منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتــــدى القصائـــــد المنقولــه (https://www.sobe3.com/vb/forumdisplay.php?f=53)
-   -   عروس الشاعر محمد بن ناصر العريني (https://www.sobe3.com/vb/showthread.php?t=18517)

ولد العم 12 - 01 - 2008 22:04

عروس الشاعر محمد بن ناصر العريني
 
[size=3][align=center][color=#0000FF]
((( قصيدة بحث عنها كثيراً ولكن لم استطع الحصول عليها كامله .. ))


السلااااام عليكم ورحمة الله وبركاته ..

مساكم الله بالخير ..



عروس الشاعر محمد بن ناصر العريني

امس الضحى في عالي اطويق ونيت ** ون الحجر من ونتي يوم ونيت
من شوفتي غرو على شوفه اشفيت ** انا مصد مير الاقدار ميلات
تقوا يالبيطار انالك تعنيت ** عروس شعر ادورالي تمنيت
بين النهود ومقصبات اليواقيت ** والخد من نور القمر فيه شارات
قلت ابعدي عني سقى الله ديارك ** وارخي على الغر الثنيا اخمارك
ياليت ربي رد عني نهارك ** تلقين غيري داري بالديارات
انا قصير الحال ماعاد منيش ** كداد واهل الكد ماعندهم جيش
وان رحت للديان ابياخذ الحيش ** وانا قصير الحال مافي نوهات
تقول يالبيطار زبن الحراير ** اللي عنا لك لاتكن فيه باير
نشوف من هولك يسوق البشاير ** يابادع القيفان ياويل من مات
نورك غشى النورين من بين الانوار ** ماطال يوسف بالبها كود معشار
لوهو ضواك اليل في سوق سنجار ** زل الدهر ماعلقوا به فنارات
بهاك يالعذرا علينا تنوع ** انتى عزب وانا عفيف مطوع
لحم وعنده له ضواري مجوع ** وبليس مثل الذيب يسطي بغرات
تقول كف الهرج يالمكلماني ** ماجيتك الا بقيم من خواني
توه صغيرطاعني ماعصاني ** ماهو سراقه من عيال الحميدات
قلت اسلك بالي في السما فرج الضيق ** اللي غطى جوده جميع المخاليق
ابوك من هو ياعذاب العشاشيق ** واسمك ترى كل العذارى مسمات
تقول ابوي لرسلت الخيل مناع ** ابن هندي محمد مناعير الاشجاع
واسمي شعاع النور بالبادية شاع ** من مترفات بالمقاصر مخبات
قلت المطوع في هوى البيض صبار ** بصبر ولو سار القدم يم سنجار
نشوف منهو يكرم الضيف والجار ** شيخ محل الجود في كل حالات
نروح بك ياعشقت اللي يعشقون ** صوب الحجاز وعالي الجد ابن عون
شريف مكه حاكم الي يجورون** جته الهدايا من ديار بعيدات
يسكنك من عقب السمايم بمكنون ** ويلبس طوق من الصواغ مخزون
في كارهم لبس الفتايا بمليون ** تمشي على الديباج فوق اللياحات
قالت ومالي به ولو جا ورا البيت ** الحج مرة واحمد الله حجيت
لاهوفي بالي وانا فيه ماشفيت ** لوهو بيفرش بسطت الدار دانات
نروح بك يازين صوب المدينة ** بابا العرب ان كانك اتي تبينه
ولانغصبك كان ماتهتوينه ** يذكر لنا صوب الديار البعيدات
تقول ماترضى لنا باشة الروم ** دار مريفه والاهل كلهم قوم
شرابة التنباك والحق ملطوم** كب الحجاز وكب عباد الاموات
نروح بك للمنتفق فوق الاسياف ** ابولحيسه كامل كل الاوصاف
اللي يدبر مجلسة تسعة الاف ** يد الركاب الي لقنه مقيمات
تقول نعم به وبالخير مذكور ** لاشك عنده زوجتين من الحور
واللي يجي بين المحبين مازور ** واللي بعيد الدار ماهب شفات
نروح بك للي غدا بالنفيلة ** ابن صباح اللي علومه جميلة
سوابقه لمن عنا له جزيله ** شيخ البحر والبر عين الكرامات
تقول مالي به ولو من قبيلة ** شيخ بداه الشيب بيد ابحيلة
تفوق نفسه الى اقفت النارجيلة ** خله بداره لاسقته الهميلات
هيا لحمران النوظر وخطلان ** اللي حمو بالسيف لبده وبرزان
شهر لي ركبوا على الخيل فرسان ** اهل الصوافي والشوام المركات
تقول مالي في رجال القطاعات ** نسوانهم يما ارجفت بالنياحات
اهل الخيانه مابهم من طماعات ** ذباحة الوغدان واهل الخيانات
ياجادل طول علينا المسيري ** شوفي بريدة ذاك شورن بصيري
ابن مهناء برواي شيخ واميري ** شيخ ابريدة مايضدك بجارات
تقول نعم به كريم خيارا ** تدهل مناخه نابيات القفارا
جده غدا بالطايله من السدارا ** لاشك ببريدة نجاح ونيات
هذي عنيزه شيخها فايح الراس ** اللي عديم في زمانه من الناس
صالح من الفرسان لباسه الطاس ** بني معمر لاجا نهار الملاقات
تقول نعم بالفهد ماله امثال ** لاشك طيبه ماجحده قدر فنجال
درب الهوى يابارع الجيل غربال ** مضنون عيني مانويته بجيات
يابنت في شفك ندني النجيبه ** هذاك صندوق الجنوب ابوشيبه
يابنت مطغين الجدود العريبه ** اللي حريبه خاونه بالسياسات
تقول نعم بس في الدين شحاح ** تمايم في زلة الجار رماح
طر الحنيفة مالي بقوم سجاح ** تلقى بهم من خفة العقل نوهات
يابنت انا سمع لك بعلم ومطيع ** هيا ننحر للحفر ديرة اسبيع
قوم نهار الكون ترخي المصاريع ** تخيري لك واحد فيه مشهات
هذا بن شويه حامي الجاذي افهيد ** شناوي ماليس درب المناقيد
عيدك فهد يوم العذارى لهن عيد ** عليه من شكل الحكومه علامات
تقول نعم به لفتنا علامه ** كم شيخ قوم حوله من حصانه
لاشك لسبيع الاصل به جباله ** والكبر من كار العرب بالجفوات
ياجادل ظافي على المتن مريوش ** مزمومة النهدين والخد منقوش
يالله عليك مثلم الجمع فدغوش ** شره قسم لعداه في كل هيات
تقول مايحتاج ابو بدر تمجيد ** حيثه عذاب الخيل في فتكت الجيد
ياونتي ونت هزيل المعاويد ** ذكرتني بفهيد وفهيد قد مات
يابنت انا هجوس قلبي تفرق ** والهقوة انه يم الاسياف شرق
لابن خليفة منوتك بالمحرق ** بندر هل البحرين كيفه وراحات
تقول نعم به كريم خيارى ** له ديرة مامثلها بالديارى
لاشك عنده خربوه النصارى ** متهاونن بالدين ماهو شفاقات
يبنت انا عذابك الله بلاني ** ياماعديتي خير مرحباني
هذي قطر فيها الاديب ابن ثاني ** دوشق سريرة من قماش الهيارات
زمزير حكم في قطر كل زمزير ** الخالدي والهاجري والمناصير
بالكتب والاقوال ساق المخاسير ** وعنده ثمر صنعا خياش مرمات
تقول نعم به وبلحق نعمين ** نعم افتى غاية هل الخير والدين
قلبي يحب اللي يحب المسلمين ** والا البحر في رحمته سبع رحمات
درب البحر والبر كله مشيناه ** واللي بشفك توحنا لقيناه
يابتن هذا ماكر العز جبناه ** شيخ الديار الي مشت له امطيعات
هذا عريب الخال والجد واعمام ** اللي كسى عقب الحري ديرة ادهام
واشبع وحوش البر من عسكر الشام ** واهل الشهر من حربته راحو اشتات
شيخ الشيوخ امروبين الرهايف ** اللي يسمونه هل الدار نايف
هوعشقك اللي عشقتي بالولايف ** شاه العرب والا العجم فيه شاهات
تقول: والله لويسوق عمشا وريمه ** ماهوب كبير ولاعن الشيخ شيمه
لكن قالوا انه يبور حريمه ** اللي تزوج في الشهر خمس مرات
يابنت ماخليت داني وقاصي ** انا اشهد انك من حمول الرصاصي
مثلك على الاشور وش فيه عاصي ** ان خالفه مرة فلاهيب مرات
والاانا مما تقولين قاضي ** كنك زعاع تشمخين العراضي
ابحار حظك ماتعدى الرياضي ** ماشوف لك عن ماكر العز نوهات
يالطاغية بالزين هذا محمد ** كم جادل عذرا بشوفة توجد
اللي الى هابو هل الخيل ورد ** يرد لوكانت اجموع مبنات
ودي تشوفينه اليا ثار دخان ** قضى على صم الرمك يم سيلان
كنه عقاب حل بجوال حوران ** مثل البحر لاغضب مافيه حيلات
تقول نعم به شجاع ابوخالد ** دنه ودنولي المطوع وشاهد
والسوق لك يامن يشفي مجاهد ** الكيف طاب ولك نسوق البشارات
وصلاة ربي عد ماراح من يوم ** وعداد مايمشي من القبلة اغيوم
وعداد ماينبت من العشب باوسوم ** على النبي صلوا جميع البريات



