حنا سبيع اللي مع معزي لنا ذكر ووجود
 

ياسيدي سلمان بن عبد العزيز ال السعود
حنا على العهد القديم اللي عطوه اجدودنا
حنا سبيع اللي مع معزي لنا ذكر ووجود
من يوم مأعلن رغبته جينا نحث اجهودنا
يضرب بنا روس الصعاب اللي على غيره تكود
لأنه هقى فينا بهقواتٍ تبل اكبودنا
من يومها وإنا مع الدوله ووقفتنا تزود
على مواثيق الوفاء نحفظ جميع اعهودنا
حنا سبيع اللي من الوقفات للعليا نرود
وحنا سبيع اللي قسم صف العداء بارودنا
وحنا سبيع اللي بعد ماشحت الانفس نجود
وحنا سبيع اللي حمينا فالحروب عدودنا
وحنا سبيع اللي ليا جتنا مجاميع الحشود
حتى من الطنخه يشوش ويعتزي مولودنا
نركب على قب المهار اللي طبايعها تقود
ونصدهم صد الوحوش اللي ماهيب اتكودنا
واليوم في ظل الامان اللي على الدوله يسود
حنا تحت ظل الشعار اللي يضم احدودنا
حنا دروعٍ للوطن وإنا عمى عين الحسود
وإنا موسمت الوجيه اللي تحب اصدودنا
ومن خلقة الدنيا وحنا عن مبادينا نذود
فينا مزعزعت الدول ما غيرت مقصودنا
ننعم تحت حكم الملوك اللي فعايلها شهود
ال السعود اللي على طول الزمان اتقودنا

الشاعر // عايض عبدالله ابوشيبه