منتديات سبيع الغلباء - مشعاااااب وسفرته على الخطوط السعوديه لا تعليييييق

[color=#000066][size=5]السلام عليكم ورحمه الله وبركاته

قرر مشعاب يروح للرياض على الطياره وحصل معه التالي بس اعذروه اول مره يسافر على طياره قصيت البوردينق و عند باب الطيارة خذت المضيفة مني الورقة .. شافت رقم كرسيي ..
قالت لي "شفت الكرسي إللي هنااااك؟؟ "
"إيه"
قالت "هذاك كرسيي و ممنوع تجلس عليه باقي الكراسي طب و تخير"
دخلت و أنا أقول ما الومك .. كرسي المضيفات قبل الشباب ممتحنينه بالذات إللي عند الدورات ورى !!

جلست على الكرسي و الوراعين متـنـثرين ذات اليمين وذات اليسارتقول راكبين باص روضة أطفال ..!!
و خذ عاد من المطامر على الكراسي و نطل الوجيه و إبتسامات المصالة للمضيفات

الإعلان الأول

"أعزائي المسافرين .. يسر الخطوط الجوية السعودية أن ترحب بكم على متن رحلتها رقم 987 و المتجهة الى الرياض.. يالله عاد كل واحد يجلس على كرسيه عشان نقلع"

عاد فيه عجوز في الكرسي اللي قدامي الظاهر انها اول مره تركب الطياره مثلي
تقول لولدها" يا ولدي وراه يقول نـنـقلع ؟؟ "
" يا أمي نـقـلع نـقلع يعني نطير"
"وشو؟؟ "
" نطيييير"
"خطير ؟؟ "
" لاحووووول .."
" جابوا قول ؟؟ "

الإعلان الثاني

" أعزائي المسافرين كما تلاحظون فإن كابتن الطيارة قد اضاء إشارة ربط الأحزمة وإشارة عدم التدخين .. و لكي تحكم إغلاق حزام الأمان أدخل القطعة الحديدية في المزلاج، ثم شد الحزام .. أحزمتـنا مثلها مثل أي حزام أمان .. و إذا واجهتك أي صعوبة في ربط الحزام فإسمحلي الظاهر إنك لوح !! "

"الكابينة مزودة باقـنعة أكسجين .. عند حدوث حريق أو دخنة لا سمح الله سوف تهبط أقـنعة الأكسجين من سقف الطائرة. أطفئ سيجارتك، و لا تـصايح، أمسك القناع و أسحبه على وجهك. إذا كان في صحبتك ورع صغير ، ضع القناع على وجهك أولاً بعدييييين ورعك .. إذا كان في صحبتك أكثر من ورع شف من أحب واحد لك فيهم و إلا دق قرعة "!!ولا بلاش خلهم يعرفون ان الله حق ويهجدون في كراسيهم

"يوجد تحت كل مقعد سترة نجاة .. و في حال الطوارئ أو الهبوط على الماء يمكنكم إستخدامها بس على شرط ترجعونها .. و من الآن إلى وقت إقلاع الطائرة نرجو من كل راكب التأكد من أن سترة النجاة حقـته مهيب تـنسم يالله توكلوا على الله وأنفخوا !! "

سكرواالباب و أقـلعنا !!

الكابتن مرة أخرى

" أسعد الله مساءكم بكل خير و مرحباً بكم على متن الطائرة 747 و المتجة إلى الرياض .. نحن الآن على إرتـفاع عشرة آلآف قدم و قد وصلنا الآن لمرحلة تثبيت السرعة .. فأنا بأثبت السرعة و بأطفي لمبة حزام الأمان .. خذوا راحتكم على كيف كيفكم، بس تكفون لحد يطلع من الطيارة .. تراا برا برد و إذا أحد مشى على جنحان الطيارة ممكن يأثر على مسار الرحلة ، و عند حاجتكم لأي خدمة لحد يجيني .. عندكم طاقم الملاحين تعبروا بهم إلين نآصل .. و بالمناسبة يسر الخطوط السعودية أن تعلن أنها تملك أفضل عشرة ملاحين في العالم .. للأسف محد منهم معنا على هالرحلة، و شكراً "

انا على طوووول. فكيت الحزام و رحت للمضيفة في كبينة الأكل و مديت لها ريالين .. " لو سمحتي واحد ببسي "
(( على بالي إن ببسي الطيارة غالي ))

وزعوا الوجبة و بدينا ناكل و المضيفات يدورن بالشاهي و الكوفي .. وصلت المضيفة للعجوز اللي في الكرسي اللي قدامي
قالت لها " أديكي كوفي ؟؟
" .. يوم نغير وجه العجوز و لا عاد قامت تاكل .. قال لها ولدها " ليش ما تاكلين يمّة ولا ما تبين عيشتهم "
قالت "لا والله يا وليدي بس أنت ما سمعت المرة تـقول كفي يدك!!؟؟

الكابتن مرة ثالثه

" حضرات الركاب الكرام سيتم توزيع الوجبات الساخنة من قبل ملاحين الطائرة
(( يا حليلك .. الربع لهفوااااا الصحون وأنت توك تعلن!! ))
الفترة الزمنية المتبقية من الرحلة حوالي 19 دقيقة للوصول الى الرياض .. درجة الحرارة في محطتـنا القادمة 48 درجة ( الحومة تبغى كذا ولا هي أكثر ) مع تواجد بعض السحب المتـقطعة على منطقة المطار و سوف يحاولون ربطها قبل وصول الرحلة.
شكراً لطيرانكم مع السعودية و تذكروا أنه لا يوجد من يحبكم و يحب دراهمكم أكثر من الخطوط الجوية السعودية"
(( شكله ما سمع بشركة الإتصالات ))

بعد دقـيـقـتين أحد ملاحي الطائرة يعلن :

"أعزائي المسافرين كما تلاحظون فإن كابتن الطائرة قد اضاء إشارة ربط الأحزمة .. الرجاء ربط احزمتكم و رفع طاولة الطعام إستعداداً للهبوط "

ــــــــــــــ

العجوز : " هوه بنخبط !! "
" لا أمي هبوط يعني بنوقع "
" وشوله يتوقع قدامه بعارين !!
(( يا شيخة طيري و أنتي ساكتة ))

ـــــــــــــــ

و بدينا نهبط و الظاهر إن فيه عـجّ لأن الطيارة قامت تطلع و تـنزل تـقـول كنك مع طريق المهمل
و شوي يوم وقعت الطيارة في المدرج و كان هبوط قوي الظاهر الكابتن مايحب يوقع الظاهر إنه يحب يختم !!

"أعزائي المسافرين كما تلاحظون فقد هبطنا في مطار الملك خالد الدولي بالرياض الرجاء منكم البقاء في مقاعدكم و الأحزمة مربوطة حتى يتمكن كابتن الطائرة التوقف بإللي بقى من أجزاء الطيارة عند البوابة !! "

العجوز "ياولدي هالمرة أنا سامعته زين .. يقول هبدنا المطار !! "
(( إتقي الله يا شيخة ))

"أثناء خروجكم من الطائرة يرجي من حضراتكم التأكد من أخذ جميع أمـتـعـتـكم .. أي شي تـتركونه سيتم إتلافه من قبل ملاحينا فرجاءاً لا تـتركون عيالكم " !!
واللي سارق شوك وسكاكين وبططاين يرجعها لا أتوطى بطنه .. ومجلة أهلا وسهلا حلال عليكم تر قيمتها ضمن التذكره [/size][/color]