رد الشيخ الشاعر :رشيد ابن مساعد السهلي على ابن ثلاب
 

[size=5]و قال الشاعر رشيد بن مساعد القباني القصيدة التالية ردا على قصيدة ابن ثلاب .. يوضح فيها مفاخر قبيلته وديارهم و امجادهم بـنو سهل الكرام0
يقول من قامت هواجيسه تجول *** و اختار من زين البيوت سمانها
تدق في صدره كما دقه طبول *** و لجزالها مفتوحة بيبانها
لمن بغيت القاف ما دونه قفول *** و ترى المثايل جزلها سلطانها
و اللي مزعلني و أنا رجل زعول *** كلمة ظريف ما خذا حسبانها
لشفت بعض الميل ما اصبر بالميول *** لكان يمي ما كتب عنوانها
اخاف قوله يسمعه بعض الخبول *** ناس تحب التايهة و اعلانها
يا سعد بن ثلاب يا شبل الشبول *** جدك بناها و نهدم بنيانها
الاسم ثابت مستحيل انه يزول *** دام العرب مكة تطوف اركانها
رنيه لغيرك لا تجيب اقصى الاصول *** رنية لناس طوروا عمرانها
لو جيتهم عدوك منها بالمطول *** و ينك ودار مرمس هجرانها
قرون لياليها مضت واقفت سمول *** و أخير لك من ذكرها نسيانها
منها ترى الجدان قربوا الزمول *** و شالوا على عرب وساع ازغانها
وراحوا مع البيدا وسيعات الخلول *** و خلوا جوانب ديرتك وأوثانها
يوم زبنتهم زعب في ذيك الحلول *** خوف من الظالم على ميلانها
جت من جبال الحجز نكال هزول *** ولاذت بقوم نسمت هزلانها
مع الزبين استجنبوا فرس و ذلول *** و خاب الشريف الهاشمي ديانها
يتلون بن قبان جماع الشمول *** زيزوم قوم تتبعه سلفانها
مثل المزون اللي بردها له ثعول *** على " الغوينة " نثرت غدرانها
ما خالها شلف على قب تشول *** و علط الفتايل شابك خفانها
و خذوا مع حرب خصماهم كسر حول *** كم روح قرم فاختت جثمانها
في كل وادي جددوا كره وضول *** لين القرايا عمقوا سيسانها
جدك نزل في الغيل مختلف الحقول *** و صرتوا سلاطين البلد عمانها
مع لاد بن قبان حامين التلول *** ربع تقلد في الحروب أكفانها
يرسيبهم غرس شماريخه تدول *** كبار فروعه وافيه عسبانها
لا طبه المشاي ما يلبس نعول *** كن البحور تروج في حيظانها
ياكل جناها الضيف الجار الخجول *** ما بنيت من دونها جدرانها
جتهم طغاة الترك من فوق البغول *** ترطن مزايكها على خيلاتها
يتلون باشتهم على غير محصول *** و يقول سحمه وين هي ديرنها
و عدابهم كل ابلج قرم صمول *** و خلوا جثايا الترك كن نطلانها
نطلال خشب خامد عقب المحول *** عشتبهم سحم الضرا عيلانها
حنا سهول إن قامت العالم تصول *** قوم على العدى تسوق اضعانها
كم واحد من حربهم راح معلول *** تزحف على الموت الحمر غلمانها
لاجا نهار فيه زوغات العقول *** كم فارس اخلوه من حجبانها
كم خفرة لبست هداميل الهمول *** عاقوا بعلها و ايتموا ورعانها
و سبيع لا طالوا بطولتهم نطول *** ربع ترد الشره عن حقانها
يستاهلون المداح ماضيين الفعول *** كم هجمة قد روعوا رعيانها
يرعابهم يوم المخافة كل شول *** ترتع بطراف الخطر قطعانها
و الى اعتلوا قحص الرمك شهب الذيول *** يرمون شيخ القوم في ميدانها
و اختامها صلوا على طه الرسول *** ما غرد غا رضخب يرمقلاصانها
شفيعنا في الاخرة من كل هول *** لا قربت الاعمال من ميزانها

وهذا رد الشيخ الشاعر :رشيد ابن مساعد القباني السهلي على افتراءات ورعان الأنترنت .

