من قصائد المقناص
 

[size=5][align=center]بسم الله الرحمن الرحيم

يا زين شبة نارنا بالغداري للشاعر الكبير / بدر الحويفي الحربي

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإن الــشــاعـــر الـكــبــيــر / بـــدر بـــن عـــواد الحـويـفـي الحربي شـاعـر متمـكـن وقــوي وصـقــار لـه أسلوبـه الـقـوي فــي التعبـيـر وكـل قصيـدة مـن قصائـد الحويفي تــرى فيهـا الجزالـة وكـل بيـت مـن بـيـوته جزل بجزالة شاعره ومن ذلك قوله :

[poem=font="Traditional Arabic,7,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يـا مـل قـلـبٍ دق بــه كــل طــاري = طــواريٍ بأقـصـى الضمـايـر تـتـلـه

وشفـقٍ علـى شـوف الفضـاء والبـراري = لا صـار مـعـه مشـبـبٍ مسـنـدٍ لــه

خطـو أبلـجٍ لملاقـف الصـيـد ضــاري = جـدع الضريبـة بالسـهـم عــادةٍ لــه

قــرم بوجـهـه للـمـروه شـــواري= رايــه سـديـد وكـــل دربٍ يـدلــه

مـا هـو حضيـبـيٍ مـزاجـه تـجــاري= لـيـا عـقـدت الــراي عــوّد يفـلـه

أول نـهـارك يعجـبـك مـانـت بــداري= مــار الـبـلا تـالـي نـهـارك تمـلـه

أبـمـدح الطـيـب ولانـــي مـــداري = والــلاش لا خـايـف ولا حـاسـبٍ لــه

الـفـرق بالـلـي ياصـلـون المـحـاري= وإلا الــردي شـرهـات مثـلـي تـزلـه

أبــي خــويٍ ضـاريـس بالمـسـاري= مـا هـو مهـيـنٍ يـرقـد اللـيـل كـلـه

ومعـنـا قطـامـيٍ يصـيـد الـحـبـاري =لحّـاق لا كـوبـر لــه الـخـرب شـلـه

خطـو أشقـرٍ جثـل مـن الريـش عـاري =أفـجـح مخاليـبـه ســوات الأهـلــه

بــه دق ريــشٍ مـثـل دق الـخـزاري = مـهــدف ورا منـاكـبـه مسـتـقـلـه

منخـر وبـوز وفـيـه عــدة مــواري = يحتـار بـه راع النـظـر لا فـطـن لــه

مـا هـو بكـفـاخ ٍ طـفـوقٍ ازعـــاري= طلعـه حقـاق إن شافهـن ساوقـن لــه

لا شـافـهـن مـتـطـاولات الـمــذاري =عقّـد وحــق الطـلـع والسـيـر تـلـه

ويّحـول اللـي طـار منـهـن إجـبـاري= ذبـاح للـي يـوم هــد اسـجـدن لــه

يا زيـن طلـعـه بالضـحـى والعـصـاري =لا مـن خشنـات الغـلـب خيـشـن لــه

هــذيــك هي مـنـوتــي واخـتـيــاري =لـو كـل مـن يطلـب لــزوم يحصـلـه

ولـو إن حظـي مـع مـزاجـي يـبـاري= سجلـت لـه صفـحـة وفــاء بالمجـلـه

مالـي هـدف بالسـوق بايـع وشــاري= قلبـي ذعـاذيـع الـهـواء ولـعـةٍ لــه

أنـا غرامـي مـع فـجـوج الصـحـاري= وشـوف الـرجـوم النايـفـات المطـلـه

لا شـفـت بالريـضـان نـقـع وخـبـاري= راح الـزعـل والبـسـط حــل بمحـلـه

بـأرضٍ بهـا لصـيـد عيـنـه وأثــاري =فيهـا القطـا تلـقـى فـروعـه محـلـه

مهـامـل تــردم شجـرهـا الــذواري= نبـنـي لـنـا فيـهـا ونـاسـه وفـلـه

يـا زيـن شـبـة نـارنــا بـالـغـداري =والكيـف أبـو صالـح جلـس وارتجـلـه

والمـاء مفـوح فـي نظـيـف الـغـواري= وصفـرٍ يجاذبهـن عـلـى جــال مـلـه

وصاحـب لهـن تقـول مـاخـذ حــذاري =وفنجالهـن يجلـى عــن الكـبـد عـلـه

واللـي علـى مثلـي مـن الـنـاس زاري =لا سامع قـولـه ولا مـصـغـيٍ لـــه

وأفـخـر بحـبـي لصـقـارة وأمــاري= ورزقي على اللي كون الكون كله[/poem]

