منتديات سبيع الغلباء - يا ملّ قلبٍ هوى الغربي كشف ما به = داخل حناياه عبدٍ في يدِهْ طبْلة

منتديات سبيع الغلباء (https://www.sobe3.com/vb/index.php)

- منتــــدى القصائـــــد المنقولــه (https://www.sobe3.com/vb/forumdisplay.php?f=53)

يا ملّ قلبٍ هوى الغربي كشف ما به = داخل حناياه عبدٍ في يدِهْ طبْلة

يـا مـلّ قلـبٍ هــوى الغـربـي كـشـف مـابـه====داخـــل حـنـايـاه عـبــدٍ فــــي يــــدِهْ طـبْـلــة
مـا جابـت الـورق مـن زيـن اللحـن جـابـه===واكـبــر عـذابــه لـيــا طـــق الـحـيـا وبـلــه
مـن أزرق الريـش عـاف الصـيـد مخـلابـه===كـبـده لـهـا حـــول سـبــع سـنـيـن منـدبـلـه
عـلــى ولــيــفٍ شــربــت الــســمّ بـعْـذابــه===وكنّـه علـى القلـب دَرّ الـلـي رعــت ربـلـة
كــنّ الـولـي بــدّ عــن خلـقـه تـوصّـى بـــه===مـن عـودٍ أزرق وغيـره مـن حصـا عِبْـلـة
مــا قـــد رفـعــت الـيـديـن ألا عـلــى بـابــه===طـفـلٍ يـحـرّم عـلـى روحــي واوجّـــبْ لـــه
لــو شـافـه الـلـي تهـجّـد وســـط مـحـرابـه===صـلّـى أمّ الاربــع ثـــلاث وضـيّــع القِـبـلـة
ولـو شافـه اللـي بنـي عبـسٍ تـعـزوى بــه==والله فــلا عــاد يـسـأل عــن هــوى عَبـلـة
عـلـيـه راعــــي الـمـعــمّ يـشـقّــق ثـيـابــه==وش لون أجل مَن عمر عشرين يلعبْ له؟
مـجــدّلٍ يـــا حـيــاة الــشــر يــــا خـضـابــه==ينقـض قرونـه علـى زنــدي واطبـطـبْ لــه
وعـيـنٍ لسلـهـم بـهــا عـــن ألـــف دبّـابــة==تلـعـب بــالارواح لـعـب الظـبـي والشَـبـلـة
والجفـن يــا لعنبـوكـم كـيـف مــا آهـابـه ؟==مــن ذلّ سَـلْـم وحـيـاة الــروح تكـتـبْ لـــه
والرمش لأغضى تشـوف المـوت بأهدابـه===مـدري لـو الـمـوت ابــن عــمٍّ يـقـاربْ لــه
رمـشٍ علـى طـغـوة السلـطـان يـدعـى بــه==عـلـيــه قــلــب الـمـعـنّـى طــايـــرٍ شَـبــلــه
لـو فـي شجاعـة هـدب رمشـه معـي لابــة==المـوت فــي ذمّـتـي ذمّــة مــا احـسّـبْ لــه
وانّ احكم الأرض من (صيدا) إلى (طابة)==واطـهّـر الـقـدس مــن نــذلٍ قـضـب حـبـلـه
والخـشـم سـيــفٍ يـلــوح الـغــيّ بنْـصـابـه==لا سـلّـه الـلـي طعـامـه مـــا يـجــي هَـبـلـه
وثــغـــرٍ ولا طــاولـــه ثــغـــرٍ ولا شــابـــه==يــا قَبـلـة الله يــا مـــا احـــلاه مـــن قَـبـلـة
مــدري مــن الخـمـر والا الخـمـر بلْـعـابـه .. والا مــن الكـوثـر المعـسـول يِِسـكـبْ لـــه
مــن ذاق معسـولـه الخـمـري ودلّــى بـــه .. مـن سكرتـه مـا نلـومـه لــو يـمـوت اَبـلـه
كـنْ حـدري الشـفّـه الـيـا عــضّ بــه نـابـه==شـفّــة صـغـيـرٍ بــمــاي الــتــوت منـعـبـلـه
