عين المصيده
 

عين المصيده
غزا جهز بن هذال بن فهيد شيخ الشيابين من عتيبه بفرسانه على أل عمير من سبيع في وادي المياه وأخذ ابلهم التي لم يكن عندها الا الرعاة فقط .. وبعد ان وصل الخبر ألى فرسان ال عمير لحقو بهم بالقرب من منطقه تسمى (( عين المصيده )) في هذه المنطقه استطاع سبيع استرداد ابلهم بعد قتل العديد من الرجال والخيل . وعاد بعدها الشيخ جهز بن هذال الى ديرته وقد فقد الكثير من فرسانه فعاتبه ابوه كثيرا لعدم سماع النصيحه في البدايه حيث ان والده قد حذره ونصحه بعد القيام بمثل هذه المغامره التي كان يتوقع لها الفشل . فقال ابنه جهز ان المغازي لطلب الكسب اما ان تصيب واما ان تخيب ولكن المهم هو ان ال عمير سوف يقولون قصايد وسوف ارد عليهم وبالفعل كان توقعه صحيح .. حيث قال مناحي بن سعد الشاعر من الصنادله من ال عمير من سبيع ...
.. يالله يامذري هبوب النسانيس *** الاقدام لامنه ومرهن ومشني .
جانا جهز مرذي طوال النسانيس ***ذيب (ن) على فرس اللحم مستسني ..
حر تماري به جميع القوانيس *** وان ركب عيرات النضا يتعبني ..
وجانا بقومه متعبين المراميس *** وجموعة اللي شوفهن يرهبني ..
وغارو على البل كاسبين النواميس *** كم فاطر(ن) خلو ولدها يحني ..
ولحقو هل البل فوق مثل القرانيس *** كل ابلج (ن) قرب جواده يعني ..
لحقوا بصمعن كنهن المحاسيس *** صويبهن لو طال هجره يوني ...
ذيب الخلا غنى لذيب الهلا ديس *** تلقى العشا ياذيب في دوجهني .
تلقى العشا صفر سواة المقابيس *** وحمر (ن) على حوض المنايا يجني ..
تلقى العشا مكسبين المفاليس *** ونواست الحربي على اكوارهني ..
////
فرد عليه الشيخ جهز بن هذال بهذه القصيده ...
.. حياك يامن هرج هرجة القيس *** بفعولهم وفعلونا اللي مضني ..
كنا على البل فوق نثل المقاويس *** وأخذنا قطيع والحلق وسمهني ..
وجانا من السبعان خيل (ن) كراديس *** ياطيب اهلهن وياطيبهني ..
خيالهم فالهوش يحمي المراويس *** والروح عند اقطاعهم ماتحني ..
لحقو وحدونا على الوادي ابو خيس *** والعفو يوم اقفن ثم اقبلني ..
نضربهم بأم الرصاص الدلابيس *** ويضربنا من عندهم مثلهني ..
وهشنا وهاشو لين كثر الاداويس *** وألاد العميري سبلو دونهني ...
شبو علينا بأمهات النواديس *** اللي ذحاح الموت في صفرهني ...

رد : عين المصيده
 

شكرا ياسعد على ابراز بعض قصص المجد والبطولات
وسبق أن نشرت القصيده في كتاب سوالف الطيبين 2/141
والقصه كامله وفيها فرسان الصنادله من آل عمير
كما نشرها القريشي في كتابه ص132
[ولكن هناك خطأ وقع فيه الكثير من الرواه ومنهم
الراوي للحضبي وهو سرحان بن محمد بن قاسي الصندلي
والراوي للقريشي وهو ناصر بن هذال المكاحله

وقد اتصل الكثير من الرواه من قبيلة عتيبه وسبيع وغيرهم
يصححون قائل الأبيات وهو
(الشاعر دهيس المقاطي)
وقالوا بأن جهز بن فهيد لم يكن شاعرا
وعلى الباحثين تصحيح هذه المعلومه مع تقديري


