مطلوب شاعر فحل يالمطاليق
 

أنا في راسي الليله هواجس واجدة وصفوف ***ياالـربـع ويـن الشـاعر اللي يعـرف اسلومة

يـنـزل مـعي الـميدان يفهم في رقم و حروف *** والحر الأشقر صرت أشوفه يعشق البومة

رد : مطلوب شاعر فحل يالمطاليق
 

انا في راسي الليله حراميه وخمس ضيوف === معشيهم على خمسة عشر نجمه ومنجومه

سمعنا يا بروق الصيف بالخافي من المكشوف === قلوب(ن) ما تحسب حسابها ماهيب محشومه

رد : مطلوب شاعر فحل يالمطاليق
 

شعللوها

رد : مطلوب شاعر فحل يالمطاليق
 

هلا بك ما لمى برقة ويرزم راعدة بقنوف **** والهاجس الصايم أشوفة افطر مايبا صومه

والخافي اللي قيمتة كانت على مية وألوف **** اليوم في سوق الحرامية يبيعونة بدرهومه




والعفو منك البارح رقدت

رد : مطلوب شاعر فحل يالمطاليق
 

العفو من الله سبحانه

اقول ابك البقا والسالفه ما بين جلد و صوف ==== وانا ما نيب فيل(ن) ياخذ اللقمه بخرطومه

ليا صار الذهب غالي وصارت للعباد ظروف ===== يبا يقعد محله ما حدن يقدر على سومه

رد : مطلوب شاعر فحل يالمطاليق
 

القبـايل ياقبـايل وين راحت شـرعها معـروف **** أشوف إن الظروف مواتية والحر طول الحومه

وذيك الحبارى طامنة ولا يطري عليها خوف **** مسـتـامـنه بـعقاب حايـم فـي السـماء دومه

رد : مطلوب شاعر فحل يالمطاليق
 

تبيها مثل دم الجوف لا تبلش بدم الجوف === وابن برمان له طير(ن) عليك يمد زلقومه

ابه طير(ن) يحوم وطير ريشه في الشجر منتوف === تخير بين هالاثنين في القعده وفي القومه


بروق الصيف مشكور الله يعطيك العافيه لنا لقاء في محاورات اخرى انشالله

رد : مطلوب شاعر فحل يالمطاليق
 

تسلم وبيض الله وجهك

والفو انا انقطعت اسبوع اكمل كنت مشغوووووووول مافضيت للنت


ومبرووووك عليكم الشهر الفضيل

رد : مطلوب شاعر فحل يالمطاليق
 

[align=center][B][size=5]صحت ألسنتكم ياشعار وبيض الله وجيهكم


أخوكم / [color=#000000]شاعر المعنى[/color][/size][/B][/align]

رد : مطلوب شاعر فحل يالمطاليق
 

[size=9][font=Comic Sans MS]سلمكم رب السماوات والارض من كل شر
محاوره تنحسدون عليها
تقبلو مروري[/font][/size]