منقول وأنتم سالمون وغانمون والسلام .[/align][/size]

رد : يازين شبة نارنا بالغداري
 

[align=center] بسم الله الرحمن الرحيم
وين اهل المقانيص قال الشاعر السبيعي[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الجمس جاهز والسلوقي جريمه= لاشافن المحفار والطير ركبن

كن السلوقي لاجحرت فالخريمه =عبد طروب فالحفل لابسه جن [/poem]

رد : يازين شبة نارنا بالغداري
 

[align=center][size=5][color=#008080]شكراً جزيلاً لك أخي مخايل الغربي

على نقل راائعه من رواائع الشاعر الكبير بدر الحويفي

تقبل شكري وتقديري[/color][/size][/align]

رد : يازين شبة نارنا بالغداري
 

[color=#990000][B][align=center]نقل اكثر من رائع

تحياتي لك[/align][/B][/color]

رد : يازين شبة نارنا بالغداري
 

[align=center][size=5]بيض الله وجهك .. ويعطيك العاااافيه
نقل أكثر من راااااااااائع ..
لاهنت ,,,,[/size][/align]

رد : يازين شبة نارنا بالغداري
 

[align=center]بسم الله الرحمن الرحيم

الاخوة الافاضل ابوبندر والفتى منصور ومورد الهايب السلام عليكم ورحمة الله وبركاته وبعد اشكركم على المرور وانتم سالمين وغانمين والسلام [/align]

رد : يازين شبة نارنا بالغداري
 

[align=center][color=#0000FF]بيض الله وجهك اخي مخايل الغربي وتميزك الدائم


وصح لسان الشاعر بـــدر الحربي [/color][/align]

رد : يازين شبة نارنا بالغداري
 

[align=center]بسم الله الرحمن الرحيم

المكرم الاخ العزيز التوم السلام عليكم ورحمة الله وبركاته وبعد اشكرك على المرور وبيض الله وجهك وانت سالم وغانم والسلام[/align]

رد : يازين شبة نارنا بالغداري
 

[size=5][align=center]بسم الله الرحمن الرحيم

قال : الشاعر الكبير / بدر بن عواد الحويفي الحربي في المقناص :

[poem=font="Traditional Arabic,7,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أنا على المقنـاص قلبـي يرفـي= فترة ونرجع يـم أهلنـا مناكيـف
بديـار لفـروق الحبـارى تلفـي= جنوب من حزم الجلاميد وطريـف
الطير هو غايـة غرامـي وشفـي= أقـدره تقديـر الأجـواد للضيـف
من كبر قدره حاملـه فـوق كفـي= وأرعاه تسع شهور بالقيظ والصيف
وأدهلـه لا شفـت ريشـه مصفـي= على الدعو وأخفف النسر تخفيـف
نقلـه يشرفنـي وشوفـه يكـفـي= عن شوف ناس ما تعرف المعاريف
لا شفـت لـي نـو بروقـه ترفـي= نويت أجهـز موتـري للتكاليـف
القيـظ كلـه جـالـسٍ ومتعـفـي= وبرد المكيف نشف الـدم تنشيـف
متى سمـوم القيـظ عنـا تقفـي= وسهيل قبل يعمد الفجر قد شيـف
والنـار يصلـح شبهـا للتـدفـي= والبرد نوجس من نسيمه هفاهيـف
وقمنـا لعزبتنـا نشيـل ونضفـي= ونكمل الناقص ونمـلا المطاريـف
واللي نشيل مـن اللـوازم مكفـي= ومكتفين العفـش بالحبـل تكتيـف
ويمكن إليا جينـا البقالـة نوفـي= حاجات نشريها كمالـة مصاريـف
والصبح من حـزم أبرقيـه مقفـي= صوب المعظم والهضاب المقنايـف
بديار جعل أشجارهـا مـا تجفـي= تعلهـا غـر المـزون المراديـف
في رفقة اللي نارهـم مـا تطفـي= على الشرف والجود ربع مواليـف
مجلاس طلقين الشـوارب بصفـي= على الدلال اللي بهن ساخن الكيف
خويهم مـا أوجـس كـلامٍ يحفـي= غير المزوح الطيبـة والسواليـف
عقـال وزن عقولهـم مـا يخفـي= ولا هم على الفاضي خفاف وملاقيف[/poem]

وهذه قصيدة الشاعر الكبير / شبيب بن عرار النعيمي في المقناص وكما قال المثل ( كلن يغني على ليلاه ) خصوصا بعد هبوب البراد :

[poem=font="Traditional Arabic,7,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا أهل الطيـور مبعديـن المراويـح= ياللـي لكـم فالبـر والصيـد راده
سهيـل بيّـن وأرزمـن المراويـح= والنود عقب القيض ذعـذع بـراده
والجو زان وزان وقـت المساريـح= وكل (ن) يجهـز يانشـامـا عـتـاده
من فوق مايدنـي بعيـد المشاويـح= طرزه جديد ومركب أهـل السيـاده
من مصنعه صمم لبوج الصحاصيـح= ومن مصدره صدر ومعـه اعتمـاده
شفي اليا انحـن النجـوم المدابيـح= اليـا اهتنـى للنـوم راس الربـاده
تله على خط (ن) تعاوى بـه الريـح= مسراه طـول اللـيل مامـن هـواده
ينصى الفياض اللي بها زايف الشيح= قفر (ن) عليها الوسـم هـل القـلاده
فيها الزهر يلعب معا الريح ويريـح= والورق تسجع فوق غصـن الكـداده
والربد فيهـا ممسيـات ومصابيـح= تـدارجـن بشعابـهـا والحـمـاده
ومعنا الحرار الصارمات المشافيـح= اللي لهن صيـد المخاريـش عـاده
كل اشقر (ن) بالفعـل كنـه شلويـح= عوق العنيـد اللـي تزايـد عنـاده
أشقر نحر ماخذ مـن الثلـج تلميـح= كن البياض بقحف راسـه ضمـاده
صافي ظهر وموضح الريش توضيح= لون البـرد لونـه ويكشـف زيـاده
طوله بعرضـه والمناكـب مشابيـح= متقلـط الثنـداه كنـهـا الـوسـاده
ومنسر جليل (ن) والمناسم مطافيـح= وعين (ن) بها جمر (ن) تزايد وقـاده
كنه الى اطلع وانتهض عقب تمريـح= عنق الحنيش اللـي يهـاوز جـراده
كن وفقته رجلن على الجمـه يميـح= ضافي شليـل وجـل ساقـه سنـاده
هو السنـد يـوم الهـدد والتماديـح= طير السعد يـوم اللـزز والجـلاده
لاجا نهار (ن) فيـه للفعـل ترجيـح= ياهل الطيور القـول يبغـي وكـاده
الخرب قـدم عيونكـم يالزحازيـح= روح يضف الريش جـل اجتهـاده
تسعة طيور (ن) عندكم روّحت ميـح= مافيهـن اللـي يستحـق الاشــاده
من عقبها قالـوا معـاك التصاريـح= قلت ألزمو والخرب جالـه صمـاده
ظهر ومتنه يلفـح الريـش تلفيـح= يرمـع بمتـن (ن) ماتجيـه البـراده
اللي يشوف الخرب قـال التفاريـح= واللي يشوف الطيـر هـل الشهـاده
الطير وصل الخرب مافيـه تبريـح= شكـه براسـه وابشـرو بالسعـاده
من فوق متن الغيم جابه على الضيح= ( كنه المضلي في حـروب الابـاده )
أنا أشهد انه يشـرح البـال ويريـح= يوم الهـدد والقـول يبغـى وكـاده [/poem]

وهذه ردية بين الشاعر الكبير / بدر بن عواد الحويفي الحربي وطيره يقول الحويفي فيها :

الخرب يا غنام ما هو كروان
= تبرك عليه ولا يهمك صغيره

الخرب عابي لك قنابل بخزان
= يبي على خشمك يفك الذخيرة

غرّك فعولك يوم تقنص لفيحان
= أثرك جيّد لى قضبت الكسيرة

فيرد عليه الطير قائلاً :

انته وراك تلومني يابو سلمان
= والله لأعوضك كان حصّلت غيره

وأنا الحقيقة يوم هدّيت غلطان
= جيته مع البومة واثرها خطيرة

مامقصدي خايف من الخرب جزعان
= لكن ما جيته بعرف وبصيره

خرب مغفل له أسبوعين بشمان
= مليان من قطف الخزامى مصيره

هو طار متعافي وأنا طرت عميان
= سدد عيوني سدد الله نظيره

منقول وأنتم سالمون وغانمون والسلام .[/align][/size]

رد : يازين شبة نارنا بالغداري
 

[size=7][align=center]صح لسان الشعراء ورحم الله أمواتهم .[/align][/size]