منتديات سبيع الغلباء - قصيدتين للشاعر سعد عويد المجمعي

الأولى
لاتقولين الخطا هذا خطايه
زاد ت الأخطا مع ايام الشهوري
لو على ماقلت تبحث عن رضايه
ماتحطم بينا جسر العبوري
من يقول ان لك على قلبي ولايه
لاتضنينه على ظلمك صبوري
ابعدي واللي حصل منك كفايه
لاتحلفي بينت كل الأموري
لو بسامح ماتسامح كبريايه
كيف اسامح وانت ماترعى شعوري
والله انك قبل في الدنيا هوايه
دون كل البيض مرضيبك غروري
انت ياللي لاجلك ازعلت اصدقايه
كنت اشوفك شي في الدنيا ضروري
كنتي احلى نجمةٍ تصعد سمايه
كنتي احلى وردةٍ بين الزهوري
كنتي احلى شربةٍ تبرد ضمايه
كنت اشوفك بين كل الغيد حوري
كنت اضن انك تبا دلني غلايه
واثر قلبك في فلك غيري يدوري
مابغيت اجرح شعورك في النهايه
مثل ماتجرح شعوري في حضوري

الثانيه
الله يجرح شعورك يامعذبني
جرحة شعوري نهار اروح من دارك
من شان تعرف وش اللي منك صايبني
وتشوف وش صاب قلبي من لهب نارك
ياللي على صفحة النسيان كاتبني
وانا على العهد باقي حافظ اسرارك
عنك المرض يانضير العين غيبني
واكبر مصيبه عليه قطعة اخبارك
لاجيت بجحد غلاك الدمع كذبني
قلي متى الطيف يعرضبي على افكارك
يمك هبوب الغلى والولف تجذبني
جذبك حبيبي بخمسك ناعم خمار ك
السهر ياشيخة الزينات صاحبني
طمن خفوقن كويته من لهب نارك