أول مشاركه
 

السلام عليكم ورحمة الله وبركاته
هذي أول مشاركة لي معكم

كنا نتجمع في الرياض في إستراحه اللي يفضي يجي فيها
منا سبعان وعتبان ومن قبايل ثانية .. ندور السوالف الطيبه والقصيد
المهم جا واحد من أخويانا عتيبي ولالقا في الإستراحه أحد .. كان وقت إجازة وكل طاق لديرته
فقال :

لا والله إلا صار في الناس ماصار === وخلى المراجل محتمين التوالي
ماعاد تلقى في البلد شبة النار === أقفت ظعون البدو شرق وشمالي
أحد حدر وأحد سند لأم عمار === وأنا أتصكك فالبديعه لحالي
وأحد لقى عند الرعابيب خمار === يبا يريّع لين يرو الثمالي
وأحد على مر أريش العين صبار === في خاطره مثل القراح الزلالي
يضحك علاه بلعبة القطو والفار === وإن ضاق قال إش زعلك ياحلالي
البارحه ماأمسيت والفكر محتار === صكت علي هموم سود الليالي
وسريت أدور صحبة تدهل الغار === ونشدت نفسي وش بلا الغار خالي
وأبطيت جالس لين وكّدت الأسفار === وردد لي الغار المعنى سوالي
أيامنا لادحدرت يم محدار === وشلون نرقى فوق شم الجبالي؟
عزاه ياخوة طويلين الأشبار === عزاه ياخوة زحول الرجالي
عزاه ياخوة هل الكيف والكار === اللي يشيلون الحمول الثقالي
لاجيت تبغى لك منادم وسمار === لهم يعرض بك على كل جالي
تلقى السوالف والسعد عند الأخيار === وهيل يلقم في عذي الدلالي
ماهيب خوة راعي الطبل والطار === واللي يهز الرأس لأم العيالي
درب النشامى مايعوّد للأغوار === دام الرشا من فوق حدب المحالي
ذولاك ربعي لو نحو يم سنجار === مانيب ناسٍ طيبين السبالي
أمشي لربعي من بعيدات الأمصار === لوتبعد الأيام غالي وغالي
أمشي لهم ماهمني كثر الأخطار === ولاهمني ماراح من رأس مالي
لأن الصداقه ماتثمّن بالأسعار === ربي رفعها عن جنيه وريالي


ويوم رجعت عقب شهر .. لقيت القصيده ورديت..

خط لفاني عقبه الفكر محتار === تشوّشت منه الصور في خيالي
جتني هواجيسي من يمين ويسار === وإحترت معها بين روحي..تعالي
عقب قريت الخط وأسلوبه الحار === مدري صحيح العلم..وإلا تسالي
عساك سالم ياأبيض الوجه ومجار === الله يجيرك من صروف الليالي
لاتتهم الدنيا على حروة الخار === لوشفتها تعطيك زين القبالي
كم خربت ملك..وكم هدّمت دار === وكم فرّقت مابين غالي وغالي
وركدت عقب أخذت من صبح لعصار === وأنا على هاللون ما إرتاح بالي
ورجعت أعيد الخط تكرار ومرار === وأقول جعل الشر ماله مجالي
يجوز ضيقة خاطر مالها آثار === الناس والضيقات ياهملالي
لوتنشد أهل الديره صغار وكبار === ياقل من تلقاه داله وسالي
وإن كان حسّك ياحسن حبس الأحرار === ترى الهوى أقوى مرهفات السلالي
كان الهوى خذهم قبل سابق إنذار === قدّامهم خذ أبو زيد الهلالي
خطو الولد يامال قصّاف الأعمار === قلبه مشرّف فوق جرف هيالي
وسّع بطانك لايبيحن الأسرار === خلك على صكات بقعا شمالي
وإن كان عندك غار هذا خبر غار === أبشر بسعدك يازبون التوالي
بنخى بني صامل وبنخى بني ثار === وإبنتخي بعيال عمي وخالي
حنا بطوعك والله النافع الضار === ياقوة الله ..ياعزيز الجلالي
اللي يجي بالمال يبشر بدينار === وبالسيف يبشر..من يريد القتالي
أنا معك مانيب أدوّر للأعذار === والله ماترجع تدوّر بدالي
وختامها مالاح نجم بالأنوار === إقبل سلامي في نهاية مقالي

ملاحظه :
1) يوم رديت ماكانت القصيده الأصل معي (كانت في الإستراحه) ولهذا تكررت بعض القوافي
2) ذكرت الصمله وبني ثور للضرورة الشعريه (هي اللي تركب في البيت) وإلا السبعان كلهم خير وبركه

عساها تجوز لكم

حمر عين

الف الف شكر لك على قصيدة العتيبي ونقلها لنا وصح لسان العتيبي عليها

وبيض الله وجهك على الرد الوافي والجزل يا ذيبان

ومن ذكر من سبيع فهو يعم سبيع ووجهك ابيض ولا قصرت يا الذيب

وتقبل تحيات اخوك بن جراح

[COLOR=blue][SIZE=4][ALIGN=CENTER][B]صح لسانك اخوي حمر عين وبيض الله وجهك على الرد الجزل اللي من راس الجزل

تحياتي لك واسمحلي بتنسيق القصيده [/B][/ALIGN][/SIZE][/COLOR]

[SIZE=3][ALIGN=CENTER]قصيده العتيبي [/ALIGN][/SIZE]


