منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتديات الـمـشـاهـيـر والقصص البطولية (https://www.sobe3.com/vb/forumdisplay.php?f=27)
-   -   قصة الزعبية وقصيدتها المشهورة ... (https://www.sobe3.com/vb/showthread.php?t=3002)

فهد الزعبي 02 - 03 - 2004 16:42

قصة الزعبية وقصيدتها المشهورة ...
 
[size=5][align=center]السلام عليكم ورحمة الله وبركاتة

حبيت اشارك في منتداكم الطيب ياسبيع الغلبا واخترت هذه القصة والقصيدة لاتحفكم

حدثت هذه القصة والقصيدة قبل حوالي 600سنة

الشاعرة فتاة الحي بنت ابن غافل هي إحدى بنات زعب ، انفردت من ضعن زعب وهم راحلين ، بسبب النوم ، ووجدها أمير الدواسر حين ذاك وأعطاها من العهود والمواثيق أن لا يمسها بسوء وهو لايعرفها وذلك لكي تنزل من الشجرة التي لجأت إليها .

ثم أخذها معه وقد اجارها وبعد مدة طويله خطبها من نفسها لولده بدون ان يعرف من هي وذلك لجودة اخلاقها وعاداتها ومعاملتها الطيبة وجمالها ، وكان يسمع أن بنت ابن غافل الزعبية انفردت من أهلها وهم راحلين ولم ترجع لاهلها ورجاء أن تكون هي .

فأنجبت من زوجها ولداً أسموه سباع ( وهو جد آل سباع فخذ من الدواسر الآن ) وكان الزوج وأهلة في شوق لمعرفة من هي .

فاحتالوا عليها بحيلة بان كلفوها بعمل استنفذ جهدها لاعداد وليمة كبيرة لضيوف زوجها ، مما جعلها تسهر الليل كله وتقول هذه القصيدة التي عرفت بنفسها بها ووصفت قبيلتها ومفاخرهم [/align][/size]




