منتديات سبيع الغلباء - جديد ابوليل ,,,, الفية المرثيه.

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الالف الوف يازماني عذابي ** من هم وغم وجرح سطابي

وفرقى اعز الناس طيفه غدابي** ياما خذاني من ثيابي وسجيت

بقعآتصيب الناس والشر بلوى** والخير الصابر بضيمه تبلوى

والحق حق الله مكتوب اشوى ** راضين باللي يقسمه محيي الميت

والبا بلابل في قنايل تسابل ** وقتها وتوقيتها غير قابل

شف العدو يمشي وودي بنابل ** ينبل عيون اهل الحسد والنتواحيت

ناس تنظل ياعرب تكره الخير ** تفرح اليا طقت عصى طبلة الزير

والشر جعله في وجه كل شرير ** ناس تفرق ما تجمع هل البيت

والتا تفرقنا وفقدت غالي ** ياما جمعتنا بالمعزه ليالي

لاشك هذا الدهر مر وحالي ** يالله تصبرنا وتنجي الشفاليت

ياما بكينا من مفارق شوارب ** وكل الشجن خيم علينا ودراب

واليوم سلوة خاطري ما تقارب ** عيت على جهل الحقيقه وعييت

الثاء ثلاثه ياعرب الا اكثر** خلو دموعي فوق خدي تنثر

كم مره في النوم قمت اتبغثر ** سرى عليه هاجس منه ونيت

ماتو ونامو في الثرى تحتانا ارض** وكلتهم الديدان قاروضة القرض

يما دعيت الهم وانا اصلي الفرض ** يالله تقبل دعوتي خاصه ليت

والجا جلملم خاطري ما تنجم ** وعودلساني كنه اخرس اعجم

شف المصايب في الجماعه تهجم** يالله نرفع عننا الثقل وطيت

ويالله عسى الفردوس والجنه الام ** وانهار كوثر النبي المعظم

وثياب سندس خضر استبرق انظم ** هذا جزاهم يوم كشف التوابيت

والحا حمل قلبي ثقيل الحموله ** يوم الليالي مذريتها السدوله

شفت الدهر ميل عليه ميوله ** مر اشد الازر ومرار ازريت

اول زماني في حياتي مغفل ** اركض ورى دنيل بها الطيب اسفل

مسكت خط الحق مامنه اجفل ** توي عرفت العلم منه تعليت

والخا خراب البيت لا صار مكسور** ماعاد يصلح لو تسوي له جبور

هرج اكيد صح ماخلط الزور ** هذي بحور الشعر يا جاهل البيت

شفت السنون البارقه عاقها السوس** يامبدل الكبس المنور بفانوس

احسن تقوي قوة القو بالدوس ** ماعاد ينفع صلح صلح الهفاليت

والدادهاني يامحمد زماني** ما عني ابطى يوم جاني عناني

يما كفيته عد ماهو كفاني ** وخلى ضعيف النفس يسرح هلا هيت

احد تعنق في زمانه ودنق ** واضحى عليه الصبح في نوم جنق

وخلى المراجل والمراجل تشنق** حلحيل قومن عرفته الطواغيت

والذا ذبحني علم اقشر يروعي ** علم تلاشى في ضميري يفوعي

جاني خبر موت اللذي له شفوعي** يوم القيامه يوم كشف التوابيت

الله يغفر لك ويرحم خويك ** ويخلف علينا والعوض في سميك

ويعوضنا بالصبر ويالصبر حيك** ويعين صبار على مر حلتيت

دنيا تجلى يامحمد تعلى ** شبنا وشفت الشيب في الرآس فلى

يرعى ويدرى كل شعره تدلى ** ياكثر ما شاهدت ياكثر ما نسيت

والرا رماني حظ اقشربتابوت ** وخلاني اشهد يوم ماعنه آفوت

شفته وشفت الموت يلوتني لوت ** ياليتني ميت وانا عنه صديت

هم الهموم يهم بآدنى القريبين ** يروعنا ويروع حتى البعدين

احدر تدحدرحيل لو كان ذلحين ** مليت انا من دنيتي وعنها اقفيت

والزا زماني شفت منه البهاذيل ** ياما وياما يوم قلنا تعاليل

والسالفه تحتاج لشوي تفصيل ** وكل يقول الهرج من دون توقيت

احد منظم في هروجه مخظرم ** له حشمته والكذب هو منه اطرم

يسمع سمان الهرج والهرج يظرم ** على لسان المعرفه قوله اهديت

والسين سنه سن راعي النميمه ** يقول قول ما يقدر بقيمه

واللي عطوه الاذن ناس مليمه ** ناس تبرآت والحيا شالته هيت

روحي وجروحي هي سري وبوحي ** اشفق عليها والشفق في مزوحي

واخاف من هرج العدو النصوحي ** تراه لو ينقدك يفضح ترنزيت

والشين شالة غبت في صفا صرح ** تسرى لياليها ولا تترك الجرح

لا تختصرها وتكتفي باقي شرح ** وفي كل حين رآسيه في ذرا بيت

ترسي ولا تيسري ليال مع ايام ** وتخلف الاحزان وتبكيلها ايتام

ذالوقت نبكي بكينا اللي ورى العام ** وياسرع مانسلى وننسى التناهيت

والصا صدر صادر مورد مصدر ** يحكم علينا بالفنآ مايقدر

حكم القدريمشي علينا مكدر** الا اللذي صابر له الاجر تثبيت

