عل همال المطر كل منشى من سماه
 

[poem=font="Simplified Arabic,6,royalblue,bold,normal" bkcolor="transparent" bkimage="" border="solid,4,black" type=0 line=0 align=center use=ex num="0,black"]
عل همال المطر كل منشى من سماه= ما يجنب عن حذاق ومدج معزبه

لا تعدى نو لنو الاخر في سراه=الخباري ناقعه والثرى ينزبه

يسقي الواد العوج لين يشرب برد ماه= ديدمانه ينبطح والزهر يرتزبه

تدهله عوج العراقيب وإنا من وراه= يشهد التاريخ والهجن تشهد حزبه

يوم عصر الجاهلية وكلن في عصاه= احتموه اسلافنا فعلهم نعتزبه


كم حدو دونه يسودن تبى فية غضاه= لين قفوا مثل صيدن خطره يلزبه

ما يجي الحواف لونه ادل من القطاه= لا تعزم واحتزم للقدم يهتزبه

خايف الي ضرب وجه مثل ضربة قفاه= لرتخى علبى جواده يخاف يكزبه


صار في قلبه خراش وذلف عنا وراه= حاضر المقدام يوم النمش يجزبه

جالنا من يم الاعدا مثل جال الصفاه= العدو كن السلم في العيون يطزبه

محتمينه يوم عليان قفا في هواه= والهبايب من جميع الدروب توزبه

كم ورد ظامي وحاول وعود في ظماه= ماربح لا هو ولا إلي حيزمه ودزبه

الشعيب الثوري اللي بني ثور تحماه= لا حصل علم وخبر من جهته نفزبه[/poem]