشكور على ذكر الشاعر لأن هذا مهم للباحثين

سلمت يمناك

رد : أشرب الفنجال واكب البياله &&
 

[size=3]صقر الخرمة نورتنا بوجودك ويمكن يكون فيه غلط بالقصيدة والمجال مفتوح للتصحيح فالانسان غير معصوم عن الخطا ..


مودتي ..[/size]

رد : أشرب الفنجال واكب البياله &&
 

«®°·.¸.•°°·.¸¸.•°°·.¸.•°®»عايش ابو ليل يا مرحبا بك من ممشاك لي ملفاك أسعدتني بوجودك معنا يالقرم وانت اروع«®°·.¸.•°°·.¸¸.•°°·.¸.•°®»

رد : أشرب الفنجال واكب البياله &&
 

[size=4]عقاب البرازي يامرحبا بك يابن العم بخصوص القصيدة اللي لدبيان بن عســاف انشالله ادورها لك وان لقيتها بحطها على طول لعيونك يالغالي


مودتي[/size]