كثر الله خير من ناشني خيره
 

أشرف المدح اللي مايكون هدفه المصلحه .. أو اللي يقال عن تجربه ويكون من باب (هل جزاء الإحسان إلا الإحسان)
أذكر إني مدحت مره واحد يستاهل .. وختمت القصيده بالأبيات هذي
[poem=font="Traditional Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
أقولها و أنا ما أحب التهاويل = أقول في اللي يستحق المقالي
ليا مدحت الطيبين المشاكيل = شهودهم قبل الكلام الفعالي
مغير أسجل طيبهم بالتماثيل = مثايل مابعتها بالريالي
أمثال أكرّمها عن القال والقيل = مابي لها مكسب و لا رأس مالي[/poem]

و قاسي بن فهيد الرويبي السبيعي .. أخو عزيز .. وصاحب من الطراز النادر
ماهيب مجامله .. لكن من واقع تجربه

[poem=font="Traditional Arabic,5,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
كثر الله خير من ناشني خيره = لحقني خيره وهو مالحق خيري
صاحب في الناس ماله مثل غيره = وإلا أنا في الناس مثلي مثل غيري
إنتبه لي طيب الأصل والسيره = قبل لا أبدي له علومي وأخابيري
وقام من كيفه برايه وتدبيره = وإحتزم لي بالجهد والدنانيري
لين حرر لازم صعب تحريره = قزره في قطعة أيام تقزيري
لوسكت عني فأنا عنه في حيره =قافل من دون شكواي أزاريري
ولوتعذر كان مالاحقه عيره = ياسع أقرب منه باب المعاذيري
مير ساقه دافع الطيب والغيره = يأخذه للطيب مثل السعاطيري
فزعة في وقتها جت على سيره = جت على الميعاد من غير تأخيري
لاهيب الأولى ولاهيب الأخيره = مثبتين غيرها بالتقاريري
قاسي بن فهيد ماله مثل غيره = غير في بعض القصص والأساطيري[/poem]

رد : كثر الله خير من ناشني خيره
 

[align=center][color=000066][size=5][poem=font="Times New Roman,5,black,normal,normal" bkcolor="transparent" bkimage="backgrounds/29.gif" border="none,4,gray" type=1 line=0 align=center use=ex num="0,black"]
أقولها و أنا ما أحب التهاويـل=أقول في اللي يستحق المقالـي
ليا مدحت الطيبين المشاكيـل=شهودهم قبل الكلام الفعالـي
مغير أسجل طيبهم بالتماثيـل=مثايـل مابعتهـا بالريـالـي
أمثال أكرّمها عن القال والقيل=مابي لها مكسب و لا رأس مالي [/poem]

صح لساااااانك
ويستاهل قاسي بن فهيد الرويبي
والله يديم المحبه بينكم
ودمت على خير
اخو شما[/size][/color][/align]

رد : كثر الله خير من ناشني خيره
 

صح لساااااانك يا حمر عين


قاسي هو اللي يشتغل في القاعده؟



شكرا لك

رد : كثر الله خير من ناشني خيره
 

صح لسانك ياحمر عين وابوفهيد يستاهل


























أبوعمر لاتكشف أسرار ...




ترى بعدين أتفاهم معك .............................. لالالالالالالالالالالالالالالالالالالالالالا خلاص


























لوالله الورطة أثاريك المدير
























معليش طال عمرك الدعوى كلها خطأ مطبعي

رد : كثر الله خير من ناشني خيره
 

[color=003399][size=5][align=center]


حمر عين صح لسااااانك ملايييين

قصيدة جزلة من جزل وابو فهيد يستاهل المدح والله يديم المحبة بين الرفاقة .


اخوك البدر [/align][/size][/color]

رد : كثر الله خير من ناشني خيره
 

[size=3]صح لسانك يا حمر عين....(مع أن الاسم يدل على الشراسه الا أن المعاني رقيقه)..

تسلم على هذه المقاطع الجميله...و أتمنى امتاعنا دائما و عدم المقاطعه...

لم تبيّن ان كان المقطع الأول من ضمن قصيدة مدح في الرويبي أم في شخص غيره..

و الأخ قاسي يستاهل ... و نعم بالجماعه كلهم...

و دمتم..[/size]

رد : كثر الله خير من ناشني خيره
 

صح الله لسااااااااااااانك مليوووووون في مليووون ياااحمــــر عــــــــــــــــــــــــــــــــــــــــــــــين

لاهنت وبيض الله وجهك

ومن يعمل الطيب يستااهل المدح والثناااااااااااء

تحياااااااااااااااااااااااااتي

رد : كثر الله خير من ناشني خيره
 

صح لسانك

وقاسي معروف
ويستاهل الطيب من حصله

لاهنت يالذيب

رد : كثر الله خير من ناشني خيره
 

أخو شما :
مرحبا ومسهلا
صح بدنك

أبوعمر :
مرحبا ومسهلا
الله الله .. قاسي بن فهيد بن قاسي هو اللي يشتغل في القاعده

طويق :
مرحبا ومسهلا .. وصح بدنك


البدر :
مرحبا بك ومسهلا
وصح بدنك

مروّض :
مرحبا ومسهلا
صح بدنك .. ولاعليك زود
حمار العين .. يمكن مهوب شراسه .. يمكن رمد :)
أما بالنسبة للأبيات الأوله فهي في واحد من الزملاء .. إسمه محمد المزيني

smart :
يامرحبا ومسهلا
صح بدنك

المولع :
يامرحبا ومسهلا
صح بدنك
فعلا .. راع الطيب يستاهل

رد : كثر الله خير من ناشني خيره
 

[align=center]صح لسانك ياحمر عين[/align]