[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
تهيضْـت ياسبّـاع لدارٍ ذكرتهـا=ولاعاد منها إلا مواري حيودهـا
سبّاع أمّك تبكـي بعيـنٍ حفيه=ودموعها تحفي مذاري خدودهـا
ولكن وقود النار باقصى ضميرها =هاضَ الغرام و بيّحَ الله سدُودهـا
ولكن حجر العيـن فيهـا مليلـة =ولكن ينهش موقها من برودهـا
دمـعٍ يشـادي قربـةٍ شُوشليّـة =بعيدٍ معشّاهـا زعُـوجٍ قعودهـا
زِعبيّـةٍ ياعـمّ مانـي هَفـيـه=وماني من الليّ هافيـاتٍ جدودهـا
أنامن زِعب وزعب إيلاَ أوْجَهـوا =على الخيل عجْلاتٍ سريعٍ ردودها
أهل سربةٍ لادْبرَت لكِنّها مهجّـرة=وِنْ أقبلت كنَّ الجوازي وُرودهـا
لطاح طايحهم شوي ترايعـوا =تقول فهـودٍ مخطيـاتٍ صيودْهـا
لصاح صياحٍ بالسّبيـب اِفزَعـوا له=عزيِّ لغمرٍ ثبَّـرت بـهْ بلودهـا
لحقوا على مثل القطا يوم ورد=متغانـمٍ عيـنٍ قـراحٍ يرودهـا
خيلٍ تغـذّى للبـلا و المعـارك =ترهِب صناديد العِدا في طرودهـا
لا تلقحونَ الخيل يا زعب ياهلـي =ترى لقاحَ الخيل يردي جهودهـا
إن جَن سمـاحَ الخـدّ مايلحقـن بكم=ون جن مع السّنْداء لزومٍ يكودها
جينا الشّريـف بديرتِـه وإلتقانـا=كلّ القبايل جامـعين جنودهـا
طَلَبْ علينا الخُورهجمت قصيرنا =مصمل يبغـي حنازيـب سودهـا
يَامَا عطينا دونهـا مـن سبيّـه =تسعين صفرا حسبها ومعدودهـا
تمامهن شعيطان خيالـة مهـوّس =أصايل صنع النّصـارى قيودهـا
يقطـع قبيلـةٍ ضفهـا مايـذرّى =تشدي جمالٍ عظها فـي بدودهـا
قصيرنا في راس عيطـاً طويلـة =يحجى ذراها من عواصيف نودها
عيّوا عليهـا لابِتـي واحتمُوهـا=بمصقّـلات مِرهِفـاتٍ حدودهـا
حَرَبنا والبنت نشوٍ بهاامها =لين استتمت وستوى زين عودهـا
تسعيـن ليلـة والعرابـا معقّلـة =بشمخ الذراء محجزاتٍ عضودها
شقح البكار الليّ زهن الجنايب=قامت تضالِع من مثانـي زنودهـا
خيـلٍ تناحي خيل وتضـرب بالقنـا =مثل التهامي يوم أحلـى جرودهـا
بنات عميّ كلّهـن شقّـن الخبـا=بيضِ الترايب ناقضات جعودهـا
على الحنايا نقضـن الجدايـل=سمرِ الذوايب كاسيـات نهودهـا
وجيههن مثل مزنـةٍ عقربيّـة=هلت مطرها يوم حنـت رعودهـا
كلن نهارَ الهوش تنخَى رجالهـا=ستر العذارى بالملاقى اسودها
لباسةٍ للـدّرْع والطـاّس باللقاء= على سروج الخيل عجل ورودها
مِن صنـع داود عليهـم مشالـح =تجيبه رجالٍ مِن غنايـم فهودهـا
يا ماطعنوا في حربـةٍ عولقيّـة =شلف تلظى يَشرَب الـدّم عودهـا
الليّ ايتموا في يوم تسعين مُهـرة=مامنهن الليّ ماتـلاوي عمودهـا
تسعين مع تسعين والفين فـارس =تحت صليب الخدّ تطوى لحودهـا
تسعين بين بني عمي وابوي وخوتي =وتسعين عنانٍ واللواحي شهودهـا
قبيلـةٍ كـم أذهبـت مِـن قبيلـة =اذا عدّت الجـودات ينعـدّ جُودهـا
زِعب أهلَ المدح والمجد والثنا=من الربع الخالي الى الحجاز حدودها
إن أجْنبوا للصّيد منهـم تحـوّز =الربد والوضيحي والجوازي عنودهـا
وِن أشملـوا تهـجّ مِنهـم قبايـل=ودارٍ يجونـها ضدهـم مايرودهـا
إذا انتوو في ديرة ياصلونها=تِقافت الظّعـان عجـلٍ شدودهـا
واركابهـم يـمّ العِـدى مِتعبينهـا =بيضَ المحاقب مقترات لهودها
يَامَاخذوا من ضدّهم مِن غنيمـة =من ذاق منهم ضربة مايعودهـا
نمرٍ تشـادي للجـراد التهامـي =ماطاعوا الحكام من عظم كودها
أشوف بالحـره ضعـون تقللّـت=ابوي حمّـاي السرايـا يقودها
شفي معه صفرا تباريـه عنـدل =مـرٍّ يباريـها و مـرٍّ يقـودهـا
أنا فتاة الحي بنـت بـن غافـل=كم مِن فتاةٍ غـرّ فيهـا قعودهـا
شرشوح ذودٍ ضاربٍ له خَريمـة =ما ودّك يشوفه بعينـه حسُودهـا
حوّلت من نظوى ورقيت سرحـه=حطّيت لي عش باعلى فنودهـا
جاني ركيبٍ ونوّخوا في ذراها =وشافني عِقيدَ القوم زيزوم قودهـا
قال حولي يابنت وانتِ بوجهـي=ولا جيته إلاّ واثقة من عهُودهـا
أمرٍ كِتبـه الله وصـار وتكـوّن =وسبّب علينا من الأَعادي قرودهـا
بحرب شِديـدٍ ماتمنّـاه عـاقل=يعده اللي صاغر فـي مهودهـا
ذكرت يوم فايتٍ قِـد مضى لهـم =ويومٍ علينا مـن ليالـي سعودهـا
ضوٍّ زمت للمال من عقب سريـة =ضوٍّ زمّت عودان الارطىَ وقودها
لكن قرون الصّيد من خلف بيتنـا=هشيم الغضا يدني لحامي وقودهـا
تسعين عدد صيدنـا فـي عشيّـة=وضيحيّة نجعـل دلانـا جلودهـا
قنّاصنا يروح شريـقٍ وينثنـي =ويجي بالجوازي دامياتٍ خدودهـا
وروّاينـا يروى بيـومه وينثنـي =ويجي بالجلادى لاحقاتٍ حدودها
وغزّاينا يروح بيومه وينثنـي =ويجيب العرابا ضايمتها ديودهـا
لنا بيـن حَبْـر والغرابة منـزلٍ =نهد في زيـن العرابـا قعودهـا
حنّا نزلنا الحـزم تسعيـن ليلـة =وغلّ الأعادي لاجيٍ في كبودهـا
ِقليبنـا غزيـرةَ الجـمّ عيـلـم =ما ينشدون صدورها من ورودهـا
طوله ثمانٍ مع ثمانٍ مـع أربـع =قبلي واسط في ملاوي نفودهـا
وهي بحد ّ الحاذ من الغضـى=مادارها الـزرّاع يبـذر مدودهـا
ألفيـن بيـتٍ نازليـن جبـاهـا =والفين بيتٍ بالمظامـي ترودهـا
تخالِفوا في يـوم تسعيـن لحيـه =علشـان وقف الأجنبـي في نفودهـا
دارٍ لِنـا ماهيـب دارٍ لغيـرنـا =تحدّها الرّمله لموارد عدودهـا[/poem]

