سوق الخشاش
 

السلام عليك ورحمه الله وبركاته




سوق الخشاش ونحب الخشاش باذن الله السوق الاسابيع القادمه خشاش في خشاش جمعووووووا واترك القياده للخشااش والله يوفق الجميع

رد : سوق الخشاش
 

يا فيصل المشعبي



نبي خمس شركات : المدة شهر .



لأني بنتقل للقياديات بعد نتيجة سابك .

رد : سوق الخشاش
 

[align=center][B] بدجت تردده مغري جدا للدخول والخوج السريع[/B][/align]

رد : سوق الخشاش
 

السلام عليكم ورحمة الله وبركاته

اخي العزيز احب اشكرك على اهتمامك وحرصك وعسى ربي يوسع رزقك ورزقنا معاك
امين

لاكن اخي العزيز انت تقول خشاش بناء على اي اساس اخترت الخشاش ؟
وتقبل تحياتي
اخوك
عماد العطر

رد : سوق الخشاش
 

السلام عليكم
مبروك عليكم السوق من اليوم ورايح الشركات الصغيره بتكون حديث المجالس
من الاسباب التحميع المهول عليهااا مع عدم ارتفاعهااا مع السوق ومع هذا شفتوا الضغط اللي صار اليوم علي الشركات الصعيره والله يوفق الحميع السوق لان ينزل عن 9500 نقطه بدعم من الاتصالات والله يوفق الجميع

رد : سوق الخشاش
 

اخوي الكريم فيصل

انت ايش عرفك ان السيولة داخله ولا خارجه بالسوق لاتقولي انك تشوف الرقم المكتوب عن كمية التداول الي قدام القطاع هذا كمية السيولة المتادوله يعني مجموع الداخل والخارج واحتمال تكون خارجه واحتمال خارجه

اخوي السوق الان في وضع خطير جدا ارجو انك تنتبه
ماراح اقول توقعاتي لاني نشرتها في منتدى تداول تحت اسم معرفي مستر ريال وهذا الرابط لما كان السوق تحت ال 7 الالف ووضع دراستي عن وضع السوق المستقبليه اقراء واحكم

[url]http://tdwl.net/vb/showthread.php?t=226639[/url]

وراح تلاحظ انه حقق نفس الكلام الي قلت عليه طبعا الان اتحقق نصف التحليل وباقي النصف المؤلم الي هوا تكوين القاع

(ملاحظه المدة الزمنية مو شرط لاكن الاهم تحقيق الهدف المنشود )

لا احد ياخذ بنصيحتي الا بعد اقتناع تام يعني يتحمل مسؤلية نفسه

انا الكلام هذا اقوله من باب النصيحه للجميع

وشكرا


عماد العطر

رد : سوق الخشاش
 

السلام عليكم ورحمة الله وبركاته
اخي عماد العطر الله يعطيك العافيه علي النصيحه وخلينااا نتكلم بالمعقول الهوامير يحبون المكسب السريع وعدم التوقف وصغار المشتثمرين خلف الارتفاعات واتمني نخالف الناس في السوق قالو خشاش ورحناااا خشاش وراحو للقيادي واليوم يوعدون في القيادي لاسعار خياليه واتمني نصحي شوي اليوم اقول خشاش واقول ركزوا علي الخشاش واتمني تجزئة راس المال اللي ثلاثه اقسام قسم اشترواااا به من اليوم في اي شركه صغيره وما واكبة الارتفاعات الماضيه والثانيه بعد نزول السهم 20في المائه والثالثه بعد نزول السهم 10 في المائه والله يوفق الجميع اخوكم فيصل السبيعي

رد : سوق الخشاش
 

السلام عليكم
اخوي فيصل المشعبي

اشكرك على كلامك واجتهادك

لكن اخوي لينا بالكلام الصحيح
لاكن قبل كل شي مبروك الارتفاعات الي حاصله عندكم بالسوق وعساها للبركه ان شاء الله

نرجع للكلام الصحيح

اخوي نصيحة لله دام انك شغال بسوق الاسهم حاول تتعلم عل التلحليل الفنى والتحليل الاساسي بالرغم من ان السوق السعودي للاسف مايتبع للتحليل الاساسي لاكن يتبع التحلي الفنى بشكل قوي الصراحه لاكن مايوصل للمستوى المطلوب
لعدت اسباب :
هيئة المال قاعده تتعلم وتطبق اجتهادات عديده بالرغم من ان عندهم الاسواق المتطوة مثل اسواق امريكا واليابان وبريطاني
كل شويه طالعين بنظام
وانا من رايي من الغلط انك تبداء من الصفر وغيرك قطع مراحل كبيرة بنفس الموضوع يا اخي جيب خبراء من نفس الاسواق هذيك وخليه يضع لنا نفس القوانين الي اتوصلو لها ولعلمك قوانينهم قاعدين يعدلون عليها مئات السنين وتوصلو الى مراحل متقدمه
بس لاحياة لمن تنادي

ثاني شي
نظام القروبات بالسوق اسواء شي فيه ولارقيب ولا حسيب كل فتره يطلعون لنا بواحد تسكيته يسكتون الناس زي قولت هاه شوفو تراني مسوين كنترول وهم عارفين ان الناس لها عارفه ان الوضع الله بالخير

وانت تقول نسمع يقولو خشاش نروح خشاش

الحين خذ المعلومه الزينه انا جاني كمعرض على اساس ادير محافض قروبات بالسوق السعودي وانا ما اتعامل بالسوق السعودي نهائي

ونظام القروبات التالي :
يبداون التجميع بصمت ولما ينتهى التجميع يبداون التوصيت الي تعتمدون عليها ويبداء الناس بالشراء وهم يحجمون عن البيع عشان الطلب يكون اكثر من العرض ويرتفع السعر ويضعون لنفسهم متوسط سعر ولما تجي انت والثاني والثالث يشترون يبداون بالتصريف عليهم ويعلقونهم تعليقات شينه او ارباح ضئيله بمقابل الارباح الفلكيه الغير شرعيه

ونسيت اقولكم شي مهم جدا انت تقول نخلي بقية المحفظه لنزول السهم اذا نزل 10 بالمية نشتري واذا نزل 20 بالمية نشتري يا اخي الكريم ذا غلط مو شرط نزول السهم معناته انه وقت شراء انت شوف اول ليه نزل السهم هل هو جني ارباح عادي او خبر سيء على السهم او انهيار

واذكر قصة حصلة معي بالبنك الامريكي كانت عندي مراجعه للبنك وقلت خليني امر على صالة التداول اشوف اخبار السوق ولقيت ناس يقولون مثل كلامك لما كان السوق وقتها 11 الف وبداء ينزل وقاعدين يوصون بعض بالشراء يقولو الاسهم زينه نزل سعرها يله اشتري قلت لهم انتو ايش عرفكم ان السهم سعره زين وليه مايكون بداية انهيار وتدخل انت وتدحدر معاه وتضيع فلوسك طبعا نشفو روسهم ونزل بعدها السوق ل 6700

وهذا الي عندي وسلامتكم

وتقبلو تحياتي
اخوكم\
عماد العطر