مع كل بادي شمس تنزف جروحي
 

الى جميع الأخوان الأعزا اهديلكم هذه المشاركه واتمنى ان تحوز على رضاكم
تحياتي للجميع



[poem=font="Simplified Arabic,5,darkblue,bold,normal" bkcolor="transparent" bkimage="backgrounds/11.gif" border="groove,medium,deeppink" type=4 line=0 align=center use=ex num="0,black"]
في ذمتي مدري على وين با روح=امشي ولاني داريٍ وين اروحـي

انهي مشاويري على غير مصلوح=انسى اللذي حولي واسولف بروحي

بأسباب منهو عذب القلب والروح=المشكل انه مثل قلبـي وروحـي

القلب من بعد اريش العين مجروح=مع كل بادي شمس تنزف جروحي

انا اشهد ان الحب ياناس مفضوح=لاشفت مثله دمع عينـي يفوحـي

الاحي الورقى على الصوت وانوح=لازالت الفرقـا ولا فـاد نوحـي

اسلي الخاطر بالأشعار ومـزوح=لاحد يواخذنـي بكثـرة مزوحـي

الله يعدي صاحبي كـل سامـوح=عسى ولعل الرجـا بـه يلوحـي

ليته يسامحني وانا اقول مسمـوح=بشرط مايصبح بوصله شحوحـي[/poem]

رد : مع كل بادي شمس تنزف جروحي
 

[center][grade="0000FF FF6347 008000 4B0082 00008B"]ألله .


ألله .


ألله .


صح لساااااانك يالهدااااااف ما شاء الله عليك رااااااااااااائع في كل شيء ,, في شخصك رااااااااااااائع ,, وفي أخلاقك رااااااااااااائع ,, وفي شعرك رااااااااااااائع
بس في حضورك ومشاركاتك خاصة الأيام هذي صراحة ما أنت راااااااااائع

ياخوي خلك عادل لا تطلب من أنسان شيء وأنت باخل فيه على الناس لا تبخل على اللي يطلب منك شيء حتى ما أحد يبخل عليك
فهمت كلامي أقر البيت الأخير يالهداف وزي ما طلبت فيه أنه لا يصبح بوصله شحوحي فنحن نلزمك بما طلبته ورضيته لنفسك أن تطلبه وترضاه لنا

ونقول يالهداف لا تصبح بوصلك شحوحي ولا تحرمنا من صحبتك وتواجدك بيننا ولا من مشاركاتك الجميلة والرائعة الظاهر أنا أدمنا عليك يالهداااااااااااااف وعلى ما تجود به علينا من روائع شعرك

ليته يسامحني وانا اقول مسمـوح بشرط مايصبح بوصلـه شحوحـي




هـــــــذا ولك مني ولجميع الإخوان كل تحية وتقدير واحتراااااااااااااااااااااام[/grade][/center]

رد : مع كل بادي شمس تنزف جروحي
 

[center]الهداف


بيض الله وجهك قصيده جميله جدا ورائعه تستحق القراءه

تحياتي


ابوعزوز[/center]

رد : مع كل بادي شمس تنزف جروحي
 

ابو نواف الثوري

مرحبا ملايييييييييييييين الله يعطيك العافيه على هذا التعليق الرائع---ابو نواف --يشرفني المشاركه والحضور مع الطيبين مثلك وشرواك من اعضاء هذا المنتدى
الغالي على الجميع وبالنسبه للتقصير في الحضور والمتابعه انا اشوفه حاصل من الجميع بمافيهم راعي (القوز)؟؟؟؟؟ على كل حال نتمنى ان نكون عند حسن الظن
وان يتعاون الجميع لأظهار المنتدى بالمظهر اللائق بين المنتديات الأخرى---وبالنسبه للقصائد ابشر (ماتطلبه منا على العين والراس) تقبل تحياتي ولك جزيل الشكر والأحترام

رد : مع كل بادي شمس تنزف جروحي
 

ابو عزوز

يشرفني حضورك الله لايهينك ---واشكرك على مرورك الكريم

رد : مع كل بادي شمس تنزف جروحي
 

صح لسانك


ما قصرت يا سنادي قصيدة زينة بالحيل


[01]بس وين الباقيات [/01]

رد : مع كل بادي شمس تنزف جروحي
 

مشعاب

تسلم يأخو عجرا اسعدني حضورك الله لايهينك ---تسألني عن الباقيات يأخي الجمهور
مايشجع على الأجتهاد اذا نزلت قصيده تاخذ اسبوع لم يقرائها الا واحد اواثنين وهذا
مما يحبط جميع اخواننا الشعراء المتواجدين في المنتدى وهم كثيرين وانتاجهم جيد
ومتابعة القراء وتعليقهم على القصايد يزيد من حماس الشعراء والمنافسه في مجال الشعر والبقاء للأصلح ---هذا ودمت سالم والله من وراء القصد