هذي القصيدة بحثت عنها كثير ...
ولكن هذه الابيات اللي قدرت أحصل عليها .

[color=#8B0000]<<< وأتمنى من أللي يعرف القصيدة كامله يزودني بها >>>[/color]

لاهنتوا ..

..[/color][/align][/size]

العواد العريني 13 - 01 - 2008 00:43

رد : عروس الشاعر محمد بن ناصر العريني
 
حقاً إنها عروس..

والشاعر محمد بن ناصر العريني من أشهر شعار قبيلة سبيع..

لا هنت ياولد العم على البحث عنها وللأسف لا أعرف بقيت الأبيات..

وتقبل تحياتي..

سبيعي3 13 - 01 - 2008 18:23

رد : عروس الشاعر محمد بن ناصر العريني
 
احسنت وكثر الله خيرك على نقل مثل هذهى القصيد الراقيه بمعانيه

ولد العم 13 - 01 - 2008 21:01

رد : عروس الشاعر محمد بن ناصر العريني
 
[B]

اخوي [U]العواد العريني[/U] .. مايحتاج الشاعر محمد العريني مايختلف عليه اثنين..

وماقصرت طال عمرك يكفيني مرورك الكريم ..


وخيرك [U]اخوي سبيعي 3 [/U]..وشرفتني بمروك الطيب ..


..[/B]

ولد العم 07 - 06 - 2008 02:32

رد : عروس الشاعر محمد بن ناصر العريني
 
[B][align=center]
السلااااااااام عليكم


عدت لرفع الموضوع ..عل وعسى ان اجد من يهديني إلى ضالتي ..

..[/align][/B]


الساعة الآن 12:35.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها