قصيدة الشاعر/ياسر التويجري الأخيرة
 

[poem=font="MS Sans Serif,5,black,bold,italic" bkcolor="transparent" bkimage="backgrounds/8.gif" border="ridge,6,chocolate" type=3 line=0 align=center use=ex num="0,black"]
ولدت ساطي ومتغطرس وأحب الخصام=ولا أعترف في إدارة طبع والا مدير
أوجدت نفسي من اللاشي والانعدام=نبذت فالمجتمع لاني صريح وفقير
ماكان تفكيري الا كيف أخطف السنام=والحمد لله خطفت اليوم كل البعير
إن لم يكن مركزي بالصف الاول أمام=ماعاد تفرق معي لو كنت قبل الاخير
الله أكبر ولله البقاء والداوم=وهو الاله الاحدوهو السميع البصير
أخذت من مدرسة أحمد عليه السلام=مالاخذيته من مخاوى وزير وامير
وأخذت من تجربة عبدالعزيز الامام=وش يصنع العلم لاخاواه سيف شطير
واخذت من فلسفة هتلرعدم اللالتزام=وكسبت نفسي وريحت القلق والضمير
وابشرك حالتي دايم على مايرام=من ركعتين الفجر الين بعد الاخير
صحيح عندي تحفظ على بعض الانام=مثل معمر وابو مازن وتوني بلير
لكن انا مااحب اقلل الاحترام=واذهب ضحية طموح الغرب وانا صغير
قومية المسلمين اللي عليها الكلام=راحت معا خالد وعمرو وعلي والزبير
الله ولا ذل والتخوين والانهزام=ياعابدين العروش الوضع جدا خطير
يابو خلف كيف حالك عل حالك تمام=انسى القصيدة وهات علوم اخوي الكبير
شيخ عرفته وتقريبا لي اربع اعوام=يومني اجيه لا جاير ولا مستجير
يشوقني له نشوق الوسم عقب الحيام=في صفرة جوها ماهو بفية هدير
الشيخ ابو خالد محمد عداه الملام=اللي يصير من الاصرارمالايصير
حد الثماله اعزه لاعلي الحرام=اني احبه وحبٍ لودرابه يطير
يطير مثل الوحش لاضف ريشه وحام=وحول على الذايره بالجو مثل المغير
ان الملوك اذا اعطوك حب وغرام=خلوك من سائر الخدام يعني خفير
الا انت ياراعي التقدير والاهتمام=ياللي رحمت الصغير وشلت هم الكسير
اذا البلاط الامير والكنب والرخام=له شاعر يدهله في صبح والا عصير
فانادهلت الثرياوالقمر والغمام=وحولت اداهم طرف مشلحك مالي خشير
كفرت بالناقصه والغدر والانتقام=وامنت باانك حزامي بالنهار العسير
من لايقدر ثباتك مع عكاك الزحام=ماهوبوالله مقدر ويش معاني جرير
يارا س عيطا يمسك البدء قبل الختام=يالنادر اللي على صيد المكارم شهير
يالمهدي المنتظر بالحاجتين الجسام=المدة المسكته والاخذ بيد الضرير
ياسيدي ودي افهق لك ضلوع العظام=واعطيك شي بصدري وانت رجل خبير
اناتراني اعاني نوب من انفصام=يوثرعلى البرمجة في راسي المستدير
واصير احس اني البارود والا الحسام=في ساحة الشعر من تبوك لاقصى عسير
ممايسبب لبعض اعدائي الاحتدام=اللي يحسبون قرض الشعر مثل الشعير
والشعر وان كانه المقصودباول مقام=فالله يرحم ابو الطيب ويرحم زهير
روح التنافس وحب الشيخ والانضمام=ماهي بتعني لدى الكثرة نهاية مصير
والشاعر اللي معه عزوة خوال وعمام=تفداه وايل وترقب مستعدة مطير
والله فلا ينقهروالا يضيق ويضام=لاجاء اللززوالملاقى والقبس والنذير
وجمع الدراهم ماهي باكبر طموح الغلام=اللي جمع من قلوب الناس شي كثير
من حبني رغم تفويتي له الانخدام=واللي كرهني فهذا شخص ملعون صير
دام المعارك صغيره ماعلينا لزام=ينوب عن سيفي البتار اصغرجفير
قرات فيماقراته من بلوغ المرام=اللي ترك شي لله عاضه الله بخير [/poem]

رد : قصيدة الشاعر/ياسر التويجري الأخيرة
 

[align=center][size=5][color=#000000]الفتى المنصور

بيض الله وجهك على نقل القصيده

لك خالص التحيه[/color][/size][/align]

رد : قصيدة الشاعر/ياسر التويجري الأخيرة
 

شكرا أخوي الفتى منصور .......
وياسر شاعر المشلح والريال ،،،
سقط بقصيدته هذه اللي اعتبرها خربشات صبيانية ممزوجة بزعيق لشد الإنتباه

رد : قصيدة الشاعر/ياسر التويجري الأخيرة
 

[size=5][font=Tahoma]رائع يالفتى المتميز
لك تقديري
على ايراد هذه القصيده الجيد[/font][/size]

رد : قصيدة الشاعر/ياسر التويجري الأخيرة
 

[QUOTE=أبــو بنـــدر;84051][align=center][size=5][color=#000000]الفتى المنصور

بيض الله وجهك على نقل القصيده

لك خالص التحيه[/color][/size][/align][/QUOTE]

[align=center]يامرحبا بك يابو بندر أشكرك على مرورك[/align]

رد : قصيدة الشاعر/ياسر التويجري الأخيرة
 

[QUOTE=سـعد;84058]شكرا أخوي الفتى منصور .......
وياسر شاعر المشلح والريال ،،،
سقط بقصيدته هذه اللي اعتبرها خربشات صبيانية ممزوجة بزعيق لشد الإنتباه[/QUOTE]

يا هلا والله بخوي سعد

أما بالنسبة لالشاعر ياسر فحاله كحال الكثير من الشعراء من قديم الزمان حتى عصرنا هذا

وأما بالنسبة لقصائده عموماً ففعلاً يكون فيها تصنّع زائد وإنفعالات مصطنعة لشد الإنتباه

رد : قصيدة الشاعر/ياسر التويجري الأخيرة
 

[QUOTE=ماجد الماجد;84069][size=5][font=Tahoma]رائع يالفتى المتميز
لك تقديري
على ايراد هذه القصيده الجيد[/font][/size][/QUOTE]

[align=center]ياهلا والله بخوي الماجد وأشكرك الف شكر على حضورك الرائع[/align]

رد : قصيدة الشاعر/ياسر التويجري الأخيرة
 

[size=6]بيض الله وجهك اخي الفتى منصور على هذه القصيده الجميله[/size]

رد : قصيدة الشاعر/ياسر التويجري الأخيرة
 

[color=#0033FF][font=Arial Black][font=Arial][size=3][align=center]تسلم اخوي الفتى على النقل
ونا رائي مثل رائ اخوي سعد
ياسر شاعر المشلح والريال

تحيتي لك[/align][/size][/font][/font][/color]

رد : قصيدة الشاعر/ياسر التويجري الأخيرة
 

ولدت ساطي ومتغطرس وأحب الخصـام
ولا أعتـرف فـي إدارة طبـع والا مـديـر



اشهد لله انه شاعر