قصيدة رثاء (( في صياف ))
 

:Untitled-1: :taheyatayeba:


هذي قصيد ة في صياف السهيمي الحربي


رحمه الله


قصيدة الشاعر خولان بن عامر...





[poem=font="Arial,5,black,normal,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ياقـاف فـي صيـاف غـن الطواريـق=هات البيوت اللي علـى الكيـف ياقـاف
بنـات فكـري قامـت اطـل وتـويـق=ولاني بشاعر كان مـا ارثيـت صيـاف
انــا علّـيـه للنشـامـا مـواثـيـق=اللي لهـم فـي قمـة المجـد مشـراف
قولو معي يا هـل الوفـاء يـا مطاليـق=مرحوم ياللي لـه مـع الشعـر ميقـاف
الشاعـر اللـي وثـق الشعـر توثيـق=ينعاه شعـر الـرد محـراف محـراف
وينعـاك منهـو فـي معانيـك عِشيـق=وتنعاك حرب اهل الوفاء روؤس واشراف
من غيبتك والشعر من ضيق في ضيـق=واليوم جالـه ضربـة فـوق الانجـاف
وصياف من موته نشف عنـدي الريـق=والحزن يبـس بطـن وديـان واريـاف
الموت حـق ولا علـى المـوت تعليـق=لكن به بيـن العـرب رؤس واطـراف
يالله يارحـمـان والــي المخـالـيـق=عـلام ماتكتـب ملايـكـة الاكـتـاف
ترحم فقيـد بعـد ماغـاب مـا اطيـق=لا اقرى ولا اسمع عنه هرجه وسـولاف
اللي موّرث لـه ذهـب فـي صناديـق=يالله عسى مـا الشعـر بعـده بينعـاف
الشعـر باسمـه شامـخ المجـد ويليـق=باللـي لعسـرات المحاريـف عسـاف
[/poem]

-----------------------------------------------------------------------------

رد : قصيدة رثاء (( في صياف ))
 

صح لسان الشاعر ولا هنت



والصحيح انه صياف السحيمي وليس السهيمي





فعلا صياف كان مدرسا بارعا في المعاني والنقض والفتل

رد : قصيدة رثاء (( في صياف ))
 

[B][size=4][align=center]الله يرحمه ويغفر له

خبر مفزع,, إنا لله وإنا إليه راجعون[/align][/size][/B]

رد : قصيدة رثاء (( في صياف ))
 

[size=5][align=center]البحر شكراً على نقل القصيده

والله يرحم صياف[/align][/size]