منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتديات الـمـشـاهـيـر والقصص البطولية (https://www.sobe3.com/vb/forumdisplay.php?f=27)
-   -   قبيلة الصنادله ... بطولات وأمجاد !! (https://www.sobe3.com/vb/showthread.php?t=33873)

عايش ابوليل 16 - 02 - 2009 07:43

قبيلة الصنادله ... بطولات وأمجاد !!
 
[align=center][size=4][color=#000000][font=Simplified Arabic]



بسم الله الرحمن الرحيم

والصلاة والسلام على أشرف الانبياء والمرسلين

سيدنا ونبينا محمد وعلى آله وصحبة أجمعين ,,,

في هذا الموضوع اللذي أختصيته بذكر بعض ٍ من بطولات وأمجاد فرع ٍ من فروع شجرة قبائل سبيع الغلباء

وهذا الفرع هو قبيلة الصنادله من آل عميــــر

واللتي سأذكر ان شاء الله بعض من وقعاتها وهيّاتها مع عدد من قبائل الجزيرة العربيه اللتي خاضتها قبيلــة

الصنادله لوحدها دون مشاركة إي ٍ من قبائل سبيع الاخرى ,وعلى سبيل المثال لا الحصر وقعاتها مع قحطان

وغامــد وأكلــب والشيابين من عتيبة الهيــلاء

مثبة ٍ بأحداثها وشواهدها الشعريه المثبوته,

من شعراء الصنادله اللذين عاصرو تلك المعارك ومن شعراء أخرين تغنو بأمجادها وبطولات على أثر الماضيــن

ومن هذه ِ المعارك ..( هيّــــة الغثــــوري )

اللذي قال فيها جدي الشاعر محمد بن عليثه :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من هيّة في الغثـوري عـاد عيدهـا=تاكـل وتملـى بالعـوادي دحالهـا
تاكل مـن رؤوس العـوادي وتنثنـي=وغـب الملاقـي ناسيـه مامضالهـا
فدجنا على خمسـة وعشريـن لحيـة=يشدون طـي البيـر سـدحِ بجالهـا
وخمسة عشر مع مضنك الريع عقبهم=عليهـم العرجـاء تنـادي عيالـهـا
واميرهـم جمهـور خلّـي منـخـدم=وحامـت عليـه مردمـات ضلالهـا
والذيب ياكـل فـي المعـارك جثتـه=والطير مـن جـو السمـاء دوالهـا [/poem]


مناسبة هذه ِ الهيّه وأحداثها ومن هم طرفيها؟

وقعت هذه ِ المعركه بين الصنادله وعبيده من قحطان االذين كانو على جيرة ٍ مع الصنادله نتج عنها عهــد بينهما

بعدم تعرض اي ٍ منهم للاخر فدارت السنين وفرقت بينهم وفي يوم ٍ من الايام بينما كانو قبيلة الصنادله مقيضين

بفريسهم وشيوخهم في صُندحه الواقعه في شعيب غثران في الاملح , فذهب الفارس راضي الصندلي بمفرده

للصيد فألتقى بجيوش قحطان أتية ٍ للغزو فعرف إنهم أتين لغزو الصنادله فأستوقف أميرهم يذكره بالعهد اللــذي

كان بينهم فكان ذلك الوقت الامير وقائد الجيش يدعى ( جمهور ) قال العهد مانسيناه ولكن عوال قحطان مافي

بطونهم لون ولامصبرهم الا مص العجم .. ولن أردهم عن ماء ونخيل الاملح فأمر بالقبض على الفارس راضـي

وتكتيفه لكي لايذهب ويبلغ الصنادله ليستعدو للغزو .. وبينما تم القبض على راضي وكتف الصنادله شعروا

بتأخر راضي عنهم وكان شيخ الصنادله ذلك الوقت مقيض ٍ ضمن المقيضين فصاح في الجمع وقال القوم فيكم

وأمر بإشعال النيران بعد ظلام الليل وأن يخلو البيوت من الناس ويستعدو لصد العدو وبالفعل ما إن اتى قبيل الصبح

إلا وجيوش قحطان مقبل ٍ اولهم فصاح الصايح وألتحم الجمعان وكان من أشد المعارك ضرواة ً على قبيلة الصنادله

ولكن أيدهم الله بنصر ٍ من عنده فصدو قحطان وكسروهم وألحقو بهم خسائر فادحه وتضحو منهم بواحد وأربعين

فارس على راس اميرهم جمهور اللذي كان أخر من قتل منهم على يد الفارس راضي بعد ان تحرر من وثاقه وكان

قد لاذ بالفرار بعد ان أدرك أن الامور لاتسير في صالحه بغية ً أن ينجي بنفسه ولكن الفارس راضي تمكن منه

وقتله وهو مسرعاً على خيله , فأعلن النصر وتباشرت به قبيلة الصنادله فقام شاعر من الصنادله يدعى ابن الاسود

بنظم عدة ابيات في ذلك الوقت وهو على ظهر خيله :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله اليوم لانادى المنادي =ناد بسعودنا وانت معبود

جابهم ربنا في يوم حادي = ذا جزاء اللي يبوقون العهود

يوم جمهور طاح من الشدادي = فوقه الطير والضبعه ترود

ضربنا في النحر بين الثنادي = لا اخطت الرؤوس ماتخطي الكبود

كله لعين من لبس الحدادي = ضامر البطن مركوز النهود[/poem]


وقام بترديها فريّس الصنادله في ذلك اليوم على ظهور خيولهم .وبعدها بوقت أنشد الفارس راضي عدة ابيات

وقام جدي الشاعر محمد بن عليثه بكتابة قصيدة فصلت أحداث ذلك اليوم وخلدت نصر الصنادله على قحطـان

وأسند قصيدته لقبيلة المكالحه وأل علي مفاخراً بفعول ربعه :


