قصيده للشاعر/ سعيـــد بن زبـــار المكــــاحلــــــــه
 

هذه قصيده للشاعر / سعيد بن زبار المكاحله,
أتمنى أن تحوز على أعجابكم


[poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="groove,4,gray" type=0 line=200% align=center use=ex length=0 char="" num="0,black" filter=""]
ياخال خل المجاليس ياخال=وسوق الركايب لين تاصل طلبها
يازينهامابين مقفا ومقبال=مع ديرة ياخال يعجب عجبها
نقضي بها الأشوان وفيها سعت بال=والنار شبت نارها من حطبها
المرجله حمل وللحمل شيال=ماهيب لعبه كل من جا لعبها
ما كل رجال تسموا برجال=ولا كل من يبغى المراجل كسبها
ولا كل من يركب على الخيل خيال=ترميبه الفرسان ساعة ركبها
توميبه أيمين وتوميبه شمال=وفك الحبال اللي بيدينه قضبها
فخل الذي دلوه تضرب على الجال=ما يسي الضميان دلو جذبها
يكود منهو للصعوبات حلال=مفراس ماصن يوم توصل صعبها
يستاهل البيضا ويضرب له أمثال=موج البحور اللي تلاطم غببها
هذي طراة العمر قدام الآجال=وقدام دنيا الغد تزرب زربها
وياما خذت قدامنا شيب وعيال=وذي قسمة ربي علينا كتبها
فيا خال شاكوني على بعض الأحوال=لي ديرة ماعاد شفنا عربها
قفوا وانا قفيت والقلب ما زال=يشكي جروحه والمفارق سببها
لا والله اللي صار للقلب غربال=ونار تواقد بالضماير لهبها
من صاحب فالعرب ماله أمثال=وبنت الرجال اللي ينومس نسبها
تلقالهم بين الحفيفين منزال=هل سطوة تعرف ولحد قربها
فان كان جاني سائل سال بسوال=يقضي لزومي قبل يكثر نشبها
وان كان رحنا بين شامت وعذال=راحت حياتي واقتفاها طربها
هذا كلام سعيد قصٍ وتفصال=وان كان عندك كلمة في رقبها
وختامها ذكر الولي راحم الحال=علام سر الغيب وفارج كربها
[/poet]
وقد أوصاني الشاعر سعيد بأن أنقل تحياته لكم وتمنياته لكم جميعا" بالتوفيق ويقدم شكره للقائمين على هذا المنتدى الطيب....



[poet font="Simplified Arabic,5,white,normal,normal" bkcolor="transparent" bkimage="backgrounds/10.gif" border="groove,4,coral" type=0 line=200% align=center use=ex length=0 char="" num="0,black" filter=""]
أخوكم /
راعــــــــــــــي البــــــــــــــــــارود
[/poet]

صح لسان الشاعر سعيد بن زبار


ملاااااااااين

والله يسلمك وياه ياراعي البارود ولاهنت على نقل القصيده

وبارك الله فيك

تحيات اخوك

ابن شطيط

صح لسان الشاعر/ سعيد بن زبار المكاحله

وبيض الله وجهه على هالقصيده الجزله


وكل الشكر لك انت ياراعي البارود

على اتحافنا بهالقصيده

صح السانك يا سعيد بن زبار والله لا يهينك

وبيض الله وجهك ياراعي البارود على نقل القصيده الطيبه


ولكم تحياتي

السيف

الأخ بن شطيط
شكرا على المرور وعلى كلامك الطيب





أخــــــوك/
راعـــــــــــــــــــــي البـــــــــــــــارود

الكوكب السيار


كل الشكر لك أنت على قراءة القصيده
وعلى كلامك الطيب,,,,




أخــــــــــوك/
راعــــــــــــــــــي البـــــــــــــارود

السيـــــــــــــــــــــف


لاهنت ياطويل العمر , وبيض الله وجهك على كلامك الطيب

وشكرا لك,,,,,,,,,,,,,,,,,,,,



أخـــــــــــوك/
راعــــــــــــــــــي البــــــــــــــــارود

أشكـــــــر كل من تكرم وقرأ هذه القصيده لشاعرنا : سعيد بن زبار
وقد وعدني أبو عبدالله بقصيده أخرى قريبا".

ولكننا ندعوه للتواصل معنا عبر هذا المنتدى ليس لمره أو مرتين ولكن دائما" ان شاء الله.


والســــــــــــــــلام عليكـــــــــــــــم ورحمة الله وبركاتـــــــــــه.....



أخوكـــــــــــــم/
راعــــــــــــــــــــي البــــــــــــــــــارود

بن شطيط



شكــــــــــــــــــــــــــــر خــــــــــــــــــــــاص
على تثبيت الموضوع ,,,,,,,,
وأتمنى أن تكون المشاركات القادمه عند حسن الظن....
والشكر موصولا" للأخ البـــــــــــــــــــدر


أخوك/
راعــــــــــــــــــــــــي ا لبــــــــــــارود

لا هنت يا راعي البارود على نقل هالقصيدة الزينة لابن زبار
وبه ملاحظة صغيرة لكنها مهمة
.ارجو منك مراجعة الشطر هذا اللي هو :
ياخـال خـل المجاليـس iiيـاخـال

لأنك حدا ثنتين اما انك نقلته خطأ والا جاء فيه غلط املائي .لأن الشطر بالطريقة اللي انت كتبتها هذي مكسور