منتديات سبيع الغلباء - ابن خر الذيب ( راشد بن محمد العجمي )

منتديات سبيع الغلباء (https://www.sobe3.com/vb/index.php)

- منتــــدى القصائـــــد المنقولــه (https://www.sobe3.com/vb/forumdisplay.php?f=53)

- - ابن خر الذيب ( راشد بن محمد العجمي ) (https://www.sobe3.com/vb/showthread.php?t=5745)

ابن خر الذيب ( راشد بن محمد العجمي )

[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="none,4,gray" type=1 line=0 align=center use=ex num="0,black"]

حالفٍ ماخذ على الطرقي رياله=وبالثلاث محرم أنه مايجيني

لالقيت اللي على السكة لحاله =يلتفت ويقول وين المستحيني

أوقف الموتر حيا وأبي الجماله =يوم ولد اللاش وجهه مايليني

الطمع في كروة الرجلي رزالة =خص وان جابه مجال الغانميني

والردي في حالة ماهي بحاله =واعوينه من كلام الطيبيني

الردي لو بان مايذكر عماله =مايعد اللاش مقصور اليميني

أركبه لعيون من زينٍ دلاله =ماتحاكوا في قفاه الرامسيني

مابغى غيري وانا مابغى بداله= قاعدٍ لي بالرجا مدة سنيني

الولد وان طاب قالوا :من خواله= وان تردى تر خواله خايبيني

الولد وان طاب طيبه من خواله =بالخوال يسال قبل الوالديني

أشرب الفنجال واكب البيالة =تابعٍ سلمي سلوم الأوليني

ولاقعدنا بالعمل بنا الرزالة =ناخذ العليا طريق الفايزيني

قال خر الذيب من هاجوس باله= كلمة يلعب بها والبال زيني

قالها يومه طراله ماطراله =من هواجيسٍ تشيب المرضعيني

غرني بعض الرجال بكثر ماله= مادرى ان الموت في حبل الوتيني

كيف ينفعني وابا(..........) خاله= مايقوم البيت دام الساس طيني

ناس وين اللي عوايده الجمالة =مثل ابن ظافر حمد ليته يجيني

الثنا والجود دايم في خياله =علمه ظافر سلوم الطيبيني

جوّد العليا ولزمّها عياله =وادركوا من علمته دنيا وديني

واهني من باع حظه واشترى له= وسار في درب النبي وأخزى اللعيني

موقفه ماكل رجال يناله =من بغى ممشاه يقعد مرتيني

كم ذبح من حايل من حر ماله= وعادته لطمة خشوم العايليني[/poem]