ابن جـــــــراح 02 - 03 - 2004 18:10

رد : قصة الزعبية وقصيدتها المشهورة ...
 
[size=5][align=center]فهدالزعبي

يا هلا والله ومرحبا

قبيلة زعب قبيله معروفه ووجيههم بيض في ضد القوم عن الجار ونذكر ما ذكرته الشاعره فتاة الحي بنت ابن غافل حين تكلمة عن رد الشريف وفعلا نذكر القصه جيدا

فكان في ذلك الوقت قصيرا لقبيلة زعب من قبيلة حرب وكان الحربي يمتلك افضل الابل في جزيرة العرب قاطبه وقام الشريف وارسل لشراء هذه الابل ورفض الحربي البيع حتى ساموا الناقه بفرسين وكلنا يعلم ان الفرس ذلك الوقت تساوي عشر من النياق الطيبه ولكن الحربي رفض واستجار بقبيلة زعب واجاروه وردو عنه الاشراف وبعد ما ردوهم ذهب الحربي الى ربعه بابله وبقية الحروب بين الاشراف وقبيلة زعب

فبيض الله وجيهكم يا الزعبي على على حماية الجار وفعلا هؤلاء من يستجار بهم فهم يزهقون ارواحهم دون جارهم

تحياتي لك اخي الزعبي على نشر القصيده وقد قراتها من قبل لكن ليست كامله فهذه اكثر من ما قراته فبيض الله وجهك ودمت على خير

اخوك بن جراح[/align][/size]

اخو شما 03 - 03 - 2004 23:57

رد : قصة الزعبية وقصيدتها المشهورة ...
 
