معركة المصيده
 

بسم الله الرحمن الرحيم
مساكم\صبحكم الله بالخير اعضاء وزوار منتديات سبيع الغلباء
اليوم بذكرلكم وقعه ومعركه حصلت بين قبيلة الصنادله من ال عمير من سبيع والشيابين من عتيبه
وهي معركة المصيده عندما قام خيالة من الشيابين بغزو الصنادله وهم مقيضين في الاملح واخذ ابلهم وهم لاهين عند البيوت والابل ماعندها غير الرعاه وصاح الصايح بان القوم خذو الابل فقامو خيالت الصنادله كلن يصيح لفرسه وياخذ سلاحه ويركبها ولحقو الشيابين من عند ديرتن يقالها المصيده وردو الابل بعد معركته طويله وانتهت بانتصار الصنادله ورجوع الابل لهلها وقتل مايقارب 60 خيال من عتيبه والحقو الشيابين بخسائر فادحه بالارواح والسلاح والخيل وعندما رجعو من الوقعه قال الشاعر مناحي بن سعد الصندلي قصيدة قال فيها\

يالله يامذري هبوب النسانيــــــــــــــس\ــــــ\الاقدام لامنه ومرهن مشنــــــــــي
جانا جهز مرذي طوال النسانيــــــــــس\ـــــ\ذيبن على فرس اللحم مستسني
حرن تماريبه جميع القوانيـــــــــــــــــس\ـــــ\وان ركب عيرات النوايا اتعبنـــــــي
جانا بفومه مبعدين المراميــــــــــــــــس\ــــ\وجموعه اللي شوفهن يرهبنـــــي
غارو على الابل كاسبين النواميــــــس\ــــ\كم فاطرن خلو ولدها يحنـــــــــــــي
ولحقو على الابل فوق مهل القرانيس\ــــ\كل ابلجن قرب جواده يعنــــــــــــي
ولحقو بصمعن كنهن المحاسيـــــــــس\ــــ\ صويبهن لو طال هجره يونـــــــــــي
ذيب الخلا في ياذيب الهلابيـــــــــــــس\ــــ\تلقى العشا ياذيب في دوجهنــــي
تلقى العشا صفرن سوات المقابيــس\ــــ\وحمرن على حوض المنايا يجنــــي
تلقى عشاك مكسبين المفاليــــــــس\ـــــ\ونواشب الحربي على كوارهنـــــي

ورد عليه الشيخ جهز بن هلال بن فهيد شيخ الشيابين وقائدهم في تلك المعركه بالقصيده التاليه\

حياك يامن هرجته هرجت القيــــــس\ـــــ\بفعولنا وفعوله اللي مضنــــــــي
كنا على الابل فوق مهل المقاويـس\ـــــ\وخذنا قطيعن والحلق وسمهنـي
وجانا من السبعان خيلن كراديـــــس\ـــــ\ياطيب اهلهن وياطيبهنـــــــــــــي
خيالهن في الهوش يحمل مراويــس\ـــــ\والروح عند اقطاعهن ماتحنــــــي
لحقو وحدونا على الواد ابو خيــــس\ــــــ\والعفو يوم اقفن ثم اقبلنــــــــي
نضربهم بامن من رخاص الدلابيــــس\ـــــ\ويضربوننا من عندهم بمثلهنـــي
وهشنا وهاشو لين كثر الاداويــــس\ـــــ\والاد العميري سبلو دونهنـــــــي
شبو علينا بامهات النواديــــــــــــــس\ـــــ\اللي ذحاح الموت في صفرهني

وسلامتكم واعذروني على القصور.
اخوكم محمد سيف الصندلي.

رد: معركة المصيده
 

بيض الله وجهك ونقل جميل... وعلوم مافيها شك ولاريب

رد: معركة المصيده
 

وجهك أبيض ياطويل العمر واشكرك على المرور

رد: معركة المصيده
 

شكرا لك يابو سيف
الله يعطيك الف عافيه

رد: معركة المصيده
 

الله يعافيك واشكرك على المرور المميز

رد: معركة المصيده
 

[SIZE="5"][COLOR="Purple"]ذيب المصيده ناد ذيب الهلاقيس // تلقا العشا ياذبي في دوجهني



اشكرك والله يعطيك العافيه[/COLOR][/SIZE]

رد: معركة المصيده
 

[FONT=Arial Black][SIZE=5][COLOR=Blue]صندلي الشرقية اسعد الله اوقاتك واستمع لما يلي :
القصة اشتركت فيها جميع قبائل آل عمير وفطيس الصندلي كانت تتابعه الشيابين وهو من يوم تحرك من عند البقوم حيث كان عندهم وانذروه وعندما حل الليل امر العبيد بان يشعلوا نار حتى يوهم الناس بانه سوف يمسي ولاكنه سرى حتى وصل للعجيردية في وادي المياه وحل على قبيلة المكاحلة وشيخهم هذال ابن ماضي ورحبوا به وعندما وصلهم رحبوا به وصاح الصائح وكانت قبائل ال عمير في وادي المياه وليس الاملح مثل ما ذكرت لانهم لو انهم في الاملح ما امداهم يوصلون المصيدة في لحظتها وهو مابه سيارات وقتها وقامت وردت الابل في لحظتها وقصد الشاعر العتيبي القصيدة التي ذكرتها ورد الشاعر الصندلي واول من قصد الشيباني وليس مناحي وكان فيه شاعر غامدي موجود وحاضر الهئية وقصد والقصيدة موجودة وتشهد
لذالك يجب عليك تحري الصدق وآل عمير قبيلة واحدة ويجب عدم التفريق بينهم فهم عيال عمومة وارجوا من شباب قيائل آل عمير من مثلك وشرواك في الرجال عدم نشر اي شي يفرقهم بقصد او بدون قصد يكفي ما مضى ويجب قفل الباب وانا خوك دون الشيطان وعدم اعطاء اي فرصة لكل من يفرق
وتحياتي
[/COLOR][/SIZE][/FONT][FONT=arial][SIZE=5][COLOR=blue]والشاعر الغامدي من ال مسلم يقول :
يوم المصيدة كل قرمٌ تمناة = فعايلاً ماروبها الاوليني
هذال لحق البل ومثله وشرواة = وتباشرتبة مقرعات الحنيني
وكم ناقراٌ حالوه يوم الله اذاه = تاخذ عروسه في حزونه سنيني
مدهالهم وادي قراحاٌ فضاياه = منزحين دونه الحاربيني
وهذا الدليل القاطع من اجل قطع الشك باليقين
[/COLOR][/SIZE][/FONT]

رد: معركة المصيده
 

كفو يالصنادله ونعم