ولسـان إلـى مـن حـكـى والجـابـه الجـابـه==يـرتّــب الـهــرج مـابــه مـــن يـرتّــب لــــه
صـوتـه ولا صــوت (عُـــودٍ) عـنــد لـعّـابـة==لا دقّّــه الـلـي عـلــوم الـفــنّ تُـنـسـبْ لـــه
والـخــدّ مـــا غـــطّ نـــوره لـــون جـلـبـابـه==والله مـــا شــفــت انــــا بــعــده ولا قـبـلــه
ودّه بـذبـحـة حـضــر نـجــدٍ مـــع اعــرابــه==واشـــوى, بريـقـعْـه عـيّــا لا يـوجّــبْ لـــه
والـكــفّ حـالــه وحـــال سـهّـيـل متـشـابـه==مــدري نسـابـة! أو انّ سهـيـل نـاسـبْ لــه
بــإيــده مــلــك مــــوت هــلاّبــه وحـيّــابــه==قـــوسٍ تـمــزّع مـعـالـيـق الـحـشــا نِـبـلــه
وفوق النهـد شفـت (أخـو بـدوه) بمشعابـه==وحــدر النـهـد شـفـت انــا خيّـالـة السَـبـلـة
نهـدٍ مــن الـثـوب الاحـمـر يفـقـد اعصـابـه==يبغـى يتنفّـس شــوي والـثـوب نـاشـبْ لــه
يـا ليـت مـن خــذْه صـبّـح بــه ومـسّـى بــه==نـــاسٍ عـلــى خــــزّة الـعـشــاّق منـجَـبْـلـه
وخصـره مسـافـة مابـيـن اصـبـعْ وسبّـابـة==أحـيــان يـخـطـون فـيــه ويـلـبـس الـدِبْـلــة
وردفٍ ليا اقبل تقـل مقْفـي والـى اقفـى بـه==تـقــول مقـبـل,عـسـى الله لا يـسـبّــبْ لــــه
لا ســار واهـتـزّت الـشـطـوه حـــدر كـابــه==تشـبـه شـجـاعٍ سـمـع غالـيـه يـنــدبْ لـــه
والسـاق كـنّـه لـسـان الــداب لاومــى بــه==أو كـــفّ (طِـفـلـة) تـــردّ الـفــرْد وتْـحـبْـلـه
واقـدام لـو فــوق قـبـر المـيْـت تـاطـى بــه==شفتـه يصـوّت قبـل يِضحـي الضحـى لإبلـه
بـعـض الأوادم هـبـال الحـسـن مــا عـابــه==والـيـا انهبـلـت , اكـثـر العـربـان منهـبْـلـة
زيــنٍ بزيـنـه نـمــوت ونـــوب نـحـيـى بـــه==مــا بـإيـده الا الشـقـا ونْـحــبّ نـتـعـبْ لـــه
غلـطـان عـمّـه يـخـالـد يـــوم وصّـــى بـــه==ســوات هــذا جمـيـع الـنــاس تـقــربْ لـــه
يـا زيـن انـا وانـت سِلْـك عْـقـال وعْصـابـة==تُـومٍ عسـى مــن عـقَـب للـتـوم يِعْـقـبْ لــه
يــا زيــن كـانـك وحَــشْ ريــمٍ فـأنـا غـابــة==غـدَت ضلوعـي علـى شـانـك زهَــر رِبـلـة
بيـنـي وبـيـنـك مـــاْ بـيــن الـكُــمّ واجـيـابـه==وعلـيّـه ابـعـدى مــدى مـمّــن ورا القِـبـلـة
يـــا زيـــن قـلـبـي عـلـيـكـم يــــدّرج دابــــه==بيـن الحصاتيـن حـذف النـاس عـرقـبْ لــه
مـانـيـب مـــن قـــال :يـابــه آه يــــا يــابــه==وهـمّــه بقـلـبـه كـبــر راس الـقـلـم ذِبــلــة
يـا زيــن مـوْدعْـك قلـبـي وانـتـه ادرى بــه==يــا طلبـتـه لـيـه بـيـن الـنـاس تطـلـبْ لــه؟
أمّـا اسـعـف القـلـب يــا زيــن وتَهـنّـى بــه==والا فـأنـا الخـبْـل يــوم اطـــرد ورا خِـبـلـة