منتديات سبيع الغلباء - الحفله الثانيه لقبيلة بني ثور بمناسبة شفاء الشيخ ابن ضبان

بمناسبة شفاء الشيخ فراج بن عبدالرحمن بن ضبان اقيم حفل بهذه المناسبه مساء
يوم الاربعاء ليلة الخميس 4/ سبتمبر/ 2005م على شرف مجموعه من مشائخ قبيلة سبيع
وهم : الشيخ مفرح بن الحميدي بن هليمه والشيخ مطلق بن ناصر الدهاسي
والشيخ سعد بن سلطان الحضبي والشيخ ماجد بن شباب بن جروه
والشيخ ذعار بن ثامر بن هليمه ومجموعه من أعيان القبيله ووجهائها 0
تكفل بالحفل (الوجيه) والاستاذ القدير حزمي بن سعود الغزيلي الثوري السبيعي
وقد حضر الحفل مجموعه من كبار قبيلة السوده والروبه وغيرهم0
بدئ الحفل بآيات من القرآن الكريم تلاه الطالب ثامر بن عارف بن هليمه0
ثم كلمه توجيهيه القاها الاستاذ مسفر بن عبدالله السويدي وكلمه اخرى ترحيبيه
لراعي الحفل الاستاذ حزمي بن سعود رحب فيها بالحضور 0
ثم قصيده للشاعر عبدالله بم محمد النجفا السويدي يقول فيها :
جينا لربع يرفع الراس فعلهم ، سعد لمنهو جالهـــــــــــم مضهود
ثم كلمه وطنيه قيمه لمقدم الحفل الاستاذ عساف بن فهيد الحضبي تجديدا للولاء
ومبايعة لخادم الحرمين الشريفين الملك عبدالله بن عبدالعزيز وسمو ولي عهده الامين
الامير سلطان بن عبدالعزيز وحكومتنا الرشيده 0
ثم القى الشاعر المتميز سفر بن نهار السبيعي قصيده ترحيبيه بمناسبة شفاء الشيخ
ابن ضبان مبينا فيها شهامة الاستاذ حزمي بن سعود ومواقف قبيلة سبيع العريقه
ثم القى الشاعر المبدع قاعد بن سعيد الغزيلي السبيعي قصيده في قبيلة السوده
( رائعه وذات معاني جزله)
ثم القى الاستاذ الشاعر عريمان بن مقعد الرويبي السبيعي قصيده نالت استحسان الجميع
لروعة الالقاء وجودة المعنى منها :
في وادي الخرمه عسى جاله السيل 0000
ثم القى الاستاذ عساف الحضبي ابياتا قصيره عن قبيلة سبيع
والقى بعد ذلك الشاعر سعد الهلالي قصيده عباره عن عرضه شعبيه ترحيبا بالجميع
واخرى قصيده عن مشائخ بني ثور 0
ثم كلمه عن فروع قبيلة سبيع وامجادها لمقدم الحفل 0
ثم القى الشاعر شباب بن جزله العمري قصيده عن حب الخيل وعن أمجاد قبيلة سبيع وفرسانها
واختتم الحفل بكلمه قصيره للستاذ ناصر بن عبدالرحمن بن ضبان شاكرا الجميع على اقامة
مثل هذه الحفلات التي تجمع أبناء القبيله وتبين دور ابنائها وأمجادهم 0
والحفل رائع جدا لما فيه من قصائد جيده وكلمات وطنيه و(مقام يبيض الوجه) من راعي
الحفل الاستاذ المتميز حزمي بن سعود وجماعته بني ثور من سبيع 0

ومن قصائد الحفل القصيده التاليه :

سيرة عرب
[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
هذه القصيده قالها الشاعر سفر بن نهار الثوري السبيعي
الله البادي عظيم صفـاته ذالـجـلال =
خالق خلقه ومحصٍ جميع أعمالها
ثم نبدأ بالمثايل على أحسـن مايقال =
السلام وسنة المصطفـى نسعالها
وصب ياحزمي لنا الكيف من صافي الدلال =
صبها وانا المعاني نظمت اجزالها
مرحبا باسم المشايخ كريمين السبال =
وباسم شيبان القبيلـه وباسم عيالها
مرحبا بالشيخ فراج زيزوم الثقال =
مرحبا باللي ارتكى للحمـول وشالها
مرحبا ترحيبة البدو بانصوب الخيال =
لاسقى دار رعوها صدوق اخيالها
دام راسك حي ياشيخ مافيها جدال =
المعالي ندرك قصارهـا وطوالها
والله انا من يمينك الى يدك الشمال =
لادعتنا المعضله في اللـزوم انا لها
ماوقفت الا على الحق ياواف الخصال =
ولا تعبت الا على الطايله ترقالها
واحمد اللي سلمك من صواديف الليال =
وجارك الله من صدوف الزمن واهوالها
ماكتبه الله جارٍ لنا في كـل حال =
الله اللي يعلم دقاقـها وجلالها
ويوم جا للشعر وقفه وتعبير ومجال =
سيرة سبيع العريقه حضـــــــر مجالها
عزوة الغلبا الوفيه صناديد الرجال =
لابةٍ تضرب على الكايـده بافعالها
يوم توحيد الجزيره وصولات القتال =
وقّـــفت سبيع بخيولها ورجالها
من الرياض الى الرغامه على صفرٍ عجال =
ومن جنوب أرض الجزيـــره الى شمالها
سطرت اسبيع فعولها في كـل جال =
وارسمت في المجد صفحة شرف تزهالها
لين رست لبو تركي كما ترسي الجبال =
واعتزى معزي بفعله وشد حبالها
لا حشى ماهيب منه ولا فيها سؤال =
يذكـر التاريخ سيرة عرب لاجيالها
عهدنا من ماضي الوقت باقي لا يــــــزال =
لين تطوى الارض وتدك معها جبالها
وشعبنا وافي وحكامنا عز وظـلال =
وشجرة ال سعود ننعـم سوى باظلالها[/poem]