مشاركه في حفل دعم شاعر المليون .. ( ناصر الفراعنه )
 

[align=center]السلام عليكم ورحمة الله وبركاته

تحيه طيبه للجميع

هذه القصيده مشاركه في حفل دعم الشاعر الكبير ناصر الفراعنه

وهي اول مشاركه لي في هذا الصرح الشامخ

واتمنى ان تنال رضاكم ،،،.[/align][poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على اللي نرتجي حسناه وامره بين نون وكاف=توكلنا وسيرنا على البيدا قوافلها
تحركة المشاعر وابتدأ الشاعر بنظم القاف=هواجيسٍ على رب الملأ تعلن توكلها
بيوت الشعر مع هيض القريحه يردفن رداف=معاملها تجود ولابعد كلت معاملها
اوقف واتخير في الكلام ولاني بمزهاف=ابه كلمه تقال وكلمةٍ مانيب قايلها
حضرنا ندعم الشعر الحقيقي والقلوب نظاف=وهل العادات والوقفات وقفتها تجملها
ياناصر شاعر المليون والله ماعليك خلاف=عيونك للسماء والقافله مازلت في اولها
معك دوله وشعبٍ مايبور ليا حمى الميقاف=سلايل طيبين الساس مابارت سلايلها
توقف معك وتشجعك كل العالم العراف=قبايل مملكتنا وانت ماتجهل قبايلها
تعليت وتعلت رايتك في عالي المشراف=يانسل العزوه اللي شجرة الغلبا تسلسلها
اذا غيرك يابوفارس يدور واو الاستعطاف=مراميعك بعيدات ورفيعاتٍ منازلها
ثقافه ، معرفه ، فكر ، وثقه ، ياسامي الاهداف=يميزها الذكي والا الغبي مازال جاهلها
لو ان الشعر تالي الوقت جاه من العباد خفاف=بيوت الشعر كلن قام من كيفه يحللها
أحد ياقف على السنتر وأحد ياقف على الاكتاف=وأحد عينٍ يداويها وأحد عينٍ يكحلها
غشم ناسٍ مباديها خطأ وسلوبها ينعاف=مجللها الجهل والحقد معميها ومشغلها
صحيح اعداء النجاح آلآف واصحاب الضمير آلآف=هذا يبغى يعليها وذا يبغى ينزلها
مقر الضعف منتوجه على طول الزمان ضعاف=ياكبر اسماء الاوادم مير لو تكبر تهازلها
ولالي شغل في اللي مايفيد ولا وراه انصاف=هل النخوه تبي تعلن على شانك تكافلها
مادام ان السعودي من خصاله طيب ومضياف=رساله والرساله لك من الجوال يرسلها !
وحنا في ظلال اللي لنا درع وذرأ ولحاف=ملكنا اللي لياكبرت على شعبه يسهلها
ابو متعب تحت رايه يصيرن الثقال خفاف=تعيش المملكه ويعيش حاكمها وعادلها
نحبه ونتفاخر به وحبه ماعليه غلاف=على وضح النقا ماهوب في مجمل مثايلها
وولي العهد رمز الجود في كل المواقف واف=علوم الطيب والطالات ينهل من مناهلها
على سيرة معزي سيرته مع سيرة الاسلاف=ابو خالد جهوده للعلا والجود باذلها
هذا الهرج الصحيح وكل مخلوقٍ بعينه شاف=دلايلها سوات الشمس ماتجهل دلايلها
سعى فكري وراء اللي يبهج صدور الحضور وطاف=ادور مايسر الحاضرين ولايمللها[/poem]

[align=center]وسلامتكم[/align]

رد : مشاركه في حفل دعم شاعر المليون .. ( ناصر الفراعنه )
 

[B][size=4][align=center]أخي الكريم الشاعر / شبيب بن شاهر السلام عليكم ورحمة الله وبركاته وبعد : أرحب تراحيب المطر بين أهلك وإخوانك وفي محلك وصح لسانك وسلم نبضك وبنانك على هذه القصيدة الجزلة في دعم شاعر الوطن والثقلين الكبير أخيك / ناصر بن محمد بن فارس الفراعنة السبيعي ومبروك تأهل أبو فارس هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .[/align][/size][/B]

رد : مشاركه في حفل دعم شاعر المليون .. ( ناصر الفراعنه )
 

[align=center]صح لسانك ياشبيب[/align]

رد : مشاركه في حفل دعم شاعر المليون .. ( ناصر الفراعنه )
 

[color=#000033][size=4][align=center]الاخ الشاعر شبيب بن شاهر


اولا نشكر على شامختك وصح السانك ملايين


وثانيا شرفتنا بحضورك في هذا المنتدى الذي


يتشرف بحضورك فاهلا ومرحبا بك


ولا ننسى ثالثا مبروك تاهل ابو فارس للمرحله التاليه[/align][/size][/color]

رد : مشاركه في حفل دعم شاعر المليون .. ( ناصر الفراعنه )
 

[align=center]صح لسانك مليون يا أبو شاهر


مبدع كعادتك ، في كل محافل القبيلة ، تكون حاضرا




وأهلا ومرحبا بك في شبكة سبيع الغلباء



متطلعين لمميز المواضيع والمشاركات و الديوان [/align]

رد : مشاركه في حفل دعم شاعر المليون .. ( ناصر الفراعنه )
 

[size=4][align=center]الله يعطيك العافيه يابو شبيب وصح لسانك وعوايدك ماتجيب الا الجزله

مشكور وماقصرت بالنيابه وحياك الله بين اخوانك [/align][/size]

رد : مشاركه في حفل دعم شاعر المليون .. ( ناصر الفراعنه )
 

بسم الله الرحمن الرحيم

صح لسانك يا شبيب ......قصيده رائعه

تقبل تحياتي

رد : مشاركه في حفل دعم شاعر المليون .. ( ناصر الفراعنه )
 

صح لسانك ياشبيب
وبسض الله وجهك وقصيدةٍ جزله ولا تسغرب من شاعر مثلك

تقبل تحياتي

رد : مشاركه في حفل دعم شاعر المليون .. ( ناصر الفراعنه )
 

[QUOTE=خيال الغلباء;138488][B][size=4][align=center]أخي الكريم الشاعر / شبيب بن شاهر السلام عليكم ورحمة الله وبركاته وبعد : أرحب تراحيب المطر بين أهلك وإخوانك وفي محلك وصح لسانك وسلم نبضك وبنانك على هذه القصيدة الجزلة في دعم شاعر الوطن والثقلين الكبير أخيك / ناصر بن محمد بن فارس الفراعنة السبيعي ومبروك تأهل أبو فارس هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .[/align][/size][/B][/QUOTE]

الله يبقيك ياخيال الغلبا

صح بدنك طال عمرك وشاعرنا ابو فارس يستاااهل من يشجعه ويدعمه

لاهنت يالغالي



تحياتي

رد : مشاركه في حفل دعم شاعر المليون .. ( ناصر الفراعنه )
 

[size=5][align=center]صح لسانك يابو شاهر[/align][/size]