المصدر : كتاب سوالف الطيبين للحضبي السبيعي والرواة الثقاة اللي يخافون الله سبحانه







[/size]

رد : رد الشيخ الشاعر :رشيد ابن مساعد السهلي على ابن ثلاب
 

لاهنت يافراج
وصح لسان بن مساعد

قصيدة وافية

وياليت تجيب قصيدة ابن ثلاب

رد : رد الشيخ الشاعر :رشيد ابن مساعد السهلي على ابن ثلاب
 

رائع يافراج الهدار
رائع يافراج
بيض الله وجهك لك تحياتي وتقديري

رد : رد الشيخ الشاعر :رشيد ابن مساعد السهلي على ابن ثلاب
 

[url]http://www.sobe3.com/vb/showthread.php?t=2138[/url]

رد : رد الشيخ الشاعر :رشيد ابن مساعد السهلي على ابن ثلاب
 

ونعم مليون بالآد قبان .....
أفعالهم تنومس بها كل رجال ...
ونعم ببني عمومتي الشماسات الزكور

رد : رد الشيخ الشاعر :رشيد ابن مساعد السهلي على ابن ثلاب
 

ما عليك زود يا سعد ونعم مليار بالاد الاجيرب لا خلا و لا عدم

لادقبان

رد : رد الشيخ الشاعر :رشيد ابن مساعد السهلي على ابن ثلاب
 

[size=4]يا سعد الثوري القصيدة واضحه وهي رد على افترآت أصحاب المصالح الشخصيه

وهي رد على من يزعم أن القبابنه من الزكور فالقبابنه آلاد قبان ابن سهل

أخوكم : فراج القباني السهلي[/size]

رد : رد الشيخ الشاعر :رشيد ابن مساعد السهلي على ابن ثلاب
 

انا حللت قصيدة رشيد بن مساعد القباني
وهذا اللي طلع معي
قال ابن ثلاب
السبيعي تهيض والسبيعي يقول ***ديرتي رنية الفيحا ووديانها
وابن ثلاب نسب نفسه سبيعي وان ديرته رنية
-----------
فرد عليه رشيد بن مساعد ان القبابنة هاجروا من رنية من زمان وصارت لغيرهم وينصح ابن ثلاب انه ماعاد يذكر رنية ولا يجيب الاصول البعيدة
رنيه لغيرك لا تجيب اقصى الاصول *** و ينك ودار مرمس هجرانها
وينصحه انه ينسى رنية لان القبابنة تاركينها من قرون :
قرون لياليها مضت واقفت سمول *** و أخير لك من ذكرها نسيانها
--------------
ويقول رشيد بن مساعد يذكر هجرة القبابنة من رنية :
منها ترى الجدان قربوا الزمول *** و شالوا على عرب وساع ازغانها
وراحوا مع البيدا وسيعات الخلول *** و خلوا جوانب ديرتك وأوثانها

فالخلاف بين ابن ثلاب ورشيد في عدم ذكر الاصول البعيدة

رد : رد الشيخ الشاعر :رشيد ابن مساعد السهلي على ابن ثلاب
 

الاخ الشمالي السلام عليكم ورحمة الله وبركاته وبعد بيض الله وجهك يوم حليتها وان الخلاف ليس جوهري بل الخلاف لاتجيب اقصى الاصول والسلام

رد : رد الشيخ الشاعر :رشيد ابن مساعد السهلي على ابن ثلاب
 

الاخ مسلط 22 السلام عليكم ورحمة الله وبركاته أشكرك أشد الشكر على مرورك يامسلط22 ولا عليك زود وتعجبني متابعتك الدقيقة ماشاء الله عليك والسلام