تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تلاوة كاهن أو نفث قاري =بصدري يوم أجر الصوت ساري
أدندن دن دن دن دن دن = مثل ما دندن الدندان جاري
على ربع كبطن الكف قبرُُ = حلقه من الذواري موس ذاري
كأن الريح فيه اوحوش غاب = تحاور في حشى صدري حواري
كأن جبال سلمى دون سلمى = هنا واهناك انياب الضواري
.=.
.=.
شعى شاعي شعى شايع شعاها = شعاعاً ما يباريها مباري
شعى شيع قراشيع شعثها = إلى شعشع سبيب ما تماري
الا يالله طلبتك ثم طلبتك = سحاب من حياظ الخلد جاري
تزبر ثم تعبر لين غبر = وحبر ماطره وسط الخباري
تجلهم ثم تدلهم ثم أكلهم = بأمر باري برى باريه باري
.=.
.=.
يحوف الشمس لين الشمس تصغر = شوي شوي مثل عين البخاري
إلى أن يختفي في ثوب نوه =جذب طاريه اهل درم السماري
مزونه مزنة ومزنة ومزنه=جواري حاكم تتلو جواري
بروقه في فتوقه من تشوقه = يلاعبها بأطراف الشباري
شهب مشهاب ضوٍ او شهاب =شهب شباب اشهب برق عاري
.=.
.=.

رعوده كل ما نقض جعوده =قنيب اذيابة وسط الغداري
صدى اصواتها في كل ضلع = تلاميذ تردد خلف قاري
تحارش ثم تهارش ثم تكارش = خطارش غيمته من غير طاري
تطش الرش حش القاعش حشُ= يبش ولا ينش وله مواري
تغاريق هماريق بريق= بباريق ترقرقها عصاري
.=.
.=.
لقبل ثم وبل ثم سبل = وطبل تحسبه يصرف مصاري
ولا جل البرد وبله وهلل= و كلّ الماءُ يالماشي حذاري
محاذيف البرد كبر الجماجم = واصغرها مثل روس الحباري
كأن القوس من قزح على أول = ظهور اول ظهير شبه ناري
سنى شفق به برمق تدلى = سويعة مغرب من فوق صاري
.=.
.=.

سحاب جعل ربي لا ومربه = يعم ابه اليماني والنزاري
ويسقى كل اهل شبه الجزيرة = تهامة والحجاز ونجد داري
وأبو ظبي ووادي العين منه = تغار لحسنه جزر الكناري
عساه فوق قبر الشيخ زايد = مئة ليل وهو سكاب جاري
.=.
.=.

قبر زائد ومن هو مثل زايد = و أفعاله تغنيها القماري
ملك بالطيب كل قلوب شعبه = بحب وخير واسلوب حضاري
حمل شعبه على كتفه إلى أن = تباكوا له بأطراف الصحاري
سقى الله ضحكتك يا ابو خليفه = فلا زلت اعذب الأحباب طاري [/poem]


[align=center]الشاعر ناصر بن محمد بن فارس الفراعنه السبيعي

القصيدة الرئيسية

[ramv]http://www.sobe3.com/temp/sound/nasser-telawetkhahel44.ram[/ramv]

[url]http://www.sobe3.com/temp/sound/nasser-telawetkhahel44.ram[/url]


قصيدة المجاراة لمحمد الشلاحي

[ramv]http://www.sobe3.com/temp/sound/naser-mojarah.ram[/ramv]

[url]www.sobe3.com/temp/sound/naser-mojarah.ram[/url]

قصيدة الدفاع عن الرسول

[ramv]http://www.sobe3.com/temp/sound/naser-rasol.ram[/ramv]

[url]http://www.sobe3.com/temp/sound/naser-rasol.ram[/url]


اذا نسختها فاكتب منقول من شبكة سبيع


[/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[align=center]ياناقدين أول وتالي شوفوا هنا ناصر الفراعنه

قمة الإبداع


قمة الشموخ


قمة الصدق والتواضع


قمة الإيمان بالله سبحانه


قمة في الأداء والقوة


قمة في الجمال


قمة في كل شيء ابو فارس [/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

خالد الشماسي مدير المنتدى:مبرررررررررررررررررررروك من كل قلبي فوز أبو فارس


عزالله إنكم نوماس ياسبيع...تكفون من الليلة لاتنامون لمدة أسبوع تصويت حتى في النوم



