راكب اللي ما عليه من الغراز (قصيدة صوتيه)
 

[poem=font="Simplified Arabic,6,darkblue,bold,normal" bkcolor="transparent" bkimage="" border="double,thick,burlywood" type=2 line=0 align=center use=ex num="0,black"]
راكب اللي ما عليه من الغراز=منوة اللي يطرده خفر الحدود
جيب لكزس واردٍ بافخم طراز=صنعة خباث النصارى واليهود
زين مشيه في المقير والعزاز=وزين مشيه في الصحاري والنفود
لاسطع في الليل الادهم نور غاز=تحسبه يا شايفه برق الرعود
وكن نوره لا لمع فوق القزاز=لا كشح ضوه كما قدح الزنود
يشرب البخاخ من بير ارتواز=ذاك وصف لا شرع ضخ الوقود
في المطبه ما يعرف الاهتزاز=ما تهزهز لو على السرعه تزود
لاوقف بين المواتر باعتزاز=تقل شيخٍ لا تحيزم بالفرود
سايقه ماهوب يحتاج لجواز=شيب عيون العساكر والجنود
باخصٍ نجد العذيه والحجاز=واشهد ان الجيب للكايد يكود
واشهد انه بالوصايف فاز فاز=والله يفكه من عيون الحسود[/poem]

الشاعر محمد بن نعيم (بحر الشوق)


[rams]http://www.arabstop.com/poems/image.php?type=sound&id=4.wma[/rams]

[url=http://www.arabstop.com/poems/image.php?type=sound&id=4]للحفظ اضغظ هنا[/url]

رد : راكب اللي ما عليه من الغراز (قصيدة صوتيه)
 

مشكووووووووووور وماقصرت وبيض الله وجهك
وصح لسانك على القصيده وعز الله انك ما قصرت من الجيب0
عطيته حقه 0

رد : راكب اللي ما عليه من الغراز (قصيدة صوتيه)
 

اشكرك اخي على المرور
وصح بدنك طال عمرك

رد : راكب اللي ما عليه من الغراز (قصيدة صوتيه)
 

اخوووووووووي بحر الشوووق الله يبيض وجهك على القصيده الطيبه




في موتر يستاااهل هذا واكثر.................اللكزس+الكبسوله = مقنااااااص (ههههههههههههههههههههههه)




لاكن السواااق اللي وصفته وين يووجد اتمنى انه يكووووووووون انت. تحياااتي

رد : راكب اللي ما عليه من الغراز (قصيدة صوتيه)
 

[quote=عايش ابوليل]اخوووووووووي بحر الشوووق الله يبيض وجهك على القصيده الطيبه




في موتر يستاااهل هذا واكثر.................اللكزس+الكبسوله = مقنااااااص (ههههههههههههههههههههههه)




لاكن السواااق اللي وصفته وين يووجد اتمنى انه يكووووووووون انت. تحياااتي[/quote]



تسلم يا اخوي عايش ابو ليل
وهذا من ذوقك


امام من ناحيه السواق
قصته قصه


الرجال انقلب ومات واحترق جيبه
بعد ما قلت فيه القصيده
ههههههههههههههههههه
شكلي عطيته عين
ههههههههههههههههههههههههههههههههه

اما انا سواق ددسن ما قد شفت اللكزس الا في الدعايه

ههههههههههههههههههههههههههههههه

رد : راكب اللي ما عليه من الغراز (قصيدة صوتيه)
 

[quote=بحر الشوق]تسلم يا اخوي عايش ابو ليل
وهذا من ذوقك


امام من ناحيه السواق
قصته قصه


الرجال انقلب ومات واحترق جيبه
بعد ما قلت فيه القصيده
ههههههههههههههههههه
شكلي عطيته عين
ههههههههههههههههههههههههههههههههه

اما انا سواق ددسن ما قد شفت اللكزس الا في الدعايه

ههههههههههههههههههههههههههههههه[/quote]


(ههههههههههههههههههههههههههههههههههههههه)



والله انها سالفه يا خوووووووك حتى راااعي الكبسوله اللي انا رديت فيه الرجال صار عليه حادث ومااات والجيب انعدم


ههههههههههههههههههههههههه وما دام مناسبات القصايد مثل بعض خوفي والله اننا عطيناهم عيوون ونحتناهم بس انا ما اتوقع اني (عيون)



لا كن الله يرحمهم جميعا...................... وتقبل تحياااااااااااتي

رد : راكب اللي ما عليه من الغراز (قصيدة صوتيه)
 

اشكر اخي عايش على المداعبه والشخصيه المرحه