منتديات سبيع الغلباء - شاعر من شعراء قبيلة سبيع الغلباء المعاصرين

منتديات سبيع الغلباء (https://www.sobe3.com/vb/index.php)

- منتديات الـمـشـاهـيـر والقصص البطولية (https://www.sobe3.com/vb/forumdisplay.php?f=27)

- - شاعر من شعراء قبيلة سبيع الغلباء المعاصرين (https://www.sobe3.com/vb/showthread.php?t=11574)

شاعر من شعراء قبيلة سبيع الغلباء المعاصرين

[frame="1 80"][size=5][color=#000000]بسم الله الرحمن الرحيم

أيها الاخوة الكرام::

السلام عليكم ورحمة الله وبركاته،،،،،،،،،،،،،،،،،،،،،،،،،،،،،،،،،،،،،،،،،، وبعد،،،

نطرح لكم هذ المرة في منتدانا الموقر عن ذرب من مذاريب سبيع وشاعر من شعرائهم البارزين والمعاصرين عرف عنه

كرمه ومحبة قبائله له وركن من اركان قبيلته لحق على آواخر العصر القديم ما قبل الحكم السعودي وعاش فتره طويله

في هذه الحياة عن عمر يناهز أكثر المئة سنه رثا حديجان بن دحيم السودة في وفاته عام 1403 هجري في حادث

مروري بمحافظة القويعية ( رحمه الله ) فشاعرنا المعاصر والركن البارز لقبائله هو شالح بن حمران بن نعيس الشماسات

الزكور سبيع له من القصيد الكثير وسوف نورده لاحقاً ان شاء الله.

واليكم قصيدته في حديجان[/color][/size][/frame]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ياهل الركاب طروش ولا مداوير =كل يبي ممساه عند حدجاني

تبون منهو ضاري بالمخاسير=نجره ينادي والذبايح سماني

ومن غيرها توجد علوم المناعير=يالم عشاكم والسوالف زياني

يا زين بيته بين في العثامير=ماهوب يبني في الغبا والطماني

مشيد ومرفع للمسايير=ويفرح ليا من شاف من جاه عاني

يا عزتي للي وافقته المقادير=ولا عاد ناجد كود جعله جناني

ليته فداه من الرفاقة مثابير=عشرين والا مثلهم ذا الزماني

ولون موته جا من اي العيايير=قمنا عليه ولا احد بمتواني

مير انها من عند والي التدابير=والموت حق مثل فرض رمضاني

لو النشيد يرد بعض المخاسير=سويت ديوان على ما طراني

وما قيل يكفي عن كثير التعابير=ولا ينفع المضيوم كثر الغواني

ياليت قبره جا جنوب عن البير=ولا صار قبره في ديار قحطاني

ابي اليا مرت عليه المظاهير=يثنى عليه من الجزاء والحساني

لو كان ينثر من دموعي زغاتير=وتنثر على خدود البني الزياني

بعض العرب لا مات لج الدواوير=ولجو لجيج الخلج وسط المباني

وبعض العرب لا مات لاكنه بعير=هرش ضعيف ثاوي فالمكاني

وفرق حديجان بعد خشرم عن النير=وشبره طويل مثل شبر كحلاني

بليهي لا قام شال الطنابير=ويشيل حمل اللي من الحيل واني

عسى السحاب اللي مزونه مزابير=ينثر عليه مبردات التهاني

وعسى صخاه يبعده عن زمهرير=لا منها شمت كفوف اليماني

عساه لا وصله حساب التقارير=ترجح موازينه بطيب المعاني

وصلات ربي عد وبل الشخاتير=على النبي حل باعلى مكاني[/poem]

[frame="10 80"]الشاعر/ شالح بن حمران الشماسات الزكور سبيع ( رحمه الله )

أخوكم........المنتبه[/frame]