أهداء الى الشيخ سعد بن ناصر بن فريج السبيعي-حفظة الله
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=ex num="0,black""]
يقول من جزل المثايل بدابها=يتعب عليها لين يكتمل نصابها
من هاجس يصخى بها في لزومها=والغاليه في حلها ينصخى بها
شاعر وأمثل بالمواقف قبيلتي=يفرح أملاقاها ويحزن غيابها
سقت القدم بديار قوم ومعارف=طالت بي المدة وطال انتدابها
وعرفت من كل القبايل قبيله=كل العلوم الطيبه تنلقى بها
واليوم قدني في ضواحي طبرجل=بانت معالمها وسرنا ترابها
وذكرت بيتين المهادي محمد=بالقصة اللي كل حي درابها
الأجواد وأن قاربتها ماتملها=والأنذال وان قاربتها عفت مابها
الأجواد مثل البدر في ليله الدجا=والأنذال ظلما تايه من سرابها
وأنا عرفت أبن فريج السبيعي=وأحب دارا ضمته في رحابها
سعد ولد ناصر ولد كاسب الثنا=شيخ بيوته ماتغلق ابوابها
طيبه من أجدادة وابيه وقبيلته=قوم على الطولات حث اركابها
سبعان لا ركبوا على الخيل وأقبلو=ترد المنايا ماتحسب أحسابها
سبعان توصف بالجبال الرواسي=ظل من شموس الدهر والذرا بها
يفرح بهم من قل ماله وحيلته=من صكته سود الليالي وزابها
أهل الثلاث اللي بها بان ذكرهم=سلام للغلباء شيب وشبابها
وسلام يادار نزلها السبيعي=وسلام يالخرمه ودارا ربابها
وشبرا من البيدا وطى القرم مشبره=مع مجاهيم طوال ارقابها
سودا سها جيج لها الزين ينثني=تأخذ من أوصاف الطبيعه هضابها
في شفها لا شد يابعد شدته=يسهج بها البيدا ويكرم جنابها
يبرا لها شقرا من الخيل عندل=خيالها قرم زهته وزهابها
طويلة السمحاق بالوجة طرة=ومحجلة طلق اليمين بعقالها
ابل لها ساس على المجد والفخر=ما حافها الحواف ولا أعتزابها
ينحر ولدها للخطاطير لا قبلو=وعقبة يقلط للنشاما حلابها
وبيت مسودس يشرح البال بنيته=فيه الدلال يصبها من شقابها
فيها من البن اليماني مهيله=تاخذ من العذرى موارى خضابها
وهيل الحبش والزعفران ابو شيبه=وعود العويدي تطعمه في شرابها
والعود الأزرق مايوقف عبيرة=والنار تشعم والسمر والغضا بها
وظهور قعدان مع الحيل تندرج=على الصواني من كريم عثابها
ياحي والله من تنومس فعايله=حرا شهر بالطايله واعتلى بها
هذاك ابو ناصر على الطيب منهجه=يقدم على الطولات ماهو يهابها
الله يمهل به على العز والسعد=حاز العلوم الطيبه واعتنى بها
قلته وانا من روس قوم ولابه=مريه على العداء يندعى بها
عز الخوي والجار والضيف تكرمه=ياميه ياويل منهو ابتلى بها
واليوم في حكم الشرع مع العدالة=في نعمة مامثلنا قد حظى بها
في ظل حكام الجزيرة الأشاوس=حكامنا ال سعود طال البقى بها
خيالة العوجا على اللين والقسا=السلة اللي عزنا في نصابها
في حكم ابو متعب زعيم العروبه=حبة سكن بقلوبنا وألتوابها
واختامها صلوا على سيد البشر=محمد اللي سيرته يقتدا بها[/poem]

[CENTER][SIZE="6"]الشاعر /محسن بن ناصر المري[/SIZE][/CENTER]

رد: أهداء الى الشيخ سعد بن ناصر بن فريج السبيعي-حفظة الله
 

صح لسانك يالمري
أبيات جزله ورائعه وابو ناصر يستاهل
رجل طيب ومكارم ومواقف غانمين