أخوكم تين

رد : عين المصيده
 

شكرا ياسعد على اعطاء القرؤاء قصص وامجاد ربعنا


والحقيقه انني سمعت عند الصنادله بانها ل (دهيس)
كما قال مؤرخنا تين

وحدثني الكاتب عبدالعزيز الوذيناني من عتيبه [بأنها للشاعر دهيس)
وأن جهز ليس بشاعر



كما اتمنى كتابة المصدر يابو شايع ليطلع عليه اهل التراث

رد : عين المصيده
 

la hentoo jmeee3

ma ga9art 3ala halmaw'6ooo3

e5oook

رد : عين المصيده
 

.. يالله يامذري هبوب النسانيس *** الاقدام لامنه ومرهن ومشني .


الصحيح

.. يالله يامذري هبوب النسانيس *** الاقدام لامنه ومرهن مشني .


بدون حرف الواو الموضوع قبل مشني


والنعم بأهل وادي المياه يطاردون شمال وغرب وجنوب وشرق

مواقفهم فخر للسبيع

رد : عين المصيده
 

تعقيب

ردا على الأخ تين

لقد سألت عن قاائل الأبيات واتضح بأنها لجهز بن هذااال وهذا ماتأكد منه من احد الشيباان وهووو عارف ومعروف في هالسوالف

وبالنسبه لهالوووفعه اكثر من دخل فيها من ال عمير الصناادله والمكااحله وشووي من المشااعبه و وقتها كانوا المشااعبه في نجد بسبب دم عليهم !! وفي تلك الفتره وقعت وقعة المشاعبه وقحطاان في نجد عندما قال شاعرهم

يااذيب ثمله ناد ذيب الشدادي%%%%%خل الجعيره من بني غير تشتاال
كله لعين اللي درع بالحدادددي%%%%تقاضينا ثمن شووقه ثلالاثين رجال

ويقصد هنا بالفاارس بن حريمل فقد قتل في هذه الوقعه ولكن تقاااضوا بداله ثلاثين من قحطااان

وبالنسبه لقاائل القصيده اللي انت قلته فتراك قلت مقااطي والوقعه بين الشياابين وال عمير

وبالنسبه لأبيات القصيده اللي ذكرها الأخ سعد بن شاايع وخااصة في هذا البيتين

ذيب الخلا غنى لذيب الهلا ديس *** تلقى العشا ياذيب في دوجهني .
تلقى العشا صفر سواة المقابيس *** وحمر (ن) على حوض المنايا يجني ..

الصفر هن خيول المكااحله والحمر الصناادله

ولاهنتوا جميع

اخوكم

رد : عين المصيده
 

لا هنت يا سعد .. والله يعطيك العافيه ...

اخوك
محمد بن سلطان

رد : عين المصيده
 

الأخ العويد مع التحيه
تأكدت بأن القصيده للمقاطي حسب رواية الكثير
من عتيبه وسبيع
ولعلك تسأل الصنادله فقد رواها لي أكثر من شخص

وهنا لايهمنا القائل لكن القصيده عباره عن مجد وفخر
للقبيلتين
ومسألة انها بين سبيع والشيابين
فالشاعر يقول القصيده ولو من قبيلة اخرى

اعجابا بالفعل ومواقف الشجاعه
شكرا لكم

رد : عين المصيده
 

هذي السوالف الي تكتب
بيض الله وجهك يابن شايع أنت ولخوان الي علقو على الموضوع

رد : عين المصيده
 

بسم الله الرحمن الرحيم
المكرم الاخ سعد بن شايع السلام عليكم ورحمة الله وبركاته وبعد بارك الله فيك على نقل القصيدتين والاد العميري يستاهلون ولايهونون الشيابين وكما قال احد المشاركين هذي السوالف اللي تكتب وخير الشهادة ماشهدت به الاعداء وانت سالم وغانم والسلام