متعة هـــــــواي
 

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]

قصيدة لشاعر كبير غني عن التعريف وهو
المحامي الــشاعر\ سعود السبيعي
مثل الجسارة في صدور ((الجمالين)) = مايستفز العشق قلب ((السبيعي))
وكـثر الخطـايا في دروب المــحبين = قلــبي على درب الهوى مـــايطــيعي
بـــعـنا هـوانا واكثر النـاس شـارين = حـب(ن) لـغير الـله فلا هـو طبيعي
عــن الظــلالة نـحمـد اللـه هـاديـن = والـــنفس لـوتـتبع هـواها تـظـيعـي
متـعة هـــواي وسـلوتي مع هل الدين = هذا هو الحب العفيف الرفيعي
مـاوسـوسـت للـنفس جـن الشـياطين = مـتعوذ(ن) بكـتاب ربـي شـفـيعي
وماحلى السكينة في قلوب المصلين = لا ضاق صدري حلم ربي وسيعي
يـالـله يـاغـافر ذـنوب المـلايــــــــين = اجـعـل كـتابـك نـور قـلبي ربـيعي[/poem]



تحياتي للجميع

اخوكم سلمان

رد : متعة هـــــــواي
 

صح لسان سعود
وتسلم والله ياسلمان على النقل:)
تحياتي

رد : متعة هـــــــواي
 

تسلم يمينك ياسلمان على نقل هالجزله
وصح لسااااااااااااااان قائلها

رد : متعة هـــــــواي
 

[size=4][font=Times New Roman][color=#0000FF][align=center][B]بيض الله و جهك يا سلمان
وصح لسانك يا سعود
ونعم والله بالجمالين

ولكن احرجتنا يا سعود وفرغت قلوب سبيع من الحب

فخلها[/B][/align][/color][/font][/size]


[poem=font="Times New Roman,4,blue,bold,normal" bkcolor="skyblue" bkimage="backgrounds/1.gif" border="solid,4,burlywood" type=0 line=0 align=center use=ex num="0,black"]
يا بنت لا يعمسك قول المحامين="ما يستفز العشق قلب السبيعي"
انا اشهد انا نعشق الملح والزين=وماشفت اطرى من قليب السبيعي
هذا محامي وغلبه كثرة الدين=وقام يترفع عن طريق(ن) طبيعي
باع الهوى وخلى هله في الطواعين=هذا تطرف ما امربه شفيعي
المصطفى حب النساء و الرياحين=حب الأهل سنة ولا هو يضيعي
يابنت حبي لك في قلبي براكين=انتي زهر قلبي وانتي ربيعي
يا بنت مثلي من سبيع(ن) ملاين=قلوبها خضرا ولله تطيعي
الدين (انتيفيروس(ن) ) للمحبين=يشرف على اللي ينشرى او نبيعي
يمنع دخول المايلات الملاعين=ويسمح بحب مربيات الجنيني
قاله صبي سبيع ابن الذعافين=وارجو السموحه يا سعود السبيعي[/poem]

رد : متعة هـــــــواي
 

قصيده وردها :)


شكرا سلمان على نقل القصيدة



لك تحياتي

رد : متعة هـــــــواي
 

يسلمك ربي
اخوي كلي مشاعر
ومشكور على المرور

تحياتي

اخوك سلمان

رد : متعة هـــــــواي
 

تسلم اخو شما
ومرورك اخي وسام
افتخر به
شكرا" مجددا"

تحياتي

اخوك سلمان

رد : متعة هـــــــواي
 

[size=4][color=#993333][B][align=center] صح لسان الشاعر سعود

قصيده رائعه من متمكن وفيلسوف شعري

هل الشاعر كويتي اخوي سلمان ؟؟!!

ابن ذعيفه

صح لسانك على الرد الرائع

وواجب عليك ترسلها للمجله المنشوره فيها القصيده ’’ المختلف ‘‘

لا يقطع رزقنا سعود ;)

التحيه للجميع [/align][/B][/color][/size]

رد : متعة هـــــــواي
 

ههههههههه
صح لسانك ملايين يابن ذعيفة
ووجهك ابيض اخوي
وسبعين نعم بالجمالين واحد مايكفي
ولو كان سعود شاعر كبير
لكن الحب اصلا" يولد في قلوب
سبـــــيــــــــــــــــــــــع
قصيدتك جزله فعلا"

هـذا محـامـي وغلـبـه كـثـرة الـديـن *** وقام يترفع عـن طريـق(ن) طبيعـي
صح لسانك ملايييييييييييييييييييييييييين

تحياتي

اخوك سلمان

رد : متعة هـــــــواي
 

مشكور على المرور
اخوي ابن شطيط
وممالاشك فيه ان الشاعر سعود يعد من فحول الشعراء
في هذا العصر وهو كويتي
لكن ماعليكم خوف دام بن ذعيفة منكم
ويكفي القصيدة التي شرفني بوضعها في موضوعي
حتى تغير رأي اللي انت خابر فيكم

تحياتي

اخوك سلمان