[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله يالـلـي لا إلـــه الاهـــو=يامصـرف الدنيـا والافـلاك حالهـا
جونا قحاطينِ علـى أكـوار ضمّـر=الجملـه اللـي راد ربـي زوالـهـا
عبيـدة خانونـا وإنـا علـى النقـاء=ميـر الـولـي فتالـهـا حلالـهـا
تنكـرو لربـي وخـانـو عملـتـه=وشـاف العميـل عميلتـه واشفالهـا
وفي جـال سقمـانِ جعلنـا دويسَـه=مثـل الحرايـق موقديـنِ شعالـهـا
فمـن بعـد ذي ياراكـبٍ عدملـيـه=هي منـوة الطـارش لـدارِِ ِهقالهـا
كبيـرة عثانيـن القفـى صيعـريـه=لاناشهـا العرقـوب جاهـا جفالهـا
عريبـة الجديـن مادقـهـا الفـلـس=بعيـدة مـلاذ سدولهـا عـن ريالهـا
حمراء ليا سمعت من اللعـب حـادي=تركي عليهـا اليـن يتصـرم حبالهـا
عليها عزيم القلب لاشوهـب الخـلا=صميـدعِ قطـع المخافـات نالـهـا
ومطـرق فرنجيـةِ عليهـا معـلّـق=لاجاء يقوس الـدرج خمـسِ قبالهـا
تحـط سفيـر بالوصـوف يمينـهـا=وخـل العـروق النايفـات شمالهـا
وألاد علـي قدمهـا منصـىِ لـهـا=منصى لاهل عوسِ مضـن مدهالهـا
هـل كرمـت مخبـورةِ وإمعلومـه=وإليا غشى شهـب النجـوم ظلالهـا
ثـم بعـد ذي يسـرح عليهـا مبكّـر=مسـراح شبـلِ يـم ديـارِ نوالـهـا
حط خشـوم الضلـع كلـه أيمينهـا=والعـرق خلـه حنجـرانِ شمالـهـا
تنصـت الكيـران وانــت مسـنّـد=وتلقى رجـالِ فـي حفـوف جبالهـا
لاد العميري اللـي ينوسـون العـدا=عرنـة حـروبِ مايكـن جهالـهـا
ثم خـص مـن لاد المكيحيـل لابـه=الابـة الـلـي مـانـدور بدالـهـا
الابة اللي فـي اللقـاء تنثـر الدمـى=عـواديِ سـم البـلا فـي قتالـهـا
فعـط العلـوم اللـي يسـره علمنـا=حيـث العلـوم الطيـبـه يشفالـهـا
انـا نتمنـى ربعنـا لطّامـة الـعـدا=ربـعِ ينومـس فـي اللقـاء فعّالهـا
وانا نتمنى عيال العود لاوصلنا القصى=لاكادنـا الكـايـد ودارت محالـهـا
ياليتـهـم شـافـو نـهـارِ عليـنـا=من جمعـةِ كـن الجـراد اجتوالهـا
يامـا كسرناهـم ويـامـا ترايـعـو=وقامت حمادي البيض نـدب عيالهـا
وألأد صندل سترهـن يـوم فرعـن=ننطح سهـام المـوت وإنـا رجالهـا
من حزة طلوع الفجر أو قدم ساعـة=وإليا صلاة العصـر حامـي قتالهـا
يضدونـا بالكثـر وحنـا نضـدهـم=كمى سيـل محنـابِ تضـدّة جبالهـا
ولياكن تحضرامنـا ليامـن ضايقونـا=تحضـرام سبـاعِ والفرايـس قبالهـا
ولازعـزع العـود النجيـب نترايـع=ترياع سيـلِ فـي مطـاوي رمالهـا
وتباشرت سحق الخلايـا وحرجمـت=وقامـت ترايـع عـطـفِ لعيالـهـا
وتباشـرت حلـوات الالبـن بالفكـك=ونـادا مناديـنـا وربــي بدالـهـا
وتباشرت حـدب النصـور الهلايـا=برزقِ من المولـى تجيلـه وجالهـا
من هيّة في الغثـوري عـاد عيدهـا=وتاكـل وتملـى بالعـوادي دحالهـا
تاكل مـن رؤوس العـوادي وتنثنـي=وغـب الملاقـي ناسيـه مامضالهـا
فدجنا على خمسـة وعشريـن لحيـة=يشدون طـي البيـر سـدحِ بجالهـا
وخمسة عشر مع مضنك الريع عقبهم=عليهـم العرجـاء تنـادي عيالـهـا
واميرهـم جمهـور خلّـي منـخـدم=وحامـت عليـه مردمـات ضلالهـا
والذيب ياكـل فـي المعـارك جثتـه=والطير مـن جـو السمـاء دوالهـا
تحسبهـا ياجمهـور قدمـك مبـردة=حنا الـذرى وحروفهـا عنـد جالهـا
تضحينـا منكـم باربعيـن وواحــد=صنع النصارى اللي رزيـنِ مشالهـا
وعادات ربعي في الصبـاح مشوعـه=صنـع الفرنـجـي زودو فاكيالـهـا
بارودهـا حــري ودرجِ مثـومـر=وملح القـرى يـوم اللقـاء يحسالهـا
يرميهـا زحازيـحِ مـن ألاد صنـدل=يرمـي راميهـا والملـك عدالـهـا
وننومـس الشجعـان لاحـل ذكرنـا=واتـرك رجـالِ مايصـدّق مقالـهـا
وختامها منـي صـلاة علـى النبـي=اعـداد ماهـل المطـر مـن خيالهـا .[/poem]


من الوقعات الاخرى لقبيلة الصنادله اللتي انتصرو فيها وقعتهم مع الشيابين من عتيبه

بعدما أغارو عليهم الشيابين وهم مقيضين في الاملح فاخذو ابل الصنادله وصاح الصايح

وماهي الا ساعات قليلة وإذا بفريس الصنادله يمتطو الصفر ويلحقو بالشيابين ويردون

منهم الابل بعد أن اوقعو بهم خسائر فادحه ولم يسلم منهم الا من نجاء بنفسه وهرب

على راس اميرهم جهز الشيباني اللذي عندما رجع خائباً مهزوما ً الى ربعه قال له ابوه

(.[color=#FF0000]علامك ياجهز جيت خايب وين الابل ووين اخوياك .... قال أبك انت جالس ٍ هنا تدرهش لشوهاتك

مادريت بالكون اللي جرى علينا ابك يابوي لحقونا فريّس رؤوسهم كنها الطوس بيض من الشيب[/color])

ويقصد بذلك الفريس اللذين لحقوه من الصنادله وردو الابل فيهم شيبان ٍ رؤوسهم بيض من الشيب

وجرت مساجلات بين شاعر من الصنادله لايحضرني اسمه ولستُ متأكداً هل هو الشاعر فواز بن عويد

أم الشاعر سعد الشاعر ولكن البدايه كان من الشاعر الصندلي :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله يامذري هبوب النسانيس= الاقدار لامنه ومرهن مشني
ذيب المصيده ناد ذيب الهلاقيس = تلقى العشى ياذيب في رودهني(1)
جانا جهز على طوال النسانيس= سبع ٍِ على فرس اللحم مستسني
يلوعنا بام الرصاص الدلابيس= ويلعوهم من عندنا مثلهني[/poem]

1_المصيده والهلاقيس جبال تقع في اللاحه من علاوي رنيه

وعندما علم جهز الشيباني بهذه ِ الابيات رد عليها وقال :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حييت يامنهو هرج هرجة القيس = بفعولنا وفعوله اللي مضني
قامو وحدونا على الوادي ابو الخيس= العفو يوم اقفن ثم اقبلني (1)
لحقو على الابل كاسبين النواميس=كل أبلج ٍ قرب جواده يعني
لحقو بصمع ٍ كنهن المحاسيس = صويبهن يبطي بكونه يوني[/poem]

1_ الوادي ابو الخيس وادي يقع في اللاحه اللذي وقعت في المعركه

يذكرون بأن لون الماء في ذلك الوادي غطاه الدم من كثرة عدد القتلى.


ومن المعارك ايضاً اللتي انتصر فيها قبيلة الصنادله إنتصاراً مجيداً معركة الجنبه من قبيلة غامد

وسميت بذلك لان الجنبه كان عندهم كلب ٍ مسمينه على اسم فواز بن محمل شيـــخ الصنادله

واول من علم بذلك جدي الفارس مقعد العويزب _ رحمه الله اللذي مربه طريقه عليهم للمبيــت

فسمع أحدى النساء تقدم العشاء للكلب وتناديه بفواز وعندما تأكد بأن المقصود شيخ الصنادله

قام وترك العشاء وقال (( [color=#FF0000]والله مانيب مقعد إن ماصبحانكم وجعلنا عليكم دويسه[/color] )) فسرى ليله

وعند وصوله للصنادله صاااح فيهم وجمعهم وأخبرهم بالامر وقال كانكم بتغزون معي ولا تراني

غازي لوني لحالي ....... فأمر الشيخ فواز بن محمل بالغزو بقيادة جدي الفارس مقعد العويزب

فصبحو الجنبه وأبادو من في ذلك المكان كله وغنمو مغانم كثيراً من الابل في ذلك المعركــــه


ومن الوقعات الاخرى لقبيلة الصنادله عدد ٍ من معاركهم مع أكلب اللتي وحدّت المملكه والصراع

قائم بينهم وهنا يذكر جدي الشاعر محمد بن عليثه رحمة الله في قصيدة ٍ له رداً على شاعـــر

اكلبي لاتحضرني قصيدته :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عليكم قوم ابن قاسي كمى نجم ٍ على الضلعان = بآواليد نهار الهوش والعزوه عميريه(1)

ولامثلك يمارينا بفعل السرق يادغمان = سرقتهم في وجوه أكلب عليك السود مثنيه(2)

تذكر هية ٍ في الزرب يوم الملح له ربان = عليكم من طلوع الفجر لين أشتدت الفيه

لازعزع ألاد صندل جيناكم مع الفيجان = علينا نرد حياض الموت والمحزم يمانيه

خذينا الابل تراديد ومنكم نذبح الشيخان = ولاعاد أمنك منا ياكود الحكم جبريه[/poem]


