قصيده في القريشات لاد العسيلي
 

هذه القصيده قلتها في القريشات من سبيع الي يستاهلون المدح وكانت في حفل زواج الشاب خالد ابن عيد ابن شطيط ارجو ان تنال على اعجابكم .
لدي استفسار ماذا عن الاوامر الخاصه بالشعر النبطي .


==================اقول في القصيده============


[poet font="Simplified Arabic,4,black,bold,normal" bkcolor="orange" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4) shadow(color=red,direction=135)"]
قال العريني يوم نـوم الكـرا طـار == قاف هجد هاجـوس قلبـي وراعـه

حتا نظمته فالورق فـوق الاسطـار == وعلى صحيفتــها طبعتـه طباعـه

اطلقت انا الهاجوس في غب الابحار == وارخيت له وسط المعانـي اشراعـه

وذوبت صلباته على واهـج النـار == حتا تبع هاجـوس قلبـي وطاعـه

سلامً احل مـن لبـن در الابكـار == ينصا ارجال اهل الوفـا والشجاعـه

تمشي من الطايف الى حـد سنجـار == وتاصل رجال الطيب في ظرف ساعه

جينا نبارك عنـد وافيـن الاشبـار == اهل الكرم واهل الفعـول المشاعـه

مبروك ثم مبروك يانسـل الاحـرار == في حفلكم جينـا بطيـب ومطاعـه

عن حفلكم مالي تصاريـف واعـذار == ابرك ليالي الوقت وابركك ساعـه

في مدحكم ياهل المواجيـب والكـار== القـاف صـدر صانعينـه صناعـه

في مدح ربعن تكرم الضيف والجار == يوم القصى وقت الفقـر والمجاعـه

يشهد لهم تاريـخ نجـد وماصـار == واشيوخ نجد اهل الوفاء والبتاعـه

لاد العسيلي لاعتلـو قـب الامهـار == ياما خذو من غـوج قـوم اقلاعـه

وياما حمو في وقتها حسك الاوبـار == عدوهم بالسيـف يمشـي اطواعـه

يرعن بحد ارماحهم وقت الاخطـار == وياردي حظ الي نواهـن اطماعـه

ولا نخاهم واحـد شـاف الامـرار == فرسانهـم بالعـز تمشـي اطلاعـه

كم شيخ قوم جاه قصـاف الاعمـار == من ضربهم جته الـمنايـا افجاعـه

لوه شجيع في الوغـا قدمهـم نـار == ولوهو جزوم صاب قلبـه رعاعـه

من حقهم ماضاع لـو ربـع مقـدار == وللي يخل الزيـن يمشـي اطواعـه

قول صحيح ولا على هرجي اغبـار == من هرجت الحسـاد عنـده مناعـه

عزالله اني حرت ياويـش ابختـار == من فعل وافيـن الشبـور السباعـه

اهل النفوس الي عزيزات وكبار == مـادوروعنـد المواقـف دنـاعـه

ياعنك ماهم من خبيثيـن الاشـوار == ولاهم من اهل السافلـه والقطاعـه

الكل مـنهـم شامـخ مثـل سنجـار == والكـل منهـم يرتفـع برتفـاعـه

فالحاضـره والى قديمـات الاخـبـار == افعالهـم بيـن النشامـا مـذاعـه

عدوهم يمسي علـى كبـده امـرار == ومن زود همه طق راسه صداعـه

واختامها صلو عدد وابـل الامطـار == صلو على المبعوث راعى الشفاعـه

مع تحيات
الشاعر
عبدالعزيز بن سعود ال حمد
العريني السبيعي
[/poet]

عبدالعزيز بن سعود ال حمد
 

بيض الله وجهك وصح لسانك مليون


قصيده جزله ومن راس جزل



القريشات وعلومهم بينه ولا هنت على مدحهم يا ابو سعود فهم يستاهلون وقصيدك في محله

سربة قريشات تصد الاجانيب )()()( يا طيبهم لاجا نهار المثارا

تقبل خالص تحيات اخوك بن جراح

صح السانك مليووون اخوناااااالشاعر عبدالعزيز بن سعود ال حمد وبيض الله وجهك على القصيده الجزله

وربعنااا القريشااااات كفووو والله ويستاهلوووون كل العلوووم الطيبه

والله لايهينك

تحيااااااااتي

سلمت سلمت على هذي الدره


كفووووو لاد العسيلي يستااااااهلووووون المدح

كرم

شجااااعه


اخلااااق


بيض الله وجهك اخوووي الشاااعر ( عبدالعزيز ال حمد )


صح الله لسااااااانك مليااار في مليااار


ولاتكفي هذي القصيده الشااامخه


لاهنت ولاهنت لاهنت


جزله من شاااعر جزل



تقبل أجمل التحااااااايااااااااا

الأخ عبد العزيز ال حمد


السلام عليكم ورحمة الله وبركاته

قصيده جزله من شاعر جزل مشهود له والقريشات عامه

والعسله على وجه الخصوص يستا هلون الدح0



تحياتي /الواسطه

صح لساانك يالقرم والقريشان وافيين ويستااهلون الآد العسيلي

قول وفعل الاجواد

ولا عليكم زود جميع

لاهنت يالعريني وبيض الله وجهك

اخوك العويد

[SIZE=4]اخوي :عبدالعزيز ال حمد

بيض الله وجهك والجزله ماتجي الامن الجزل صح لسانك وتسلم مليون

والقريشات يستاهلون المدح فعولهم تشهدلهم ونعم بلاد العسيله

ولا اقول الا تسلم يالعريني


تقبل تحياتي
اخوك:عـــاشـــق الــوديـــان[/SIZE]

ياااااااااااااااااااااااااااااااااااااااااااااااااااااااااااااااووووووو



يا الربع


يااااااااااااااااااااااااااااااااااااااااااااااااااااااااااااااااو




ابك عطونى بندق ابى اذبح لى احد :D


<<<<< جاء من اقصاه ما يتحمل المدح








صح لسانك يا شيخ عبدالعزيز


بلعون انها قصيدتن حلوتن بالحيل والحيووول والحيلولات مرتن طقتن

وحده :rolleyes:



شييييييييييييييييييييييييل الاد عسيلى :D

[COLOR=green][COLOR=blue][ALIGN=CENTER] بسم الله الرحمن الرحيم[/ALIGN][/COLOR][/COLOR]


[COLOR=purple][ALIGN=CENTER]كفو كفو كفو الاد العسيلي يستاهلون المدح والثناء


وكفو كفو كفو بك يالعريني ولايهونون بقية الربع

الله لايهينك على هذه القصيدة الرائعه يابو سعود وانت دايما ً راع الاوله وراع الاوله ماينلحق

تقبل تحياتي وسجل متابعتي لكل ماتكتب يابو سعود[/ALIGN][/COLOR]