منتديات سبيع الغلباء - الله أكبر يـا زمانـي = زاد بـه قهـر الرجـال

بين تحقيـق المحـال .. وبيـن تضييـع الوصـال
ضاع قلب ٍ كان يحمل طيـب هالكـون العظيـم ..
وبين تهميـش العقـول .. وبيـن تسليـط الهبـال
زوّد الضحك الوصي فـي يـوم ودعّـه اليتيـم ..
وبين تحديـد الحلـول .. وبيـن تكريـر السـوال
انتثر دمع المحاجر .. وان فتـح بـاب الحجيـم ..
وبيـن ترديـد الفـراق .. وبيـن تزييـف الليـال
صاح جرح ٍ يحترق في وسط شريـان الصميـم ..
وبين تغميض العيـون .. وبيـن تحقيـق المحـال
والكليم اللـي تكلّـم مـا سمـع صوتـه كليـم ..
وبين تحجيـم المعـان .. وبيـن تاسيـس الـدوال
ضاعت علوم المدرس !! واصبح الطالب فهيـم ..
وبين صيحات المحـب .. وبيـن نظـرات العيـال
قرّر المقفـي يـروح ولا علـى الدنيـا حليـم ..
وبين فزعات العمـام .. وبيـن صكـات الخـوال
ضاع طفل وضاع طفله .. والسبب هرجة غشيم ..
من (سماح الحرف) لين الحرف في(عيـن المثـال)
من (جنون العقل) لين العقل في (جـن السقيـم) ..
كمّـل الحـزن المعانـي والمعانـي فاضمـحـال
وابتدى فيني (غروب الحب) يـا حـب ٍ عقيـم ..
يا ضياع ٍٍ في ضيـاع ٍٍٍ فـي ضيـاع ٍ فـي خبـال
يا خبـال ٍ زاد حـدّه مـن غريـم ٍ فـي غريـم ..
لا سكات ٍٍ فيـه خيـر ! ولا بقـى غيـر الجـدال
والبلا صار الجـدال ! ولابقـى فالصمـت تيـم ..
لا وصلت اللـي ابيـه ! ولا تحقـق لـي منـال !
لا ضحـك وقتـي ثوانـي انقلـب طبعـه لئيـم ..
نـال قلبـي مـن حبيبـه نـال قلبـي نـال نـال
نال هم ! ونال حسره ! نال ضعف ! ونال ضيم ! ..
يا حبيبـي كيـف صـارت دنيتـي عنـدك زوال؟
كيف شمسي في سماك ولا حجبها غير غيـم !! ..
كلمتيـن ولا سمعنـا غيـر شـي ٍ مــا يـقـال
طعنتيـن ولا توجّّـع غيـر قـلـب ٍ مستهـيـم ..
دمعتيـن ولا عرفنـا ويـش معنـى الانهـمـال ؟
ليلتيـن ولا بقـى شـي ٍ مـن الحـب القـديـم ..
احتمال الصـح وارد .. والخطـا فيـه احتمـال ..
يا اتزان الاعوجاج .. ويـا اعوجـاج المستقيـم ..
مـا يميـل الحمـل والجعبـه تشيـل الاعـتـدال
ولا ذكرت (السين) صارت في نهاية حرف (جيم)..
لا تثنّـى عـود مـوز ٍ ساقـه الغربـي ومــال
مـال قلبـي والليالـي همّهـا فيـنـي مقـيـم ..
يا خطوط العرض زاد الشك في عـرض الطـوال
والعدود الساقيه .. مـا ذاق ماهـا غيـر هيـم ..
لاتقـرّب غـاز ظنـك مـن شكـوك الاشتـعـال
و ( المشاكل ) مـا تخلّـي لا خليـل ولا نديـم ..
ما قصرت الباع خـوف ولا خشيتـك فـي نـزال
والخصيم ليـا تفرعـن مـا يجيـه إلاّ خصيـم ..
محتوينـي عـز مجـد ٍ معتلـي كـبـر الجـبـال
معتلي فـوق النجـوم ولا علـى الدنيـا زعيـم ..
مـا ذخـرت إلاّ قصيـدي فالليالـي راس مــال
ولانحنى راسي لغيـر الواحـد الفـرد الكريـم ..
الله اكبر يـا زمانـي .. زاد بـه( قهـر الرجـال)
والله اكبر يا زماني .. زاد بـه (كيـد الحريـم)..
قول من قالوا: يقول .. وقول مـن قالـوا : تعـال
قول عـذّال ٍ تكلّـم مـا خشـى يـوم ٍ عظيـم ..
قصتي ويـاك قصـه .. مثلمـا غنّـت ( نـوال )
ام إحساس المشاعـر جـرة الصـوت الرخيـم ..
هذا قول اللي سعى لك مـا بغـاك إلا ( حـلال )
يوم (غيره) كل همـه ( قصـة الليـل البهيـم ) ..
يحتـرق قلبـه عليـك ..ليـا تطاولـك المـجـال
ويدمح الزله يسامح .. صاحب القلـب الرحيـم ..
( كان غيره هزّ فيـك الحـب يـا حبـه وسـال )
( لا على الدنيا سلام .. ولا بقى فيهـا سليـم ) ..