امر مصدق صدق من اصدق اصدق ** الواحد المعبود رب الفرزدق

له المكارم والمحارم تخندق ** يآمر وينهى له مطيعين سكيت

والضا ضبضب زينته ثم شذب ** وعود على ربه فقير مكذب

لاهو تهنا دوم دائم معذب ** بلاه ربي بالفتن مثل تكريت

هذا خسر دينه ودنياه جمعا ** غره زمان عايش فيه طمعا

لاشك حصل فعله الشين طبعا ** سالي ولاهي ما ذكر وحشة الفيت

والطاءطواهم طي طي السجلي ** ولا قو عملهم كل منهم يصلي

دائم وانا معهم ولو في محلي ** يالله تحميهم حمى حميك البيت

اول تفول صاحب مايعول ** ثم اتبعه شيخ فطينن يقول

واقفى معه شيهان حر يجول ** ماتو وباقي ذكرهم مع هل الصيت

والظآظلمت النفس ظلم يزاوغ ** معه امل ممدود وتسويف غاوغ

شفت المنايا في عيوني تراوغ **وبحرالاماني شدني منه جوليت

ناس تسوف ثم تلوف تعفف ** ما يدري المسكين ثوبه يلفف

والطوب في قبره يصفف تصفف **مايدري آخر منزله فيه تشتيت

والعين عين الصقر علت تعلت ** في رآس مرقاب طويل وهلت

شافت لها صيده رعتها وفلت ** خطر عليها من عيون النواحيت

كلن يراقبها يراقب مراقب ** يبغى الغنى يغنيه لو كان ثاقب

والله فوق اللكل والله يراقب ** الظالم اللي يظلم النفس تفليت

والغين غاغى مع طيور تناغى ** شاف الثعالب في الليالي تثاغى

تبغى لحم اطرآ الطرآيا تفاغى ** واحتدهن من دونها ذيب اوليت

اعقل تعقل يا مغفل تعلم ** ولا لاء تطالع فوق تراك تحلم

واسمع كلام اللي نصح ما تكلم ** حبر القلم منه على البيض خطيت

والفا فتن ربي فاتن مفتن ** كل ما جمع له رزقن اقشر يدفن

من زودفتنتها فتنته وتجنن ** عليك يا طماع بآسم الله سميت

ازهد ترى تنعم وتغنم وترغد ** وخل الفنى للفانيه وانت اسعد

وانحر لربك يرزقك جنه ابرد ** هذيك دنيا فا نيه فني موكيت

والقاف قوس غاربه ثم شوس ** واصبح على الثنتين بمساعدة وس

ياما مضى له من سنين يروس ** مرواسه النا موس والطيب والصيت

الشايب اللي شايب كل رآسه ** ازهد من الدنيا وطرف لباسه

يمشى على مبنى الصلوة ساسه ** يالله تختم له على الحق توقيت

والكاف كون ثم كتب هالعباره ** اسطورة راحت علينا خساره

جرح الجروح بداخلي شب ناره ** من حر مؤنس ياهل العرف ونيت

مقعد كريم والكرم كرم الضيف ** والطيب طيبه طاب ثم عطر الهيف

ياما يدسم في الصحن برد وصيف ** والجود جوده جاد ياما نضب زيت

والام لمت العين ياما وياما ** كم مرة ازجر زبرجر وناما

يسري مع الهاجوس ليلا حراما ** ما ذقت فيه النوم والدمع هليت

والنفس عيت عن قوت يقوت ** وشالت وحطت كثر ياما وسوت

تبغى زمان اول يعول تلوت ** وفي كل حينن يطعن الصدر تنهيت

والميم مالت وانتحت للغروبي ** واستشفق المسكين قطع الدروبي

وين انا ياللي عاني العنو صوبي ** وشمس القوايل في وضعها تفاويت

غابت ولا بانت لها الشهر وازود ** ومعها نجيم سهيل توه تودود

لو البكآبيرجع الميت اجود ** لانزف غزير الدمع واملى الحوانيت

والنون نور العين ذرب الميني ** ياما تشيل من الحمل يا ضنيني

رآسك بقى مرفوع دنيا وديني ** ويما نشدني مسجد فيه صليت

ويا قا طعين الرحم ادو الامانه ** تراه يرفع في القدر والمكانه

ويا حافظ السر والعهد صانه ** اشهد شهادة حق فعلك تسنويت

والها هويت الشعر من قلب من قلب ** حبه تمكن في الحشآ والحشآغلب

يامن يماري في الشعر الشعر صلب ** وما كل شاعر في الشعر يحكم البيت

وبيتي حكمته حكم والله يحكم ** شيء تراه العين ذالحين جتكم

ارفق ترقف رفق لا ماعدمكم ** شعر تشعر من مشاعري اسديت

والواو ويل الويل لا عسعس الليل ** شبت حرايق والفتن قال وقيل

لاما استمعت لهرج عاقل يابو ليل ** هرج السفاهى والهذر عنه صديت

احدن تخبث في عروقه وانكر ** جميلة ياخوك لابد تذكر

واللي وقف في الامر لاشك يشكر ** والله يبيض وجيههم كيت ما كيت

واليا ياليت الله يقبل دعانا ** على فقيد سبيع واللي لفانا

وعسى الله المعبود يجبر عزانا ** ويجبر عزاء اهل اليتيمه ايتيكيت

والفيتي تمت تمام التمامي ** ياناشر انشر قبل اغير كلا مي

وعلى الرسول المصطفى كل سلامي ** عداد ما دب الخلايق ودبيت[/poem]