قصيدة الشاعر فيصل بن فراج بن دهيمان المشاركه في حملة دعم الفرعون
 

[align=center][size=6][color=#00008B]السلام عليكم ورحمة الله وبركاته


هذه قصيدة اخوي الشاعر فيصل بن فراج بن دهيمان


التي كان من المفترض المشاركه بها في الحفل

ولكن حالت الظروف بسبب تعذر اللجنه من ضيق الوقت واللي استغربنا انها اليوم كررت بعض الشعراء

الذين شاركوا بالأمس!!!!!!!


عموماً المشاركه كانت موجهه لناصر والقصيده وصلت لناصر


وهذا مايهم الشاعر


هذه القصيده


[size=5][poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
حي من لا سل سيفه من جفيره=يبرد الكبد الشفاويه شهيره

وحي من لا راح يفقد لين يرجع=ولارجع يفرح بمرجاعه قصيره

أشهد إن قولة فلان ونعم عسره=وأشهد إن جمايل الطيب ذخيره

ما يحوز كنوز قدر المجد ألا=واحدٍ تشوفه العين الضريره

مير دغي فالغبب يا هجس فكري=صاحبك راع المهمات الخطيره

راعي الابل مولعٍ في كل نيفا=وكل صقارٍ يحب فعول طيره

أشكر الداعم لمن مثل وطنا=وأحمد اللي عز ديره دون ديره

شاعرن جيت آتفاخر وآتنومس=وآتحفا وأدعو الله وأستخيره

فز يا تاريخ وإحفظ ما تعاصر=أبو فارس نابغة شبه الجزيره

كون شعره مختلف عن كل مبدع=يعني ناصر غير قاصر دون غيره

يدهش المسمع ويربش كل مجمع=يكفي إنه لا وقف يسوى عشيره

ويكفي إنه طويق وإن نجدٍ عيونه=ويكفي إنه فالدجى ينطق سفيره

شاعر يمثل وطن ويعد بدعه=من ثمر لأفكار ما هوب مستعيره

لا صهل في شاطي الراحه تزلزل=ما على وجه الرداح المستديره

حتى لو ما ياخذ المليون درهم=ذاع صيته وأشتهر في كل ديره

يكسب المليون مليونين شاهد=بإشتراكه علها يالله خيره

راية التوحيد تعنينا جميعا=والذي نرجيه عفوه والستيره

إن شعب المملكه في صف واحد=كل واحد يعتبر منهم سفيره

وإن حبك يا وطنا في دمانا=وأن الأنفس لم تجد فالأمر حيره

ما بعد محبة الله ورسوله=ألا حبٍ فيه شوق وفيه غيره

إنتننفس من هواه اليا تنسنس=وانتمنع في شهيقه عن زفيره

الوطن ثم الوطن ثم الوطن ثم=المواطن لا زهم كلن شويره

والسعودي فالوغا لامن تعزوى=أخو من طاع الله يرد المغيره
[/poem][/size]




الشاعر : فيصل بن فراج بن دهيمان




مع تحيات اخوكم


تركي بن دهيمان[/color][/size][/align]

رد : قصيدة الشاعر فيصل بن فراج بن دهيمان المشاركه في حملة دعم الفرعون
 

[B][size=4][align=center]أخي الكريم / تركي بن فراج بن دهيمان السلام عليكم ورحمة الله وبركاته وبعد : شكرا جزيلا لك وللشاعر / فيصل بن فراج بن دهيمان على هذه القصيدة الجزلة المعبرة ولا يأتي الجزل إلا من جزل فصح لسان الشاعر وسلم نبضه وبنانه والحمد لله أنها بلغت المقصود بوصولها إلى شاعر الوطن / ناصر بن محمد بن فارس الفراعنة السبيعي مع أطيب الأمنيات واسلم وسلم والسلام .

فز يا تاريخ وإحفظ ما تعاصر
= أبو فارس نابغة شبه الجزيره

كون شعره مختلف عن كل مبدع
= يعني ناصر غير قاصر دون غيره

يدهش المسمع ويربش كل مجمع
= يكفي إنه لا وقف يسوى عشيره

ويكفي إنه طويق وإن نجدٍ عيونه
= ويكفي إنه فالدجى ينطق سفيره

شاعر يمثل وطن ويعد بدعه
= من ثمر لأفكار ما هوب مستعيره [/align][/size][/B]

رد : قصيدة الشاعر فيصل بن فراج بن دهيمان المشاركه في حملة دعم الفرعون
 

[align=center][size=5][font=Arial Black]بيض الله وجهك ووجه
وصح لسانه
عزالله انها قصيدة جزلة
وابوفراج جعله يسلم مايقدم الا الجزل
وانا من من استمعوا له سابقاً وانطربوا
لشعره تقبل مداخلتي ومروري ولاتحرمنا جديده اخوك[/font][/size][/align]

رد : قصيدة الشاعر فيصل بن فراج بن دهيمان المشاركه في حملة دعم الفرعون
 

ابن دهيمان بيض الله وجهك على القصيدة الجزلة , ولاهي غريبة على (( اخوان قوت)) الحمياء والفزعة لبني عمهم. وشاعر الثقلين ابو فارس يستاهل وعسى الله يوفقة.



أخوك: محمد بن سلطان بن كليب الجفيران

رد : قصيدة الشاعر فيصل بن فراج بن دهيمان المشاركه في حملة دعم الفرعون
 

[align=center][size=5][color=#00008B]خيال الغلباء

وعليكم السلام ورحمة الله وبركاته

ولا عليك زود طال عمرك

شاكر حسن ردك

-------------------------------------------

الراس

ووجهك ياكحيلان


وماعليك زود

وابشر بالخير ان شاء الله اني انزل قصائد صوتيه له

وشاكر مرورك

------------------------------------------

محمد الجفيران


ووجهك ياذيبان

وماعليك زود

ازدان الموضوع بمرورك يابو سلطان

-----------------------------------------

شاكر مرور الجميع


تحياتي


اخوكم

تركي بن دهيمان[/color][/size][/align]