غلاء الدار واهلها
 

هذي قصيده رد على قصيدة احد شعراء شمر يمدح حايل وانا جاريته بهذه القصيدة وعلى نمط قصيدته حيث انه لم يذكر اسم المدينه


[poet font="Simplified Arabic,4,black,normal,normal" bkcolor="royalblue" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
اغليك يارنيه ومن شانك اهتم = وهمي على شانك سبايب نجوحي
غلاك عدٍ داخلي راهي الجم = ماتنقصه ورد البدو والسروحي
وغلاك الذ من العسل ذوق واطعم = واطيب من العوده وعطر الطموحي
وغلاك ما ينقصه سب ولا ذم = بالعكس يبني وسط قلبي صروحي
وغلاك نور العين فاليل الادلم = وبهجت فوادي فالزمان اللفوحي
ان جيت والخط الف واربعمئة كم = كن المسافة لمح برق يلوحي
لا جيت يمك يطرب البال واسلم = ومعقد الايام يصبح سموحي
وان جاء السفر كن اكلي ومااشربه سم = الاهث الماء والظماء ما يروحي
وعروق قلبي من فراقك تصرم = من كثر جر الصوت صوتي بحوحي
ما اقدر على الفرقا ولو اتبسم = وجهي يبين ما يبيله شروحي
فرقا الرجال اكرم من ارجال وانعم = لو قلت فيهم ما توفي مدوحي
الي لهم فالطيب مقسم ومسهم = شعلة مراجلهم سناها يضوحي
هذا ولد خال وهذا ولد عم = وهذا رفيق من طوال الشبوحي
واختم واصلي عد ما ينطق الفم = على رسول كل دينه نصوحي

الشاعر : السيف

[/poet]

لاهنت يالسيف على القصيده الجزله وبيض الله وجهك ابطيت ما شاركت معنا وعوضتنا عن غيابك اكرر شكري لك ننتظر منك المزيد



تحياتي لك

اخوك البدر

ما اقدر علـى الفرقـا ولـو iiاتبسـم وجهـي يبيـن مـا يبيلـه iiشروحـي


الله الله يا السيف

قصيده ولا احلى من كذا يا شيخ :rolleyes:

ان جيت والخط الف واربعمئـة كـم##كـن المسافـة لمـح بـرق يلوحـي
لا جيت يمك يطـرب البـال واسلـم##ومعقـد الايـام يصبـح سمـوحـي
وان جاء السفر كن اكلي ومااشربه سم#الاهث الماء والظماء مـا يروحـي
وعروق قلبي مـن فراقـك تصـرم ##من كثر جر الصوت صوتي بحوحي

ممبدع يالسيف

وهذا عوض الغياب

ولاهنت علىالقصيده الجزله

اخوك ابن شطيط

شكر يا البدر على المرور

والشكر موصول الى موصاحي ايضا
والى الاخ بن اشطيط على المرور
وارجو ان تكون القصيدة قد نالت اعجابكم

اخوكم السيف

باطلبك انا يالسيف جاوب وقل تم ***** وثق قصيدك لايجيه المزوحي

بيض الله وجهك يالسيف

قصيدة رائعة واكثر من رائعة

وحتى لو كان الشمري لم يذكر ديرته فرايي ان تذكر الديرة التي عنيتها حتى لاتضيع القصيدة

والحقوق وخاصة فالنت ياطويل الذراع

تسجيل اعجاب لامنتهي:D

السيف صح لسانك على هالقصيده

وسلمت يمينك عليها بس لو انك موضح الديره كان افظل

وعلى ما قال سعد بن جراش ترى يبي ينسرقن قصايدك يا الغالي

انتبه لهن لا يضيعن تراك بعالم اذا انسرق الشي ما يرجع

ثبتهن باسمك لو ما اعدك اخو ما قلت لك هالكلام

وصح لسانك على هالقصيده الرائعه ولا هنت

اخوك بن جراح

تم ثم تم انتمتم لك تم

غالي والطلب رخيص يابن جراش انت وابن جراح

هذي ديرة اسبيع هل الغلباء رنيه الفيحاء

وما دام طلبتوا مني ذكرها في القصيدة عدلت البيت الاول على شانكم

وتقبلوا تحياتي

ومشكورين على هذه النصيحه الطيبه

اخوكم السيف

[COLOR=darkblue][SIZE=5][ALIGN=CENTER]

اخوي السيف

صح لسانك

وبيض الله وجهك قصيده جزله

من

شاعرً جزل

يعطيك الف عافيه

تقبل تحياتي
[/ALIGN][/SIZE][/COLOR]

صح لسانك يالسيف

فعلا ابدعت

سجل اعجابي بما كتبت

و تقبل تحياتي

أخوك : عزيز النفس