يمشي على وجهين بـلسان مكّار = علم(ن) ينقص به والآخر يزيده
 

[poem=font="Simplified Arabic,4,burlywood,bold,normal" bkcolor="transparent" bkimage="backgrounds/22.gif" border="outset,4,burlywood" type=1 line=0 align=center use=ex num="0,black"]

بعض العرب لامن هرج هرجه اكبار = وليا تكلم قلت وش ذا الوليده
وليا بخصته لينه أنجس من الفار = الحقد في قلبه ونفسه زهيده
يمشي على وجهين بـلسان مكّار = علم(ن) ينقص به والآخر يزيده
عنده علوم اطوال ويدينه اقصار = زيفرح ليا من حصّل اللي يريده
ويصور اللي باقي(ن) مابعد صار = وكثر التَمدّح مالي(ن) به رصيده
الطِيّب راح يمين وهو دربه ايسار = متسلح(ن) بعقال ولّا جريده
وليا كذب له كذبة(ن) مالها عيار = قام ايتخطف مخرج(ن) يستفيده
وسط المجالس عنده لسان ثرثار = يالله عسى الثعبان الأسود يصيده
الطِيب ماله عند الأنذال مقدار = وأهل القلوب الميتات البليده
يالله عسى الأنذال بقصف الأعمار = وأهل النمامه والعلوم النكيده
من شان مايحصل على العالم أضرار = اللي قريِّب دارهم والبعيده
والله يساعد كاسب الطِيب والكار = وأهل النوايا الطيّبات الحميده
اللي تعز الضيف وتقدر الجار = وقت المعاند بالمواقف عنيده
اللي يطبون الخطر وقت الأخطار = أهل العلوم الطيبات المجيده
ترا الردي غدار والوقت غدار = وترا الليالي لينات وشديده
الله يسترنا من الفقر والعار = وأجعل لنا يالله حياة(ن) سعيده
وأستر علينا ياولي وأنت ستَّار = وأجعل وفاة النفس عندك شهيده
والناس صارت تالي الوقت شعَّار = والفرق يطلع في معاني القصيده
وصلاة ربي عدّ همَّال الأمطار = على نبي(ن) نعتقد به عقيده

[/poem]

[align=center]:::... الشاعـــر ...:::
:::.... مبارك فايز البخيت المحمدي السبيعي ....:::[/align]

رد : يمشي على وجهين بـلسان مكّار = علم(ن) ينقص به والآخر يزيده
 

[color=#006600][size=4][align=center]ارحب تراحيب المطر يا البخيت


اسعدنا حضورك طال عمرك


وشرفت المنتدى بهذه الشامخه


امل ان لاتغيب بعد ان فرحنا بتواجدك


كما امل ان تكون عضو في ديوان سبيع الغلبا


تقبل تحياتي[/align][/size][/color]

رد : يمشي على وجهين بـلسان مكّار = علم(ن) ينقص به والآخر يزيده
 

الأخ الشاعر مصلح بن ربح الصميلي السبيعي ابو صامل
اشكرك على المرور والرد وعلى المشاعر الطيبه والنبيله تجاهي
وهذا لايستغرب من شاعر متمكن من موهبته الشعريه أمثالكم
حياك الله وياهلا فيك ومرحبا
واوعدك بالمزيد باذ الله تعالى
تقبل خالص تحيات اخوك مبارك البخيت

رد : يمشي على وجهين بـلسان مكّار = علم(ن) ينقص به والآخر يزيده
 

[align=center][font=Tahoma][color=#0000FF][size=3]أخوي مبارك البخيت
أشكرك على هاذه القصيده الرائعه اللتي شوقتني لأ إنتظار القصائد القادمه منك[/size][/color][/font][/align]

رد : يمشي على وجهين بـلسان مكّار = علم(ن) ينقص به والآخر يزيده
 

قصيده لها وزنها الثقيل من ثقل شاعرها

الصراحه لم اشره على حرف واحد في هذه القصيده الجميله

تقبل اجمل سلام يا مبارك

رد : يمشي على وجهين بـلسان مكّار = علم(ن) ينقص به والآخر يزيده
 

[frame="2 80"][size=5]ارحب أرحب يا البخيت والله يحييك مرحبا والله ومسهلا
أبرك الساعات اللي جابتك شاعر كبير من شعراء القبيلة
الذين نفتخر بهم صح لسانك وسلمت يمناك وننظر إبداعاتك
أخوك الحميدي بن سعد أبن بلعوس السبيعي[/size][/frame]

رد : يمشي على وجهين بـلسان مكّار = علم(ن) ينقص به والآخر يزيده
 

مساءكم الله بالخير جميعاً .... أشكركم على ردكم الجميل ولايستغرب الوفاء من رجال الوفاء بدون تخصيص .
وتقبلوا تحية اخوكم مبارك فايز البخيت السبيعي

رد : يمشي على وجهين بـلسان مكّار = علم(ن) ينقص به والآخر يزيده
 

[align=center][size=5][color=#000000]تشدنا الجززززاله وتجبرنا على الرد

صح لسااانك يامبارك السبيعي

وبيض الله وجهك معاني من فئة النجوم الخمسه[/color][/size][/align]

رد : يمشي على وجهين بـلسان مكّار = علم(ن) ينقص به والآخر يزيده
 

ابوبندر صح الله بدنك ولاخلا ولاعدم يالغالي
ولاهنت على المرور والرد الطيب ياطيّب
اخوك مبارك بن فايز