[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="double,4,gray" type=0 line=200% align=center use=ex length=0 char="" num="0,black" filter=""]
لا والله إلا صار في الناس ماصار = وخلى المراجل محتمين التوالي
ماعاد تلقى في البلد شبة النار = أقفت ظعون البدو شرق وشمالي
أحد حدر وأحد سند لأم عمار = وأنا أتصكك فالبديعه لحالي
وأحد لقى عند الرعابيب خمار = يبا يريّع لين يرو الثمالي
وأحد على مر أريش العين صبار = في خاطره مثل القراح الزلالي
يضحك علاه بلعبة القطو والفار = وإن ضاق قال إش زعلك ياحلالي
البارحه ماأمسيت والفكر محتار = صكت علي هموم سود الليالي
وسريت أدور صحبة تدهل الغار = ونشدت نفسي وش بلا الغار خالي
وأبطيت جالس لين وكّدت الأسفار = وردد لي الغار المعنى سوالي
أيامنا لادحدرت يم محدار = وشلون نرقى فوق شم الجبالي؟
عزاه ياخوة طويلين الأشبار = عزاه ياخوة زحول الرجالي
عزاه ياخوة هل الكيف والكار = اللي يشيلون الحمول الثقالي
لاجيت تبغى لك منادم وسمار =لهم يعرض بك على كل جالي
تلقى السوالف والسعد عند الأخيار = وهيل يلقم في عذي الدلالي
ماهيب خوة راعي الطبل والطار = واللي يهز الرأس لأم العيالي
درب النشامى مايعوّد للأغوار = دام الرشا من فوق حدب المحالي
ذولاك ربعي لو نحو يم سنجار = مانيب ناسٍ طيبين السبالي
أمشي لربعي من بعيدات الأمصار = لوتبعد الأيام غالي وغالي
أمشي لهم ماهمني كثر الأخطار = ولاهمني ماراح من رأس مالي
لأن الصداقه ماتثمّن بالأسعار = ربي رفعها عن جنيه وريالي

[/poet]




[SIZE=3][ALIGN=CENTER][B]قصيدة حمر عين[/B][/ALIGN][/SIZE]


[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,gray" type=0 line=200% align=center use=ex length=0 char="" num="0,black" filter=""]
خط لفاني عقبه الفكر محتار = تشوّشت منه الصور في خيالي
جتني هواجيسي من يمين ويسار = وإحترت معها بين روحي..تعالي
عقب قريت الخط وأسلوبه الحار = مدري صحيح العلم..وإلا تسالي
عساك سالم ياأبيض الوجه ومجار = الله يجيرك من صروف الليالي
لاتتهم الدنيا على حروة الخار = لوشفتها تعطيك زين القبالي
كم خربت ملك..وكم هدّمت دار = وكم فرّقت مابين غالي وغالي
وركدت عقب أخذت من صبح لعصار = وأنا على هاللون ما إرتاح بالي
ورجعت أعيد الخط تكرار ومرار = وأقول جعل الشر ماله مجالي
يجوز ضيقة خاطر مالها آثار = الناس والضيقات ياهملالي
لوتنشد أهل الديره صغار وكبار = ياقل من تلقاه داله وسالي
وإن كان حسّك ياحسن حبس الأحرار = ترى الهوى أقوى مرهفات السلالي
كان الهوى خذهم قبل سابق إنذار = قدّامهم خذ أبو زيد الهلالي
خطو الولد يامال قصّاف الأعمار = قلبه مشرّف فوق جرف هيالي
وسّع بطانك لايبيحن الأسرار = خلك على صكات بقعا شمالي
وإن كان عندك غار هذا خبر غار = أبشر بسعدك يازبون التوالي
بنخى بني صامل وبنخى بني ثار = وإبنتخي بعيال عمي وخالي
حنا بطوعك والله النافع الضار = ياقوة الله ..ياعزيز الجلالي
اللي يجي بالمال يبشر بدينار = وبالسيف يبشر..من يريد القتالي
أنا معك مانيب أدوّر للأعذار = والله ماترجع تدوّر بدالي
وختامها مالاح نجم بالأنوار = إقبل سلامي في نهاية مقالي


[/poet]

صح لساااااااااااااااااااانك العتيبي

وصح لساااااااااااااااااانك ياحمر عين

ولك مني كل الشكر والتقدير لامتاعنا بهذه القصايد

الجزله التي تعبر عن خوة طيبين الرجال مثلكم وشرواكم



ابو فهد

حمر عين

صح لسانك يالذيب وبيض الله وجهك عزالله انك كفيت وفيت وصح لسان الشاعر العتيبي

ونرحب فيك في منتدى سبيع وننتظر مشاركاتك




اخوك البدر

صح لسانك على القصيدة ونحن بانتظار مثل هذه القصايد الجزلة من أعضاء المنتدى

*****************متى الحلقة القادمة ياحمر عين***************

بيض الله وجهك ياحمر عين على القصيدة الرد الجزل

وبيض الله وجه العتيبي على قصيدته الرائعه


تقبل تحياتي

[FONT=System][SIZE=4][ALIGN=CENTER]صح الله لسااااااااانك ولسااااااااااان خووويك ياحمر عين


ملااااااااييييييييين الملياااااااااااراااااااااات

على هذي الروووووووااااااااااااااااائع


تحيااتي لك[/ALIGN][/SIZE][/FONT]

حمر عين


كل الشكر على هالصوت والصدى الرائعين


وصح لسان خويك العتيبي

وصح لسانك ملاييييييييييين

والقصيده وافيه ومن راس وافي

رد: أول مشاركه
 

[size=6][align=center]صح لسانك وصح لسان العتيبي[/align][/size]