معركة الصريف
 

بسم الله الرحمن الرحيم

قال الشاعر / ناصر العريني امام مسجد العلب من ضواحي الدرعية
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقاطعين البيد ودوا لي كتاب= رد على قول لفى منه ريبه
قول عن العزي وانا انكرت ما جاب= مطيع نمام مشى بالحريبه
يابادع للقيل في دار الاجناب= شبهت بك موس قطع في قضيبه
الشيخ ابو جابر حثا المال بابياب= غرس غدى وادي حنيفه رطيبه
والحرب يكفونه مجدعة الاسلاب= لاجدد جراحه تعايس طبيبه
لاقيل ياهل الخيل ذا يوم الاحزاب= يتلون ابوخالد مدرب مهيبه
الى اهوى على عمشى السعد كنه عقاب= طير الوحوش الى هوى من شعيبه [/poem]

وارجوا ممن يعرف باقي القصيده ان يكملها لانها تبين حب سبيع لائمة هذا البلد الطاهر حتى في وقت الأزمات وأنتم سالمون وغانمون والسلام .

رد : الشاعر العريني يرد على العزي بن عيد بعد الصريف
 

بسم الله الرحمن الرحيم
بعض من قصيدة العزي الهذيلي راع البره التي رد عليها الشاعر ناصر العريني راع الدرعيه
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامزنة غرا نشت من مغيبه= ترعد وتبرق ساقها رب الارباب
ترمي السخط قيدة على من تصيبه= باركانها تسمع كما ضرب الاطواب
همت ودمت وادلهمت غضيبه= واستثقلت باللي للارواح جذاب
تبغي الحريب اللي دنا من حريبه =ابن صباح اللي تعرض للاسباب
من كل غواص وسيب يجيبه= وباللي يحدقون السمك رام حراب
وعريب دار وكل من يلتجي به =وراع النفاق ومارج الدين ماغاب
وجموعه العجمان واللي حضيبه= مع الدويش 00000 والاجناب
والمنتفق وابن شريم ونسيبه= وسكانة النقرهوسالم وغصاب
حل المناخ اللي عليهم دعي به =من ديرته يحداه جلاب الاجلاب
والله ماصده عن الدار هيبه= مير انهم ياتايه الراي جناب
لاحلت البلوى على من بليبه= ينفك للمبلي من الله مية باب
عنده نزل حوض المنيه طليبه= عوق الحريب اللي الى زار ماهاب
سير عليهم بالجموع الصليبه =جيشه مع المسوق يحاديه الاداب
ثار الدخن والعج وانقاد سيبه= والشمس عنهم كنها تقل بحجاب
يذكر لنا فرز الوغى شق جيبه= والذخر حرم عقب جدع للاسلاب
ياذيب سفوه ناد ذيب الزريبه =واجذب من السلمان للجوف وابواب
وباقي السباع الغايبه وين هي به =اقنب لها ياذيب في كل مرقاب
ولاتفرس الا كل بيضاء تريبه =وافرس مشاكيل وزلبات وركاب
الحاكم اللي بالمنى ورا صحيبه =ماعاد يطلع بيرقه من وراء الباب
حتى لذيذ النوم ما يهتني به= بالليل زامات ورا بابه ابواب
السيل ماينزل مجاري شعيبه= ولاينزل الوادي الى صار محناب
لاتامن الدنيا ولا ترتهي به= تصفي وتعطي عقب الاقبال عرقاب
ان ادبرت قصت محوص قصيبه= وان اقبلت ادنى شريط لها جاب [/poem]
وانتم سالمين والسلام

رد : الشاعر العريني يرد على العزي بن عيد بعد الصريف
 

شكرا لك اخي مسلط على نشر القصيده



وما زلنا ننتظر ما لديك من مشاركات ومعلومات مفيده





ولك اطيب تحية

رد : الشاعر العريني يرد على العزي بن عيد بعد الصريف
 

[align=center][size=4]بيض

الله

وجهك

اخي

القدير

مســـــلط

جزل ولاتأتي الا بالجزل

لله درك من استاذ فاضل[/size][/align]