وبهذا أنا أنهي موضوعي اللذي ذكرت فيه بعض من أمجاد وبطولات قبيلة الصنادله :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وأنا أقول الحق والشاهد الله = من لابة ٍ يقدح نظرهم شراره

صنادله يوم الملاقا معلّه = قبيلهم كسره صعيب ٍ جباره[/poem]

وصلى الله وسلم على سيدنا ونبينا محمد وعلى آله وصحبه اجمعين

كاتب الموضوع / عايش بن محمد ابوليل الصندلي



[/font][/color][/size][/align]

خيَّال الغلباء 16 - 02 - 2009 10:41

رد: قبيلة الصنادله ... بطولات وأمجاد !!
 
[size=5][align=center]أخي الكريم / عايش أبو ليل السلام عليكم ورحمة الله وبركاته وبعد : شكرا جزيلا لك على هذه القصص بشواهدها من القصائد لبعض أيام إخواننا الصنادلة من اّل عمير الصنادلة ضد قبيلة عبيدة قحطان وقبيلة الشيابين عتيبة وقبيلة أكلب والعرب في السابق وقبل أن تجمعهم راية التوحيد خفاقة يوم لك ويوم عليك والمبغي عليه منصور من الله تعالى وخيانة العهد عواقبها وخيمة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .[/align][/size]

مترك ثواب 16 - 02 - 2009 11:57

رد: قبيلة الصنادله ... بطولات وأمجاد !!
 
[align=center]الله لايهينك يااخ عايش .. على القصص البطوليه التي تنومس كل سبيعي


والله ونعم بكم يااالاد صندل شجاع وكرم وخوه .. ونريد منك المزيد من القصص البطوليه يابوليل

وشكراً

أخوك / مترك أبن هليمه[/align]

الزعيم الأول 16 - 02 - 2009 12:35

رد : قبيلة الصنادله ... بطولات وأمجاد !!
 
[color=#660000][size=4] بسم الله الرحمن الرحيم

والله ونعم بلاد صندل

شكرا على ماكتبته من

قصص البطولات وألآمجاد

للصنادله ونرغب المزيد

الله يعطيك العافبه ياعايش

أبواليل تقبل مروري والسلام

اسلم وسلم
[/size][/color]

ابومحمد11 16 - 02 - 2009 13:00

رد: قبيلة الصنادله ... بطولات وأمجاد !!
 
ونعم يالصنادله

لاهنت ياعايش وبيض الله وجهك

عـقيـد الـقـوم 16 - 02 - 2009 16:57

رد: قبيلة الصنادله ... بطولات وأمجاد !!
 
الأخ العزيز / عايش ابو ليـل ..

مشكور وبيض الله وجهك على هذا الموضوع الجميل الذي يحتضن البعض القليل من معارك ووقعات الصنادله
مثبه بقصائدها



تقبل تحياتي وشكري .

عايش ابوليل 25 - 02 - 2009 16:55

رد: قبيلة الصنادله ... بطولات وأمجاد !!
 
[align=center][size=4][color=#000000][font=Simplified Arabic]


استاذنا الرائع : خيّال الغلباء

الله لايهينك على مرورك الغالي على قلبي ولاعليك زود طال عمرك

تقبل تحياتي وتقديري



[/font][/color][/size][/align]

حزم الجلاميد 01 - 03 - 2009 10:54

رد: قبيلة الصنادله ... بطولات وأمجاد !!
 
[size=7][align=center]مشكور وما قصرت والله لا يهينك[/align][/size]

مناحي الصنادله 02 - 03 - 2009 22:21

رد: قبيلة الصنادله ... بطولات وأمجاد !!
 
السلام عليكم ورحمة الله وبركاته شكرا يا ابو ليل علي هذا الموضوع

مناحي الصنادله 03 - 03 - 2009 13:40

رد: قبيلة الصنادله ... بطولات وأمجاد !!
 
بيض الله وجهك يا بوليل ومهي غريبه منك رجال من سلالت رياجيل

مناحي من ال عقيل الزوره الصنادله


الساعة الآن 08:18.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها