تحليل مشعاب لسوق الأسهم غدا السبت
 

أنا داري انكم متابعين للسوق وبعد داري انكم أصبحتم خبراء قادرين تدركون حركات صناع السوق التي تطورت واصبحت اكثر جراءة .


السوق بكرة يمكن يقفل فوق 16000 بس من المؤكد بيخترقها تحت ثم بيرجع .


لكن عليكم بالشركات الجيدة وانتبهو من المواشي لا تشترون فيها ولا تحطها عندك في الشاشة .


سيسكو زينه بسعرها الحالي .

المجموعة السعودية طالعة إلى 800

صدق لو شريتها بسعرها الحالي اعرضها بـ 299 :)

العقاريات خلاص انتهت حفلتها .

الحفلة عند الصناعيات

رد : تحليل مشعاب لسوق الأسهم غدا السبت
 

مشكور يا مشعاب

ياليت يصير كل يوم توصيات لليوم الي بعده

حتى يتفعل منتدى المال والاعمال

بصراحة وش رأيك في شمس فوق 400

وماهي اخر اخبار البلاد

رد : تحليل مشعاب لسوق الأسهم غدا السبت
 

شكرا يا مشعاب توصيات جيدة


أخي السيف شمس من بعد ما دخل فيها الشثري طالعة فوق يمكن تصل إلى 600 خلال الستة اشهر القادمة .


ميزة الشثري انه يستثمر سيولة الشركات في الأسهم ويحقق ارباح استثماريه .


البلاد بنك واعد لكن سعرة الحالي فوق ما يستحق لكن اتوقع له قفزات والمحك في نية البنك لرفع رأس ماله او لاء .



شكرا مشعاب وكل يوم عطنا رأيك وتوصياتك

رد : تحليل مشعاب لسوق الأسهم غدا السبت
 

لاهنت يامشعاب توصيات قيمة من خبير اقتصادي

ياخي انا احسدك كل شي عندك فيه خبره

تراني امزح عليك ما شاء الله عليك

اخوك البدر

رد : تحليل مشعاب لسوق الأسهم غدا السبت
 

السيف + ابو عمر + البدر


ما شاء الله كلهم شعار وبعد مضارين


انتم والله اللي كل شيء عندكم فيه خبرة :)


تراني قايل ما شاء الله اول شيء :)


المهم السوق اثبت قوته ومن جهتي أعدة اصبح اكثر خطورة


التصحيح إلى 5300 وراد جدا ياحلوين


بس بيكون للبنوك اكثر ولسابك

بالتوفيق

رد : تحليل مشعاب لسوق الأسهم غدا السبت
 

اهلين بالشباب

طبعا يا احبابي الأعزاء هناك خبر طلع اليوم في الجرايد وأثر على السوق ايجابا في بعض القطاعات خصوصا البنوك والإسمنتات .


وهو انظمام المملكة لمنظمة التجارة العالمية .


والبنوك بدخول المملكة في منظمة التجارة العالمية سيحق للأجانب تملك أكثر من 60% منها اما الآن فقط 49%

لذلك تجارنا وصناع السوق رفعو البنك لجل ما يستفيدون الأجانب :)


طبعا حفلة البنوك ما شية مضبوط يمكن تستمر خلال هذا الإسبوع .


البتروكيماويات سابك الصحراء نماء صدق اللجين منتازة وليست للبيع

القصيم الزراعية رفعها الخبر جدا يتوقع لها تصحيح بكرة 5 ريالات

ان شاء الله اضبط توصيه هذه الليله

رد : تحليل مشعاب لسوق الأسهم غدا السبت
 

انتبهو ا ياشباب عليكم بالاسهم النقية

رد : تحليل مشعاب لسوق الأسهم غدا السبت
 

أنا ماشي على قائمة اللجنة الشرعية لشركة الراجحي


[07]والذمة ذمتهم [/07]