رد : الشاعر العريني يرد على العزي بن عيد بعد الصريف
 

بسم الله الرحمن الرحيم
الاخوان العزيزان الدعم الفني والشيخ ابو يزيد السلام عليكم ورحمة الله وبركاته وبعد جزاكم الله خيرا على المرور وعلى كتابة القصائد بهذا الشكل الانيق وابشروا باللي يسركم وانتم سالمين والسلام

رد : الشاعر العريني يرد على العزي بن عيد بعد الصريف
 

[B][size=4][align=center]بسم الله الرحمن الرحيم

معركة الصريف هي أم المعارك التي أعادت اّل سعود إلى الرياض فقد ارتفعت بها سوق الشعر بالنقائض بين مادح وقادح والنصر بالميدان كان لشمر ولكن بالبيان لابن سعود وأهل نجد فقد أبدع شاعر الكويت ورد عليه بابداع أعظم منه سليمان بن جمهور العدواني ولكن القول الفصل بعد قصيدة العريني المذكوره هو للشاعر الكبير / العوني والذي قال قصيدته بعد الوقعه وحث ابن صباح على الأخذ بالثار وهذا بعض من قصيدة الشاعر الكبير محمد بن عبد الله العوني مخاطبا بها الشيخ مبارك بن صباح وحاثا له على الانتقام من الامير عبد العزيز بن متعب بن رشيد رحمهم الله :

بديت بشكر رزاق البرايا
= عليم الحال غفار الخطايا

أحمده واشكره واثني عليه
= بتثبيته لنا ريف الرعايا

بتثبيته سنان الطائلات
= صليب الراي ممدوح السجايا

مقزي الضد عن حلو المنام
= وعن سجات غضات الصبايا

وحل الموت بعروق الصريف
= يشيب الطفل زلزال السبايا

حس الصمع تقل ارعود صيف
= وحوض الموت وردوه الطنايا

وحل الضرب بارقاب الرشيد
= وعرفوا ما لهم فيها بقايا

وعياالله و له بامره مراد
= تعالى الله عن قول الزرايا

فلا نصره دليل عن رضاه
= بكون أحد كسر سيد البرايا

ولا عيب الفتى غلب الحروب
= أمور بيد غفار الخطايا

ترى عيب الفتى دوس العيوب
= وترك الثار من بعد الرزايا

وتطنيب الرغى عقب الهدير
= وطلب الصلح من بعد الهوايا

منقول وأنتم سالمون وغانمون والسلام .[/align][/size][/B]

رد : الشاعر العريني يرد على العزي بن عيد بعد الصريف
 

السلام عليكم

لله درك يابوشعيفان على اتحافنا بالقصائد الجزله و بيض الله وجهك

صح لسان الشعراء المدهوني العريني و العزي الهذيلي راعي البره رحمهما الله

والعزي الله يرحمه له بيت مشهور.....يقول

يا عيد لا عادت عليك الليالي.................البدو شدوا و أنت يا عيد نزالي

لاد قبان

أخوي مسلط أرسلت لك على الخاص رسالتين بخصوص موضوع اخر رساله و ما رديت و أتوقع يمكن الصندوق مليان و ما يستقبل حتى تفرغه.....ودمت سالم

رد : الشاعر العريني يرد على العزي بن عيد بعد الصريف
 

بسم الله الرحمن الرحيم
المكرم الاخ العزيز الادقبان السلام عليكم ورحمة الله وبركاته وبعد حياك الله بين يدي مفاخر ربعك وانت سالم والسلام

رد : الشاعر العريني يرد على العزي بن عيد بعد الصريف
 

بيض الله وجهك يابوشعيفان على ايراد قصيدة العريني واتمنى ان تتحفنا بالمزيد من القصائد القديمة خاصة وذلك لجزالتها وقوة معانيها ويكفي انها تصف فعول الرجال وتقبل تحياتي

رد : الشاعر العريني يرد على العزي بن عيد بعد الصريف
 

بسم الله الرحمن الرحيم
المكرم الاخ ابو محمد القباني السلام عليكم ورحمة الله وبركاته وبعد جزاك الله خيرا على المرور بالقصيدة وابشر باللي يسرك وانت سالم والسلام