[align=right][color=990000][size=5]الف شكر اخوي على هالقصه والقصيده
قصه وقصيده تعبر عن الموروث القبلي الذي يفتخر به ابناء الباديه
فلك مني ايها الكريم كل الشكر والتقدير
وبما ان هذه هي مشاركتك الاولى فبودي ان تتوجه لقسم الترحيب والتهنئه
فتقدم نفسك هناك حتى يتسنى لجميع الاعضاء الترحيب بك واستقبالك
دمت على خير
وحياك الله في منتدى الغلبا
ونتشرف بأنضمامك[/size][/color][/align]

العويد 04 - 03 - 2004 01:28

رد : قصة الزعبية وقصيدتها المشهورة ...
 
كفو ومليون نعم والله,,,

لاهنت يالقرم على هالقصيده,,,,,,,

اتحفنا بالمزيد من هالمميزاات,,,,,,,,,

اخوك,,,,,,,

العويد,,,,,,,

عيسى السبيعي 04 - 03 - 2004 08:17

رد : قصة الزعبية وقصيدتها المشهورة ...
 
[size=4][grade="00008B FF6347 008000 4B0082"]الأخ فهد الزعبي

وعليكم السلام ورحمة الله وبركاته


قصه طيبه مع قصيدتها الأطيب ,,,



تسلم يمينك على نقلها 00


تحياتي // الواسطه[/grade][/size]

فهد الزعبي 22 - 03 - 2004 21:53

رد : قصة الزعبية وقصيدتها المشهورة ...
 
[align=center][B][color=#0000FF][size=4]الاخ الكريم ابن جـــــــراح

السلام عليكم ورحمة الله وبركاته

لك البقاء يابن جراح ..

وبيض الله وجهك على ترحيبك وعلى كلماتك الطيبة التي ليست مستغربة منكم

فسبيع سباقين لكل طيب وعلومهم غانمه أولهم وتاليهم .

وأشكرك جدا أخي العزيز على الاضافة على القصة

بيض الله وجهك وبارك فيك وبارك في قبيلة أنت منهم .[/size][/color][/B][/align]

فهد الزعبي 22 - 03 - 2004 21:59

رد : قصة الزعبية وقصيدتها المشهورة ...
 
[align=center][B][color=#0000FF][size=4]الاخ الكريم اخو شما

السلام عليكم ورحمة الله وبركاته

الشكر موصول لك أخي العزيز ، واشكرك على المرور على المشاركة

ويكفيني ترحيبكم هنا بارك الله فيكم ، وشرفني انضمامي لمنتداكم .[/size][/color][/B][/align]

فهد الزعبي 22 - 03 - 2004 22:08

رد : قصة الزعبية وقصيدتها المشهورة ...
 
[align=center][B][color=#0000FF][size=4]الاخ الكريم العويد

السلام عليكم ورحمة الله وبركاته

ماعليك زود بارك الله فيك

ولا تهون أخي العزيز

بارك الله فيك وبيض الله وجهك على كلماتك الطيبة

وأنت حدد اللي تبي وأبشر [/size][/color][/B][/align]

فهد الزعبي 22 - 03 - 2004 22:15

رد : قصة الزعبية وقصيدتها المشهورة ...
 
[align=center][B][color=#0000FF][size=4]الاخ الكريم الواسطه

السلام عليكم ورحمة الله وبركاته

أخي الكريم طيب الله فالك وسلمك

أسعدني مرورك بارك الله فيك [/size][/color][/B][/align]

معلا 23 - 03 - 2004 00:10

رد : قصة الزعبية وقصيدتها المشهورة ...
 
[color=#00CC99][align=center][size=5]مشاركة طيبة من إبن رجال طيبين
و الله و سبعة انعام
يسعدنا انضمامك لمنتدانا يا الزعبي
و مرحــــبــــــــــــــــــــــاً الفـــــــــــــــــــــــ 2000ـــــــــــــين[/size][/align][/color]


الساعة الآن 14:06.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها