شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

[CENTER]بسم الله الرحمن الرحيم
اخواني اعضاء المنتدى
السلام عليكم ورحمة الله وبركاته
قصيدة سجين
وتحكي من بين طياتها قصة سجين بسبب زلة وساعة غضب
لم يكن يقصد المقتول ولكن ابى القدر الا ان يجمع بينهما
لم يكن يعرف المقتول ((رحمة الله عليه )) ولم يكن بينهما اية معرفة
ولكن قدر الله وماشاء فعل
كتب هذه القصيدة ومن بين طياتها ينخى ابوالمقتول الشيخ حامد ابن محمد ابن دغنس السنحاني القحطاني ليعتقه من السيف
ثم يمتد حتى يصل الى شيخ قبيلة سنحان والقبيلة كاملة ليمتد به الطلب وينخى قحطان كاملة
ثم ينخى القبائل لعلهم يستجيبون
ذلك هو السجين / مسند ابن طماح السبيعي
في سجن ابها
والان اترككم مع القصيدة
[poem=font="simplified arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله يامرسي الرواسي على البيد=ياواحد بامرك تدور الدواير
اشكي عليك امري وتدري بتاكيد=لامنها عمست علي البصاير
انا سجين بالكلبشات والقيد=والشاهد الله ذقت مر المراير
شربت كاس الحزن من غير تحديد=والدمع من عيني على الخد حاير
واليا ذكرت امي سبقني تناهيد=ام(ن) على بعدي تهل العباير
اقبع ورى القضبان ولا اقدر احيد=جداي اعد الوقت لوكان جاير
سبة ابليس اللي يدبر الكيد=لولاه ماشفت العنا والعزاير
مصيبة صابت بليا مقاصيد=واكبر علي من هضاب الصواير
ماوالله اقصدكل ما جاء ولا اريد=لكن مايكتب للانسان صاير
تكفى ياحامد منبع الطيب والجيد=اسوق لك عذري قصور وعماير
تكفى ياحامد راعي الصيت والفيد=ياذخر من لاله حزام وذخاير
انا اعترفلك بالخطايا تراديد=عمر الخطا ماجاب غير الحساير
عليك امالي يابن دغنس مواريد=لعلها بالصفح ترجع صداير
انخاك نخوه ياخيار المواريد=اجر تشوفه يوم فك الصراير
وتكفون ياسنحان واعيد وازيد=ياروس قوم تجبرون الكساير
ويالشيخ ابن راسي قليل المواريد=زله وصارت ساعة الدم فاير
وتكفون ياقحطان روس الصناديد=ياللي تردون الكباير صغاير
وتكفون ياساس العرب والتقاليد=السيف دياني ولاهوب طاير
وتكفى ياحامد راعي الصيت والفيد=ياذخر من لاله حزام وذخاير[/poem]


وقد حرص المنشد / محمد بن فراج الاكلبي

بعد سماع القصيده على شيلها حتى يكن جزء في المساعي في العفو عن السجين

[youtube]http://www.youtube.com/watch?v=SLrmFLSwAxE&feature=player_embedded[/youtube]


ونسأل المولى ان يعجل بساعة فرجه فانه القادر على ذلك[/CENTER]

رد: شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

ابيات رائعه شكرا لك

رد: شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

[FONT=Century Gothic][SIZE=5][COLOR=navy]تين[/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]شاكر لك مرورك[/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]ومندهش من عدم وجود ردود[/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]على الاقل [/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]الدعاء للسجين بان يفك الله اسره[/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]عجبي [/COLOR][/SIZE][/FONT]
[FONT=Century Gothic][SIZE=5][COLOR=navy][/COLOR][/SIZE][/FONT]
[FONT=Century Gothic][SIZE=5][COLOR=navy]منكم يا اعضاء الموقع[/COLOR][/SIZE][/FONT]

رد: شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

اسال الله ان يفك اسره وان يعتق رقبته من القصاص

قصيدة مؤثرة لكن القصيدة المكتوبة اعلاه ليست هي المسموعة

جزيت خيرا

ابو مسند (طماح) رجل ونعم عرفته ورافقته شخصيا ويعد من اكرم واشجع الرجال (شهادة حق)

رد: شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

الله يعتقه وقحطان لسبيع عندهم مواقف طيبه وهم هل السلوم والطيب

رد: شيلة لقصيدة السبيعي ينخى بها القحطاني في العفو عن القصاص بصوت محمد الاكلبي
 

[SIZE=6][COLOR=black]الله يفك اسر ابوطماح [/COLOR][/SIZE]
[SIZE=6][COLOR=black]موضوع ممتاز [/COLOR][/SIZE]
[SIZE=6][COLOR=black]لكن مثل ماسبق وين التفاعل [/COLOR][/SIZE]
[SIZE=6][COLOR=black]للاسف المنتدى لايرتقي بالمستوى المطلوب لعدم التفاعل مع الاحداث سوآ بالقبيله او القضايا الاخري[/COLOR][/SIZE]
[SIZE=6][COLOR=black]اشكرك اخوي على الطرح [/COLOR][/SIZE]
[SIZE=6][COLOR=black]تحياتي[/COLOR][/SIZE]