منتديات سبيع الغلباء - ناقتي ياناقتي لارباع ولاسديس

[color=#000033][font=Simplified Arabic][align=center][size=4]النص الكامل لمشاركة الفراعنه في الحلقه الثالثه من شاعر المليون والتي من خلالها إثبت انه الرقم الصعب في ساحة الشعر على مستوى الوطن العربي

:

[align=center][img]http://www.almillion.net//media/almillion/10/7.jpg[/img][/align]

[align=center][img]http://www.almillion.net//media/almillion/10/Image/7.jpg[/img][/align]:

:[/size][/align][/font][/color]
[poem=font="Simplified Arabic,5,darkred,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
ناقتي ياناقتي لارباع ولاسديس=وصليني لابتي من وراء هاك الطعوس
حائلاً رابع سنه من خيار العيس عيس=خفها لادرهمت كنه بالنار محسوس
في دجى خالي خلا لاحسيس ولانسيس=تدوخك من شدة البرد طقطقة الظروس
في عيوني يكفخ الطير ويطيح الفريس=وانتهض جساس من دون خالته البسوس
وفي خفوقي فرخ جنيتاً يضرس ضريس=يوم اوردها هجوس واصدرها هجوس
ديرتي دار ابن ضاري وابن غثلم جريس=ديرة اللي دوجوا في فيافي نجد جوس
ديرتي يابنت شيخاً ومعدنها نفيس=عيطموساً دونها دثرتني عيطموس
جادلاً مطرق جسدها مع الغربي يميس=طينتاً من تربة الخلد والدم محموس
نقشت خمساً من الخمس في يوم الخميس=ليت شعري ما ارادت بهذا دختنوس
كم تمنا إن معه مثلها فتنه بليس=كان يمكن قد قلب نصف إمتنا مجوس
كن دماث الصدر منها كنيسه او كنيس=صومعة رهبان ديراً يؤدون الطقوس
آتقوس مع تقوس نواهدها وإقيس=قبتين قاب قوسين قوساً جنب قوس
خصرها يحكي لنا واقع القوم التعيس=وردفها عن غطرسة بوش يعطينا دروس
وبالرغم من قصرها مايجالسها جليس=تصبح أطول نسوة الارض في وضع الجلوس
العروسه ماتبي غير ابو تركي عريس=العروسه نجد ماهيب حي الله عروس
نجد بنت المجد ونسة مونسة الونيس=ماعسفها الا معزي ضحى اليوم العبوس
كل اهل نجد هلي من إجاء حتى الخميس=في ذراهم بــ التجي عن مجففة الرسوس
وعيشتي مابين أسوداً ولو ماني رئيس=(خير من كوني رئيساً على شلقة تيوس)
وليس عيباً إن خدعني بمكره كل هيس=لان مايفهم بمكر الهيوس الا الهيوس
مصطفى في مأدبة عمه البابا لويس=كبر اللقمه تحت ضؤ حمراء الكؤوس
وطسم حدتها على حائط المبكى جديس=يوم شقت ثوبها بنت عفار شموس
سيدة هاك القصر أسمها الاول لميس=دونها سمر الحناجر بترها حد موس
قسقسة لاحرارهم.قيس.قيس.قيس.قيس=والبستهم من مهانتهم انواع اللبوس
بين خدعة كعب اخيلاً ومولد ادونيس=درسونا الالهه والمدرس هميروس
ويش لاقوا من قناة السويس اهل السويس=وويش لاقوا من تلمسان قوماً من سنوس
كلهم من شدة الجوع راحوا خندريس=بين غيبوبة مخدر وصحوة عرق سوس
ثورة راحوا سببها بتوع الاتوبيس=وش نبي فيها وهي ماتهز الا الغروس
آفة المرء اثنتان الف كاس وحب كيس=والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس=ترجع الاذناب إذناب وتبقى الروس روس
صدق لاقال العرب مايحوص الا الخسيس=ولايوط الروس شئياً مثل ضعف النفوس[/poem]

[color=#000033][font=Simplified Arabic][size=4][align=center]:

:

وهنا مشاركة الفرعون شاعر الثقلين وأسد الشعراء بصوته كامل واشكر ابوعبدالله على المقطع

[url=http://youtube.com/watch?v=4as89usexAw][U]للاستماع اضغط هنا[/U][/url][/align][/size][/font][/color]

:

[align=center][url=http://www.5ymah.org/upload/upload/wh_56866275.amr][color=#990066][U]وهنا بصيغه إخرى[/U][/color][/url]

[align=center]:

:

:[/align][/align]