منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتدى الشعر الشعبي والنبطي ( شعراء الشبكة ) (https://www.sobe3.com/vb/forumdisplay.php?f=7)
-   -   ( الرفقة ) قصيدة للشاعر / عايض بن فرزان السبيعي (https://www.sobe3.com/vb/showthread.php?t=43950)

عاشق الباديه 04 - 02 - 2010 19:22

( الرفقة ) قصيدة للشاعر / عايض بن فرزان السبيعي
 
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عسا الرفقة اللي ما يجي من وراها خير=تقطع حبال الوصل عنها من آخرها
لا صارت هزيلة لا محبة ولا تقدير=وش أبغي بها لا رحم أبو من يقدرها
أنا بعتها وأقفيت واللي يصير يصير=وخيل الجفا مني وطتها حوافرها
بعد ما تحطم جسرها اللي عليه نسير=وش اللي بعد باقي على شان أوفرها
نويت ابتعد عنها عساها ذلوف الطير=والأرزاق عند اللي لخلقه ميسرها
أنا كم زرعت البر فيها واحصد شعير=جفتني وأنا معذور لا صرت هاجرها
عن الخير دايم رفقة الشر في تأخير=عرفنا النوايا المغرضة من بوادرها
ولولاي دايم ضد الإرهاب والتفجير=لألغم جميع دروبها ثم أفجرها
ولا عاد عندي لا مجامل ولا تستير=وغرقت من أمواج القطيعة بواخرها
بعد ما دخل فيها سفيه وثعل وجعير=دخلها الخراب اللي من الساس ناخرها
دخلها البلاء اللي حير الطب والتخدير=وأنا كنت أصد ولآخر الوقت ذاخرها
أنا وش لزومي في هل النقص والتقصير=وأنا ليش أجامل كن ماني بخابرها
هل الظلم والبهتان والكذب والتزوير=ضعاف النفوس اللي وساعاً حناجرها
كلاب النفاق اللي لها دايماً هرير=وريح النمامة ما يفارق مناخرها
حثالة بشر مثل البشر والطبايع غير=مع الناس الأحياء كنها في مقابرها
هلايم رجالاً لا مروة ولا تدبير=شياطين بعض الناس تعمي بصايرها

[/poem]

[SIZE=4][COLOR=purple][B]الشاعر / عايض بن فرزان السبيعي[/B][/COLOR][/SIZE]

عبدالله الحضبي 04 - 02 - 2010 23:54

رد: ( الرفقة ) قصيدة للشاعر / عايض بن فرزان السبيعي
 
[SIZE=5][COLOR=indigo][U][B]قصيده رائعه لشاعر مبدع [/B][/U][/COLOR][/SIZE]
[SIZE=5][COLOR=indigo][U][B]شكرا لك أخي على عرض هذه القصيده الرائعه[/B][/U][/COLOR][/SIZE]

عاشق الباديه 23 - 02 - 2010 14:33

رد: ( الرفقة ) قصيدة للشاعر / عايض بن فرزان السبيعي
 
[quote=تين;289727][SIZE=5][COLOR=indigo][U][B]قصيده رائعه لشاعر مبدع [/B][/U][/COLOR][/SIZE]
[SIZE=5][COLOR=indigo][U][B]شكرا لك أخي على عرض هذه القصيده الرائعه[/B][/U][/COLOR][/SIZE][/quote]
[SIZE=5][COLOR=black] [/COLOR][/SIZE]
[SIZE=5][COLOR=black]العفو ولا شكر على واجب ..[/COLOR][/SIZE]
[SIZE=5][COLOR=black]وأشكرك على مرورك ولا هنت ..[/COLOR][/SIZE]

أبـــو ســعــود 23 - 02 - 2010 17:44

رد: ( الرفقة ) قصيدة للشاعر / عايض بن فرزان السبيعي
 
[SIZE="7"][frame="1 60"]عودتنا ياعاشق الباديه على قصائد المبدع ابو فرزان الجيده التي ترتقي بمستوى الشعر إلى منابر العلا وهذا أن دل فأنه يدل على شاعريته الفذه وموهوبته اللا محدوده في الشعر وأقتباس المعاني التي تضفي على القصيده جو يستمتع به قاري القصيده أما بالنسبة للقصيده فعزالله صدقت فأن بعض الرفقه مايجي من وراها خير وخاصه رفقة بعض البشر وصحيح الهلايم والحثاله واجد في هالزمن وونرجو المزيد من قصائد شاعر الجهوم أبو فرزان وفق الله الجميع لما يحب ويرضا .[/frame][/SIZE]

عاشق الباديه 05 - 11 - 2010 14:35

رد: ( الرفقة ) قصيدة للشاعر / عايض بن فرزان السبيعي
 
[FONT=Book Antiqua][SIZE=5][COLOR=black] اشكرك ياخي ابو سعود على تعليقك الرائع وهذا من طيبك وحسن ذوقك[/COLOR][/SIZE][/FONT]
[FONT=Book Antiqua][SIZE=5][COLOR=black]وان شاء الله احاول نقل النادر والمفيد[/COLOR][/SIZE][/FONT]

راعـي الـشـاص 05 - 11 - 2010 18:02

رد: ( الرفقة ) قصيدة للشاعر / عايض بن فرزان السبيعي
 
صح لسانك

ابومشاري الجهمي 09 - 04 - 2011 00:49

رد: ( الرفقة ) قصيدة للشاعر / عايض بن فرزان السبيعي
 
[CENTER][COLOR=black][FONT=Simplified Arabic][B]هل الظلم والبهتان والكـذب والتزويـر،،،،،،،،،،، ضعاف النفوس اللي وساعاً حناجرهـا[/B][/FONT][/COLOR][/CENTER]

[CENTER][COLOR=black][FONT=Simplified Arabic][B][SIZE=4]صح لسانك ياابو فرزان جزل وشعرأ اجزل معودنا دايمن على مثل هذا النوادر من الالماس[/SIZE][/B][/FONT][/COLOR][/CENTER]

اللفيـاني 09 - 04 - 2011 07:02

رد: ( الرفقة ) قصيدة للشاعر / عايض بن فرزان السبيعي
 
[SIZE="4"][COLOR="Black"]صح لسانك واشهد انك جبتها

وافي يابوفرزان

[/COLOR][/SIZE]

الموت الحمر 27 - 06 - 2011 12:57

رد: ( الرفقة ) قصيدة للشاعر / عايض بن فرزان السبيعي
 
[SIZE="6"][COLOR="DarkGreen"]كـــلاب الـنـفـاق الـلــي لـهــا دايـمــاً هــريــر وريــــح الـنـمـامـة مــــا يــفــارق مـنـاخـرهــا

وريح النمامة مايفارق مناخرها
صح لسان الشاعر وصف ولا اجمل [/COLOR][/SIZE]

عاشق الباديه 29 - 06 - 2011 11:30

رد: ( الرفقة ) قصيدة للشاعر / عايض بن فرزان السبيعي
 
[FONT=Century Gothic][SIZE=4][COLOR=indigo]اشكرك ياخي الموت الحمرعلى مرورك ولو ما احد يحب الموت الحمرهههههههههههههههههه[/COLOR][/SIZE][/FONT]


الساعة الآن 03:25.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها