منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتدى المحاورة والعرضة (https://www.sobe3.com/vb/forumdisplay.php?f=14)
-   -   جديد محاورات خالد الشماسي (https://www.sobe3.com/vb/showthread.php?t=53786)

المسالم 12 - 04 - 2018 00:29

جديد محاورات خالد الشماسي
 
محاورة بين الشاعر / خالد الشماسي السبيعي ومحمد الطويرقي بتاريخ ٥ / ٤ / ٢٠١٨م


👏 👏 👏 👏 👏 👏 👏 👏 👏
[CENTER][COLOR="black"]
خالد الشماسي

ياسلام الله على اللي مواقيفه شهيرة
يخزم خشوم المعاني وفِي يدينه رسنها

لاتصادم يابو قرنين قرنينٍٍ كبيرة
تاكلك شمس الضحى وأنت في دفة صحنها

محمد الطويرقي

مرحبا ترحيب طيب وكرم مافيه غيره
عن ثقيف اللي طلع يوسف الحجاج منها

يالمطوع وش جرى لك ف الأيام الأخيرة
خيرة الله لاتجي للعباد وتمتحنها

خالد الشماسي

هد لاتنفض زهابك وتبلش بالذخيرة
قدمك أمواسٍ تشد الشوارب وتحسنها

العمود اللي بناه الغشيم وشد سيره
فرّق أهل الملعبة وإن بغى الفزعة زبنها

محمد الطويرقي

مانلومك لحيتك شبر وأشنابك قصيرة
الرحى تدرج من العصر وحبوبك طحنها

الغشيم إن كان يسمع ل عاقل يستشيره
كان مارد العرب في زمن ماهو زمنها

خالد الشماسي

أنت معنا فالملاقا وسيفك في جفيره
تمدح وجيه الخواجات وتخفّي عفنها

القناع اللي على الوجه مانعرف مصيره
يرصدونه لين تلبس نواميسه كفنها

محمد الطويرقي

الرجال أهل الوفاء بينهم رفقه وجيره
لن قدرت إحلب نياق البدو واشرب لبنها

عام الأول ترفع الصوت وتقود المسيرة
وآخر الأيام مخلوق ماتامر وتنهى

خالد الشماسي

الجموع اللي تراقص مع العازف وزيره
بيتهم واحد ولا ثوّرت ماحدٍ ومنها

صوتنا لاغاب عن دار يطلع لك بديره
ليت بنت الشر أبوها تحيزم ثم دفنها

محمد الطويرقي

كل واحد مع طريقه يبى يشعب بعيره
والعلوم الثانية مانشدوك القوم عنها

أنت لو تسمع لحن شمس وأغاني سميره
يمكن إنك تسبل الثوب وتغني لحنها

خالد الشماسي

الجمل لو سار ماعند قواده بصيره
ينفض اللحية* ولا شاف عمانه دهنها

لو لقيت أم الغواني على شط الجزيرة
سقتها للسوق واللي يبي يدفع ثمنها

محمد الطويرقي

لاتقول الوضع مخبوص والحالة خطيرة
ساير الأوضاع وأهل اليمن تعرف يمنها

يمكن تحصل من حدود رنية لااا عشيرة
الدير تعمر بنيرانها واللي سكنها[/COLOR][/CENTER]

وسلامتكم

👏 👏 👏 👏 👏 👏 👏 👏 👏

خالد الشماسي 16 - 06 - 2018 03:05

رد: جديد محاورات خالد الشماسي
 
الف شكر لك اخي المسالم على النشر


مجهود رائع لاهنت يا ابو فيصل


الساعة الآن 18:53.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها