مالها داعي
 

أجامل وجـيـه مــن البـشـر مالـهـا داعــي
وجيـهٍ عـلـى درب الـوفــىٰ قـــلّ داعـيـهـا
لـعـبـي زمـانــي لـعـبـة الـذيــب والـراعــي
عــلــى قــولــة الأول يـبـيـهـا ويـخـطـيـهـا
تـعـبـنـا نـــــروض وقـتــنــا غـير مـاطـاعـي
ودنـيــاء تـقـلـب مـــن طـردهــا عـجــز فـيـهـا
صـفت للحصيني يوم ذيب الخلاء جاعي
وغـنـت بـهـا البـومـه والأخـــرى تلاحـيـهـا
تلآحـآ بـرأس الرجـم والحـر فــى القـاعـي
تـطـاوىٰ فــروخــه مـالـقــت من يعـشـيـهـا
حـدتني ظـروفــي والله فـجـوجــه وســاعــي
عـلــى سـالـفـة جـــاء بيتـكـحـل فيعـمـيـهـا
وأنـا أعـوذ مـن كلمـة أنـا ماأرخـي ذراعـي
ولاأسـوق رجلـي قبـل مـاأعـرف مواطيـهـا
ولاهـــز قـلـبـي كـــل مـــن تـلـبـس قـنـاعـي
للأجـنـاس فــرق ولــو تشـابـه بـ أساميـهـا
سوا الجـادل اللـي لاعـت القلـب وألتاعـي
هنـوفٍ وربـــي بـآئــة الـحـسـن كاسـيـهـا
شحـوحٍ بهرجتـهـا عـلـى كــل سـمـاعـي
ولاكــثـــرت بــيـــن الـخــلايــق تـخـطّيها
وبنـت الـشيوخ الـلـي لـهـم بالـوفـأ بـاعـي
تـرى غيـرهـا مــن جمـلـة البـيـض مابيـهـا

فايز بن محمد

رد: مالها داعي
 

صح لسااااااانك ودام نبض قلمك

رائعة يا ابو محمد