منتديات سبيع الغلباء - ( قصيده) بديوي بن عون

أيامنا والليالي ,,كم نعاتبها ... شبنا وشابت وعفنا بعض الاحوالي
تاعد مواعيد , والجاهل مكذبها ... واللي عرف حدها من همها سالي
ان اقبلت يوم ماتصفي مشاربها ... تقفي وتقبل وما دامت على حالي
في كل يوم,, تورينا عجايبها ... واليوم الاول تراه احسن من التالي
ايام في غلبها وايام نغلبها ... وايام فيها سوا والدهر ميالي
جربت الايام , مثلي من يجربها ... تجريب عاقل ذاق المر والحالي
نضحك مع الناس والدنيا نلاعبها ... نمشي مع الفي طوعٍ حيث ما مالي
كم من علومٍ وكم اداب نكسبها ... والشعر مازون مثقال بمثقالي
اعرف حروف الهجا بالرمز واكتبها ... عاقل ومجنون حاوى كل الاشكالي
لكن حظي ردي والروح متعبها ... مافادني حسن تاديبي مع امثالي
ان جيت ابي حاجه عزت مطالبها ... العفو ما واحد في الناس ياوالي
قوم الى جيتهم رفت شواربها ... بالضحك واقلوبها فيها الردا كالي
وقومٍ الى جيتهم صكت حواجبها ... وابدت لي البغض في مقفاي واقبالي
ماكني الا امسوي حال مغضبها ... والكل في عشرته ماكر ودجالي
ياحيف ! تخفي امورأ كنت حاسبها ...واللي على بالهم كله على بالي
الجار جافي وكم قومٍ محاربها ... والاهل واصحابنا والدون والعالي
نفسي تبي العز والحاجات تغصبها ... ترمي ابها بين اجاويد وانذالي
المال يحيي رجالأ لاحياة ابها ... كالسيل يحي الهشيم الدمدم البالي
عفت المنازل وروحي يوم اجنبها ... منها الغنيمه وعنها البعد تولالي
لاخير في ديرة يشقى العزيز ابها ... يمشي مع الناس في هم واذلالي
دارٍ بها الخوف دوم مايغايبها ... والجوع فيها ومعها بعض الاحوالي

واسمحولي على باقي القصيد بس هذا اللي حافظه يالربع واوعدكم اكملها