ومشكوووووووووور على كتابة القصيدة,



ودندني على دربن دربن...كبير ياابو فارس

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[align=center]هلا بك يا جمال هذيل


يا اخوي والله أني احبك في الله



بس مرورك من هنا عطر الصفحة


شفت هالمرة .. يا غناة الذيب يا فقره ( على قول المثل )


وابشر بما يلي :

1- نرفع الحد الإئتماني إلى اعلى مستوى

2- بنصوت لين يقطعونه [/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

مشكور خالد الشماسي وبيض الله وجهك ماقصرت ويستاهل أبوفارس وأنشاءالله الناموس

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[align=center]قمة في الابداع
بيض الله وجهك يابو فارس
وبيض الله وجهك اخوي خالد الشماسي على هذا الطرح النفيس والغالي على قلوبنا
الف الف الف مبروك لبو فارس
اثلج صدورنا في القصيده
واثلج صدورنا الاستاذ تركي المريخي في كلامه[/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

أحبك الله الللي حبيتني فيه..ترى البناخي وفي لخواله..ولا يقطع الخوال الا ردي الاصل؟



عندي اقتراح بسيط: ياليت تنزل القصيدة تحت مقطع الفيديو عشان الزاير يسمع ويتبع القراية في نفس الوقت /يعني ادمج 2×1




والحمدلله ان حملتنا ضد اللجنة جابت نتيجة الليلة بعد فضيحتهم

اللي كلهم شافوها وعرفوا انهم مافهموا المعنى المدفون في منيرة


والحمدلله شفتهم الليلة كيف ارخوا روسهم وماقدروا يطولونها حتى لاينفضحون


وماقصر ناصر:رمى صفوق بمعن دن دن دن دن/والله كان صفوق عنده احساس مايبات الليلة,لانه عرف انه يقصده ومتعمدها له


ومشكور وتقبل مروري ووودي اسمع ردك

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[align=center][size=5][color=#000099]حمل شعبه علـى كتفـه إلـى أن *** [color=#FF0000]تبكاو[/color] لـه بأطـراف الصحـاري


ارجو تصحيح كلمة ( تبكاو ) وهي (( تباكوا ))[/color][/size] [/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

[align=center]هلا بكم


اخو جمال هذيل


أبد..... المقطع أعلى الصفحة والنص وسطها


شغله وانزل للقصيدة واستمتع



أنا باقي شوي واحفظها من كثر سماعي لهالجوهرة الثمينه


اللجنة أكيد انهم قرأوا التحليل الرائع لدكتورنا وأديبنا الغالي ناصير السعيدي الهذلي


واكيد بعد انهم قرأوا الكثير من الكتابات المنشورة ضد الخطأ الذي وقعوا فيه


عاش الجميع وعاش ناصر وعاش الرقم 44





[/align]

رد : تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة
 

تسلم تسلم ياالذيب والله والنعم /اانا كان تركيزي على المدخل ماشفت الاعلى


تكفون لا تشيلون مقطع الفيديو حتى يجيب قصيدة الاسبوع الجاي..تكفون


وأنا أبسألك سؤال, وياليت تعطيني رأيك والاعضاء يعطون رايهم


فيه م}امرة ضد ناصر /هالحين تصويت اليوم خوفني ناصر على الحافة بينه


وبين الظاهري اللي طلع فقط نقطة وحدة ,, والسفياني جايب اعلى نسبة


يعني وش معناها,..أنا اقدر اجزم ان جمهور ناصر اكبر منهم كلهم..يااخوان يكفي مانشوفه في المنتديات من دفاع عن ناصر


يعني انا متأكد فيه شيء غريب ..فيه قوى مالية كبيرة واقفة وراء السفياني وتدعمه..واكيد هذولا الناس



ماهم السفياني ولا الشعر همهم ناصر ماياخذ البيرق ويرجع زي ماجاء( حسد الله يكفي الشر)


ولا وش رايكم ماتشوفن معي حق:الوضع ماهو طبيعي حنا صرفنا اللي في جيوبنا ومع ذلك ناصر اقل نسبة



يهمني رايكم وانت بالذات ياأستاذ خالد